Ҳазлацәажәаша ҳамоуп: Ануеи Габелиеи аҳцәа рчымазара иазкны

85
(ирҿыцуп 11:00 02.07.2021)
Аԥсуаа ҳҿы ана-ара иуаҳауеит "аҳцәа иҭоуп" ҳәа ззырҳәо ачымазара аӡбахә. Уи изакәытә чмазароу атәы алацәажәаразы арадио Sputnik аефир аҿы ргәаанагарақәа еибырҳәеит аҳақьым-апсихиатор Константин Ануеи иара убас уи ачымазара зхызгахьоу, аҳцәа зҭаахьоу Беслан Габелиеи.
Ҳазлацәажәаша ҳамоуп: Ануеи Габелиеи аҳцәа рчымазара иазкны

"Сара уи ачымазара даара ицәгьаны исхызгеит. Аԥхьа ианысзымдыруаз, Аԥсны ҳақьымк дыҟазар даанҳмыжьит, анаҩс Краснодартәи атәылаҿацә ахь ҳагеит, аха аҵыхәтәаны, ҳгәылара иара зхызгахьоу аԥҳәыс "абри аҳцәа иҭаазар ҟалап" анылҳәа, ҳадҵаалеит. Ус иагьыҟан. Сара амра сызцәгылаӡомызт, сцәа схысхуан, ишу сзыфаӡомызт, аидара сзышьҭыхӡомызт, аҵаара змоу сзыфаӡомызт. Ижәны иҟоу аӡәы ҳашҭа дҭалар, сыштәо аҵәыуара салагон, исыхьыз сзымдыруа. Аҭаацәараҿы аимак-аиҿак аныҟалоз, ма саб иаӷьны данцәажәоз, ижәны данааиуаз, сыштәаз иаразнак аӡәы ҟамчыла сипҟазшәа сцәа-сжьы иҟаԥшьӡа аӷазқәа анылон, аҭӡамц скыдлан сцо аҟынӡа снанагон. Иҟан амшқәагьы, аҩны ашә еимԥааны абнахь сыбналан санцоз. Аӡахьы исҭахын, еснагь аӡахьы исҭахын. Анаҩс ишеилыскааз ала, дара аҳцәа ахкқәа рацәаны иҟазаап. Сара исҭаан иҟаз аӡы аҳцәа ракәын", - ҳәа еиҭеиҳәеит Габелиа.

Аҳақьым-апсихиатр иажәақәа рыла, аҳцәа рчымазара ҳәа изышьҭоу адунеи ахьынӡанаӡааӡо иҟаӡам иахьазы.

"Уи ачымазара ҟалар аҵкыс, аибашьра иалагар иаҳа еиӷьуп. Уи чымазара бааԥсуп, уи зыхьны иацәынхаз маҷуп", -  иҳәеит иара.

Инеиҵыху аиҿцәажәара шәазыӡырҩыр шәылшоит аудиофаил аҿы.

85

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11