Кортаа Тамшьтәи адесант аӡхыҵразы: Аиааира амш ааигәатәразы ԥхьаҟа иҳахеит

66
(ирҿыцуп 15:28 02.07.2021)
1993 шықәса ԥхынгәы 2 рзы Очамчыра араион Тамшь ақыҭа иахьаҵанакуа амшын аԥшаҳәаҟны аԥсуа десант ӡхыҵит. Аибашьра аветеран Ерик Кортаа адесант аӡхыҵра иадҳәалаз ахҭысқәа игәалаиршәеит арадио Sputnik аефир аҟны.
Кортаа Тамшь адесант азы: Аиааира амш ааигәатәразы ԥхьаҟа иҳахеит

"Ииуль аказы ахәылбыҽха Заза Занҭариа игәыԥ "Каҭран" иалаз иҳарҳәеит ашарԥазы Тамшь адесант ҳаԥылоит ҳәа.  Заза Занҭариа игәыԥ аҿы Тамшьааи Рекааи ҳакәын иҟаз, 25-ҩык инарзынаԥшуа ашьыжь асааҭ 4 рзы Тамшьтәи амҩаду хада ҳахыҵын, абаржа аԥылара ҳцеит. Амҩан зехьынџьара ақырҭцәа рпостқәа гылан, ашкол авараҟны абжьҟьарҭа ԥшааны ҳцеит. Амшын ҳаназааигәаха аимадара ыӡит иҳамаз арациаҟны… Абаржа шадгылаз Очамчырантәи игәарҭан ахысра иалагеит… Абаржа хәбаҟа метра инаскьахьан аԥшаҳәа аҟынтәи Одик Қәычбериа дыԥаны "Град" зықәгылаз амашьына ду дақәтәаны, амшын дҭаланы ианалигоз. Асааҭ фба рзы Тамшь ашкол аҟны аиҿахысрақәа ҳрылагахьан. Шьыбжьоншәа ахәра соуит, Аԥсны Афырхаҵа Иура Қәычбериа дсывыршьааит, Зурик Қәычбериа дҭахеит, Рекатәи Ҭарба ҷкәынаки Донецктәи аҷкәын иҳацызи рхәит", - иҳәеит Кортаа.

Ԥхынгәы 2 1993 шықәса рзы Тамшь ақыҭан иӡхыҵит 300-ҩык инарзынаԥшуаз аԥсуа десант. Мрагыларатәи афронт аибашьцәеи Гәдоуҭантәи иӡхыҵыз адесант аибашьцәеи иааныркылеит ақырҭуа ари аџьаԥҳани злаиаргоз ареспубликатә мҩаду хада. Адесант азеиԥш напхгара азиуан Заур Зарандиа. Уи хықәкы хадас иаман астратегиатә ҵак ду змаз, Аҟәаҟа ицоз амҩаду аанкылара. Иарала акәын абџьари аруааи зламҩаныргоз, уи адагьы ақырҭуа ар реиҳабыра Мрагыларахьтәи афронт ахь рымчқәа реиҳара ииаргар акәхеит. Уи иалнаршеит аԥсуа ар Мраҭашәаратәи афронт ахырхарҭала лҵшәа бзиала ажәыларақәа рымҩаԥгара.

Иаҳа инарҭбааны аиҿцәажәара аудиофаил аҟны ишәаҳар шәылшоит.

Иара убас шәаԥхьар ҟалоит:

66

Жәлар рдоуҳа: Ҭодуаԥҳа ахшара дызмауа аԥҳәыс лзы аԥсуаа имҩаԥыргоз ақьабзқәа ирызкны

15
Нарҭдырреи адәынтәи афольклорҭҵаареи рцентр аусзуҩ Есма Ҭодуаԥҳа арадио Sputnik арубрика "Жәлар рдоуҳа" аҟны еиҭалҳәеит ахшара дызмауа аԥҳәыс лзы аԥсуаа имҩаԥыргоз ақьабзқәа ртәы.
Жәлар рдоуҳа: Ҭодуаԥҳа ахшараиура ацхрааразы жәлар рқьабзқәа ирызкны

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит: Анра анасыԥ: ахшара дызмауа аԥҳәыс лыцхраара иадҳәалоу ақьабзқәа

15

Ҳазлацәажәаша ҳамоуп: Манаргиа ашьапылампыл асразы ачемпионат аформат ҿыц азы

9
(ирҿыцуп 15:05 28.07.2021)
Аԥсны ашьапылампыл асразы ачемпионат сынтәа аформат ҿыц азԥҵәоуп, абри атәы арадио Sputnik аефир аҿы еиҭеиҳәеит ашьапылампылтә федерациа апресс-атташе Алхас Манаргиа.
Ҳазлацәажәаша ҳамоуп: Манаргиа ашьапылампыл асразы ачемпионат аформат ҿыц азы

"Ишиашоу ицо аефир ала иаабалоит Ачемпионатгьы Ахраҿагьы. Сынтәа ачемпионат х-еикәшаракны имҩаԥысуеит. Еикәшарак шьҭа имҩаԥысхьеит, уажәы ааҭгылара ыҟоуп. Аҩбатәии ахԥатәии еикәшарақәа ааҭгыларада иҟалоит. Иалагоит нанҳәа 31 рзы. Абас еиԥш иҟоу аӡбамҭа рыдыркылеит. Ихыркәшахоит абҵарамзазы. Астадионқәа зегьы рҟынтә ишиашоу ицо аефирқәа еиҿкаахоит. Уи алыршахоит Џьано Ҵурҵумиа икомнда иабзоураны. Иара ихаҭа иоуп уи алагала ҟазҵаз, афедерациа ахаҭа иамаӡам асҟак алшара, ахарџь ахахьы агаразы. Аидеиа убас иҟоуп – хәмаррацыԥхьаӡа иԥшӡаны, ҳаамҭазтәи аграфикала еиҿкааны, ахәмарыҩцәа рфотосахьа арбаны, аҟаҵара. Ҳәараҭахума, ари ҳамҭоуп, ашьапылампыл абзиабаҩцәа зегьы рзы", -  еиҭеиҳәеит Манаргиа.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

9

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау