Георгий Габуния

Габуниа COVID-19 аҟнытә аԥкрақәа рзы: рырԥсыҽра зынӡагьы иаԥсамызт

34
(ирҿыцуп 16:45 01.07.2021)
Ԥхынгәы 5 инаркны Аԥсны иалагалоуп аҿкычымазара аламырҵәаразы аԥкрақәа. Иалнаршоума дара аҿкы аҽацәыхьчара, абри азы игәаанагара иҳәеит азиндырҩы Гьаргь Габуниа.

Аԥсны ахада Аслан Бжьаниа аковидҿагыларатә усқәа рырӷәӷәаразы аусдҵа инапы аҵеиҩит. Адокумент инақәыршәаны ԥхынгәы 5 инаркны иаанкылахоит ачарақәа, аныҳәақәа, аиныхрақәеи егьырҭ ауснагӡатәқәеи иарку ауаажәларратә крыфарачаратә хыбрақәеи рҿы.

Габуниа COVID-19 аҟнытә аԥкрақәа рзы: аԥсыҽрақәа ралагалара зынӡагьы иаԥсамызт

"Ачарақәа рымҩаԥгара ахыбра аҩныҵҟа мацара акәым, иаҳа ирџьбаразар бзиан аԥкрақәа, еиҭа мызкы-ҩымз раԥхьагьы. Лаҵарамзазы ачарақәа рацәаны иҟан, саргьы исаҳәаз маҷмызт, сымцар адагьы ԥсыхәа ыҟамызт. Сгәанала, иара ачара ахаҭа аура мап ацәктәын. Арԥсыҽрақәа ралагалара зынӡагьы иаԥсамызт ҳәа сгәы иаанагоит. Иҟоуп ауаа аҭагылазаашьа аԥсшьаҩцәа раара иадызҳәалоу, аха са сгәы иаанагоит ҳара-ҳара ҳабжьара, ачарақәа, аиныхрақәа, иара егьырҭ аумҩаԥгатәқәа, ҳаԥсшәаҳәара уҳәа иахылҿиааит ас еиԥш ачымазаҩцәа рхыԥхьаӡара аизҳара ҳәа. Сгәанала, ажәлар реизгара иаԥсаӡам зынӡаск", - еиҭеиҳәеит Габуниа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

34

Жәлар рдоуҳа: Ҭодуаԥҳа ахшара дызмауа аԥҳәыс лзы аԥсуаа имҩаԥыргоз ақьабзқәа ирызкны

15
Нарҭдырреи адәынтәи афольклорҭҵаареи рцентр аусзуҩ Есма Ҭодуаԥҳа арадио Sputnik арубрика "Жәлар рдоуҳа" аҟны еиҭалҳәеит ахшара дызмауа аԥҳәыс лзы аԥсуаа имҩаԥыргоз ақьабзқәа ртәы.
Жәлар рдоуҳа: Ҭодуаԥҳа ахшараиура ацхрааразы жәлар рқьабзқәа ирызкны

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит: Анра анасыԥ: ахшара дызмауа аԥҳәыс лыцхраара иадҳәалоу ақьабзқәа

15

Ҳазлацәажәаша ҳамоуп: Манаргиа ашьапылампыл асразы ачемпионат аформат ҿыц азы

9
(ирҿыцуп 15:05 28.07.2021)
Аԥсны ашьапылампыл асразы ачемпионат сынтәа аформат ҿыц азԥҵәоуп, абри атәы арадио Sputnik аефир аҿы еиҭеиҳәеит ашьапылампылтә федерациа апресс-атташе Алхас Манаргиа.
Ҳазлацәажәаша ҳамоуп: Манаргиа ашьапылампыл асразы ачемпионат аформат ҿыц азы

"Ишиашоу ицо аефир ала иаабалоит Ачемпионатгьы Ахраҿагьы. Сынтәа ачемпионат х-еикәшаракны имҩаԥысуеит. Еикәшарак шьҭа имҩаԥысхьеит, уажәы ааҭгылара ыҟоуп. Аҩбатәии ахԥатәии еикәшарақәа ааҭгыларада иҟалоит. Иалагоит нанҳәа 31 рзы. Абас еиԥш иҟоу аӡбамҭа рыдыркылеит. Ихыркәшахоит абҵарамзазы. Астадионқәа зегьы рҟынтә ишиашоу ицо аефирқәа еиҿкаахоит. Уи алыршахоит Џьано Ҵурҵумиа икомнда иабзоураны. Иара ихаҭа иоуп уи алагала ҟазҵаз, афедерациа ахаҭа иамаӡам асҟак алшара, ахарџь ахахьы агаразы. Аидеиа убас иҟоуп – хәмаррацыԥхьаӡа иԥшӡаны, ҳаамҭазтәи аграфикала еиҿкааны, ахәмарыҩцәа рфотосахьа арбаны, аҟаҵара. Ҳәараҭахума, ари ҳамҭоуп, ашьапылампыл абзиабаҩцәа зегьы рзы", -  еиҭеиҳәеит Манаргиа.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

9

Ермантәылеи Азербаиџьани реинышәара аилагаразы ахара рыдибаҵоит

1
(ирҿыцуп 09:30 29.07.2021)
Лаҵара 12 азы акраамҭатәи аҭышәынтәалара ашьҭахь Ермантәылеи Азербаиџьани реизыҟазаашьақәа рыҽдырцәгьеит.

АҞӘА, ԥхынгәы 29 - Sputnik. Ермантәыла атәылахьчара аминистрра аҳәамҭа ҟанаҵеит азербаиџьантәи ар аԥшьаша ауыха аерманцәа рпозициақәа ирылахысуан ҳәа. Абри атәы аанацҳауеит РИА Новости.

"Ԥхынгәы 29 асааҭ 03.00 (02.00 мск) азы аҳәаа гегаркунитәи аучасток аҿы азербаиџьантәи аруаа аиқәшаҳаҭра еилаганы апровокациақәа ирылагеит, аерманцәа рпозициақәа иреихсуан. Аерман ган аҭак ашьҭахь ахымца аанкылан. Асааҭ 07.00 (06.00 мск) рзы иҭынчроуп", - аҳәоит атәылахьчаратә усбарҭа адырраҿы.

Уаанӡа Азербаиџьан атәылахьчара аминистрра аҳәамҭа ҟанаҵахьан Ермантәыла аиқәшаҳаҭра еиланагеит ҳәа.

Ахаша Ереван адырра ҟанаҵеит аҳәааҿы аҭыԥ змаз аиҿахысраан хҩык ҭахеит хәҩык ахәрақәа роуит ҳәа.

Анаҩс Еревани Бақәеи ишьақәдырӷәӷәеит ахымца шааныркыло.

1