Микрофон  - Sputnik Аҧсны, 1920
Арадио

Чамагәуа афымцалашаразы: аҭагылазаашьа зыхҟьада мҳәакәа аусура ҳалагароуп

© Sputnik Леонид Чамагуа
Леонид Чамагуа - Sputnik Аҧсны, 1920, 02.07.2021
Анапаҵаҩра
Жәлар реизара адепутат Леонид Чамагәуа арадио Sputnik аефир аҟны еиҭеиҳәеит афымцанхамҩа аҭагылазаашьа иазкны Апарламент аилак инеиҵыхыз аилатәараҟны лкаас иҟарҵаз атәы.
Чамагәуа: афымца аныхра ҳацклаԥшроуп, аԥхьаӡагатә маругақәа аҭагылазаашьа рыԥсахуеит

Афымцанхамҩа аҭагылазаашьа иалацәажәеит ԥхынгәы аказы абиуџьети, акредиттә еиҿкаарақәеи, ашәахтәқәеи, афинансқәеи рзы Жәлар Реизара аилак инеиҵыхыз аилатәараҟны. Уи рхы аладырхәит аԥыза-министр ихаҭыԥуаҩ, аекономика аминистр Кристина Озганԥҳа, "Амшынеиқәафымцамч" ахада Михаил Логәуа, Аҳәынҭқарратә шәарҭадаратә маҵзуреи Аҩнуҵҟатәи аусқәа рминистрреи рхаҭарнакцәа.

"Лкаас иҟаҳҵо акоуп ҳенергетика аҭагылазаашьа даара иуадаҩуп... Ӷәӷәала ишәарҭоуп иахьатәи ҳҭагылазаашьа. Аенергетикатә кризис зуҳәо цәыббрамза иахымгакәа Аԥсны иҟалар ауеит. Иахьазы ҩ-сааҭк алашара дырцәозар, цәыббрамзазы  хәба-фба сааҭ еиҳангьы идырцәалар ҟалоит. Ҳара ҳазлааиуа ала, Егрынтәи иҳауа афымца шықәсыктәи ҳахәҭа наҳхуеит, анаҩс азҵаара цәырҵуеит иабантәиааҳго, ӡбашьас иамои ари азҵаара. Аамҭа раҳҭеит аекономика аминистрреи "Амшынеиқәафымцамч" аиҳабыреи ҳҭагылазаашьа хәыҷык аиӷьтәразы иҟарҵаша аусқәа рзы. Ҳаидтәаланы иҵегьы ҳалацәажәароуп, избанзар афымцамч иадҳәалоу азҵаарақәа рацәахеит… Ҳаилибакааит ҳәа сгәы иаанагоит. Аҭагылазаашьа зыхҟьада мҳәакәа аусура ҳалагароуп иахьа, нас аамҭа ҟалап уигьы зыхҟьаз алацәажәара", - иҳәеит Чамагәуа.

Иаҳа инеиҵыху аицәажәара аудиофаил аҟны.

Иара убас шәаԥхьар ҟалоит:

Ажәабжьқәа зегьы
0