Чкотуа Омар Беигәаа изы: адиаспораҟны аԥсуа милаҭтә хдырра дасимволуп

143
(ирҿыцуп 10:25 01.07.2021)
Ԥхынгәы 1 азы аҵарауаҩ- абызшәаҭҵааҩы Омар Беигәаа диижьҭеи 120 шықәса ҵит. Ауаажәларратә усзуҩ, аиҭагаҩ Октаи Чкотуа арадио Sputnik аефир аҟны дазааҭгылеит Ҭырқәтәыла инхо аԥсуаа рыхдырра ашьақәгылараҟны аҵарауаҩ илшамҭақәа ртәы.
Еицырдыруа ахьыӡқәа: аҵарауаҩ Омар Беигәаа

Омар Баирам-иҧа Беигәаа иналукааша аҵарауаҩ-абызшәаҭҵааҩы, афольклорист, аҭоурыхҭҵааҩ, аетнограф, ашәҟәыҩҩы, арккаҩы, аҧсуа мҳаџьырцәа рхылҵшьҭрақәа дреиуоуп. Аҧсны Аҭҵаарадыррақәа Ракадемиа ҳаҭыр зқәу академик, аҭҵаарадырратә монографиақәа хәба дравторуп. Аҵак ду рымоуп иусумҭа дуқәа – "Аԥсуа мифологиа" (Сҭампыл , 1971), ҩ-томкны иҟоу аусумҭа "Кавказ" (Сҭампыл, 1985, 1986). Беигәаа иусумҭақәеи рҿы дрылацәажәеит аԥсуа бызшәа алексикеи аграмматикеи рызҵаарақәа, Аԥсны аҭоурыхи аетнографиеи. Иара дравторуп ажәытә аԥсуа бираҟқәа ирызку иуникалтәу астатиақәа. Омар Беигәаа ипоезиа зегьы изгәакьоу Аԥсны иазкуп, урҭ апатриоттә цәанырра рыҵоуп, афилософиатә гәҭахәыцрақәа, иҭоурыхтә ҧсадгьыл иазку ашәақәеи агәаҟашәақәеи. Омар Беигәаа имҩаҧигон аус ду аԥсуа шәҟәыҩҩцәа Д.Гәлиа, С. Ҷанба, Гь. Чачба русумҭақәа раларҵәаразы. Иара алатин графикатә шьаҭа аҭаны еиқәиршәеит Ҭырқәтәылатәи аԥсуаа рзы иҷыдоу алфавит. Омар Беигәаа ҳажәлар адоуҳатә мал ду рзаанижьит.

"…Ҳаԥхьаҟа ҳажәлар ирԥеиԥшыз рдыруан, иахьнаргаша аҭыԥгьы иазхәыцхьан, убри азы аџьабаа рбон. Омаргьы ус акәын дшыҟаз. Омар Беигәаа адиаспораҟны аԥсуа милаҭтә хдырра дасимволуп. Сара сзусҭоу еилыскаартә сҟазҵаз Омар ишәҟәы ауп", - иҳәеит Чкотуа.

Аиҿцәажәара инарҭбааны аудиофаил аҟны.

Иара убас шәаԥхьар ҟалоит:

143

Жәлар рдоуҳа: Ҭодуаԥҳа ахшара дызмауа аԥҳәыс лзы аԥсуаа имҩаԥыргоз ақьабзқәа ирызкны

15
Нарҭдырреи адәынтәи афольклорҭҵаареи рцентр аусзуҩ Есма Ҭодуаԥҳа арадио Sputnik арубрика "Жәлар рдоуҳа" аҟны еиҭалҳәеит ахшара дызмауа аԥҳәыс лзы аԥсуаа имҩаԥыргоз ақьабзқәа ртәы.
Жәлар рдоуҳа: Ҭодуаԥҳа ахшараиура ацхрааразы жәлар рқьабзқәа ирызкны

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит: Анра анасыԥ: ахшара дызмауа аԥҳәыс лыцхраара иадҳәалоу ақьабзқәа

15

Ҳазлацәажәаша ҳамоуп: Манаргиа ашьапылампыл асразы ачемпионат аформат ҿыц азы

9
(ирҿыцуп 15:05 28.07.2021)
Аԥсны ашьапылампыл асразы ачемпионат сынтәа аформат ҿыц азԥҵәоуп, абри атәы арадио Sputnik аефир аҿы еиҭеиҳәеит ашьапылампылтә федерациа апресс-атташе Алхас Манаргиа.
Ҳазлацәажәаша ҳамоуп: Манаргиа ашьапылампыл асразы ачемпионат аформат ҿыц азы

"Ишиашоу ицо аефир ала иаабалоит Ачемпионатгьы Ахраҿагьы. Сынтәа ачемпионат х-еикәшаракны имҩаԥысуеит. Еикәшарак шьҭа имҩаԥысхьеит, уажәы ааҭгылара ыҟоуп. Аҩбатәии ахԥатәии еикәшарақәа ааҭгыларада иҟалоит. Иалагоит нанҳәа 31 рзы. Абас еиԥш иҟоу аӡбамҭа рыдыркылеит. Ихыркәшахоит абҵарамзазы. Астадионқәа зегьы рҟынтә ишиашоу ицо аефирқәа еиҿкаахоит. Уи алыршахоит Џьано Ҵурҵумиа икомнда иабзоураны. Иара ихаҭа иоуп уи алагала ҟазҵаз, афедерациа ахаҭа иамаӡам асҟак алшара, ахарџь ахахьы агаразы. Аидеиа убас иҟоуп – хәмаррацыԥхьаӡа иԥшӡаны, ҳаамҭазтәи аграфикала еиҿкааны, ахәмарыҩцәа рфотосахьа арбаны, аҟаҵара. Ҳәараҭахума, ари ҳамҭоуп, ашьапылампыл абзиабаҩцәа зегьы рзы", -  еиҭеиҳәеит Манаргиа.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

9

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау