Хра злоу ахҭысқәа: Ҭарба ақыҭанхамҩа аҿиара иадҳәалоу апроектқәа ртәы

82
(ирҿыцуп 11:26 06.07.2021)
Жәлар реизара адепутат, ақыҭанхамҩа аҿиара апрограмма иаҵанакуа апроектқәа алзкаауа акомиссиа ахантәаҩы ихаҭыԥуаҩ Асҭамыр Ҭарба арадио Sputnik аефир аҟны еиҭеиҳәеит ирзынашьҭу реиҳарак хадаратәла изызку.
Ҳра злоу ахҭысқәа: Ҭарба ақыҭанхамҩа аҿиара иадҳәалоу апроектқәа ртәы

Ақыҭанхамҩа аҿиара апрограмма аҳәаақәа ирҭагӡаны апроектқәа ралкаара иаҿуп акомиссиа. Урҭ апроектқәа арахәааӡара, аҵиааӡара, ашәырааӡара уҳәа ирызкуп, абиуџьет аҟынтәи шә-миллион мааҭ рзоужьра азгәаҭоуп. Акомиссиа аҩбатәи аилатәара мҩаԥган ԥхынгәы ҩба рзы.

"…Ақыҭанхамҩа аминистррахь 140 инацны арзаҳалқәа рыдыркылеит, ажәлар ажәалагалақәа ҟарҵеит апроектқәа рзы. Мызкы хәыҷык инацны иҵуазар ҟалап акомиссиа аԥхьатәи аилатәара мҩаԥысеижьҭеи. Уи аҟны акомиссиа аусушьа шьақәырӷәӷәан, гәыԥ-гәыԥла алахәцәа шаны араионқәа рҟынтәи иҳадаргалаз апроектқәа аҭыԥаҟны рыҭҵаара азгәаҭан, ауаа хаҭала рацәажәара, актқәа харҭәааны акомиссиа адгалара. Аилатәараҟны апроектқәа реилыхра ҳаҿын апрограмма иақәшәо иақәымшәо ҳәа. 104 проект ҳрыхәаԥшит акомиссиа аилатәараҟны, 85 рҟынӡа алаҳхит, акомиссиа егьи аилатәараҟны ҳазхәаԥшраны иҟоу ҳәа…аиҳарак апроектқәа арахәааӡареи акәтааӡареи ирызкуп. Убри аан ус еиԥш апроектқәа 11 миллион мааҭ роуп ирзоужьу, зегьы ҳзҭагӡаӡом. Ԥсыхәас иаҳҭо ашәырааӡара иадҳәалоу апроектқәа рзы иарбоу аԥара иахашәало арахь аиагаразы аҳәара ҟаҳҵарц ауп", - иҳәеит Ҭарба.

Иара иазгәеиҭеит ақыҭанхамҩа аҿиара апрограмма иаҵанакуа апроектқәа 90 миллион мааҭ шырзоужьхо, 10 миллион мааҭ аҵиаақәа рыхәшәтәразы иаҭаху ахәшәқәа.

Аиҿцәажәара иаҳа инеиҵыхны аудиофаил аҟны.

82

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11