Хра злоу ахҭысқәа: Џьапуа акоронавирустә чмазара зыхьуа ахәыҷқәа ртәы

28
(ирҿыцуп 17:46 03.07.2021)
Ареспубликатә хәыҷтәы хәышәтәырҭа аҳақьым хада Игор Џьапуа арадио Sputnik аефир аҟны еиҭеиҳәеит акоронавирустә чмазара зыхьуа ахәыҷқәа рганахьала аҭагылазаашьа зеиԥшроу, урҭ цхыраарас ирырҭо атәы.

 

Хра злоу ахҭысқәа: Џьапуа акоронавирустә чмазара зыхьуа ахәыҷқәа ртәы

Ашәҟәы иҭагалоу акоронавирустә чмазара ахҭысқәа рхыԥхьаӡара иацлеит аҵыхәтәантәи амчыбжьқәа рзы. Аҳақьымцәа иазгәарҭоит ачымазцәа рықәра иаҳа ишмаҷхаз, урҭ рыбжьара иҟоуп ачымазара ҿкы ӷәӷәаны изхызго. Ареспубликатә ахәыҷтәы хәышәтәырҭа иадҵаало рхыԥхьаӡара иазҳаит. Апандемиа иалагеижьҭеи 1200 ахәыҷқәа рыбжьара акоронавирустә ҿкы аарԥшын, рашәарамзазы мацара ус еиԥш ахҭысқәа 200 рҟынӡа ашәҟәы иҭагалан.

 

"…Аҳәыҷқәа алаҵа рзыҟарҵом 18 шықәса рхыҵаанӡа. Уи зыхҟьо, ишыжәдыруа еиԥш, аамҭа маҷны ицахьеит авакцина ҿыц ҟарҵеижьҭеи. Уи ахәыҷы иҿы ахы шымҩаԥнаго макьана цқьа иҭҵааӡам", - иҳәеит Џьапуа.

Иаҳа инеиҵыху аицәажәара аудиофаил аҟны.

Иара убас шәаԥхьар ҟалоит:

28

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11