Ринель Латария

Латариа ачарақәа рымҩаԥгаразы: аԥарарҳара бзиоуп, аха ҳгәабзиара хьчатәуп

34
(ирҿыцуп 17:46 06.07.2021)
Аковидҿагыларатә ԥкрақәа инарықәыршәаны ачарақәа рымҩаԥгара аганахьала иҟоу аԥҟарақәа рзы арадио Sputnik аефир аҟны игәаанагара иҳәеит ачара ахьыруа ахыбрақәа руак аԥшәма Ринел Латариа.
Латариа ачарақәа рымҩаԥгаразы: аԥарарҳара бзиоуп, аха ҳгәабзиара хьчатәуп

Аковидҿагыларатә ԥкрақәа амч роуит Аԥсны ԥхынгәы 5 инаркны. Ҿыц ирыдыркылаз аԥкрақәа инарықәыршәаны, ачарақәа, агәырӷьаратәи аныҳәатәи усмҩаԥгатәқәа, аиныхрақәа, ауаа рацәа злахәу егьырҭ аусмҩаԥгатәқәа, иарку ауаажәларратә крыфара-чара ахыбрақәа рҿы рымҩаԥгара ҟалом.

"Аҩбатәи ашықәс ҳҭоуп аҭагылазаашьа бааԥс адунеи ахьынӡанаӡааӡо ажәлар аргәаҟуеижьҭеи. Уи ачымазара ухьны ирласны иухгозҭгьы, аха изызхымгакәа шаҟаҩы ннарҵәазеи. Заҟаҩы ԥсыз зхахьы инаганы иазымхәыцуа, даҽазныкгьы рхахьы инагатәуп. Зынӡа ашәарҭа бааԥсы ҳҭанаргылеит ҳәа сгәы иаанагоит. Ауаажәлар рҟынтәи аҟәышцәа иҵегьы рыбжьы рганы, абри аанаҳкылароуп… Иахьа Аԥсны ачараурҭақәа рацәоуп 700-1000 ҩык рҭыԥ ахьыҟоу. Метраки бжаки ҩ-метрак ауаа хара –хара рыртәара аларшара цәгьоуп… Аԥарарҳара бзиоуп, аха ҳара зегьы ҳлеилатәаны ҳзызхәыцша ҳгәабзиара ахьчара ауп", - иҳәеит Латариа.

Шәазыӡырҩы аудио.

Иара убас шәаԥхьар ҟалоит:

34

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

9
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

9
Сурам Сакания

Сақаниа Маркәыла иԥшааз ажәытә ҳаԥшьақәа рзы: еиҳагьы сеигәырӷьон урҭ сахьақәак рнызҭгьы

12
(ирҿыцуп 14:32 03.08.2021)
Аԥсни Урыстәылеи рархеологцәа Маркәылатәи анхарҭаҟны еицымҩаԥыргоз сынтәатәи ажрақәа раан анышәаԥшь иалху хә-ҳаԥшьак рыԥшааит. Археологиатә експедициа аԥсуа ган напхгара азызуа, аҵарауаҩ Сурам Сақаниа арадиоефир аҿы еиҭеиҳәеит аԥшаахқәа ртәы.
Сақаниа Маркәыла иԥшааз ажәытә ҳаԥшьақәа рзы: еиҳагьы сеигәырӷьон урҭ сахьақәак рнызҭгьы

"Археологцәа ҳанеицу есымша акы ҳазыԥшуп. Абаҳа аҿы аныҵаҳҵо абри акыр аанарԥшуама ҳәа ҳаԥшуеит. Аҳаԥшьақәа анаҳба, ҳаигәырӷьеит, аха еиҳагьы сеигәырӷьон урҭ сахьақәак рнызар, аԥсышәала жәақәак рнызар, ианамуӡах, ма латын бызшәала, ма бырзен бызшәала, аха уи аҩыза анасыԥ макьана иаҳмоуцт. Ҳазыԥшуп, ҳахьӡар ҟалоит", – ҳәа еиҭеиҳәеит Сақаниа.

Очамчыра араион Маркәыла ақыҭан 2013 шықәсазы иԥшаан антикатә аамҭа иаҵанакуа, абжьарашәышықәсагьы здызкыло ижәытәӡатәиу анхарҭа. Урыстәылеи Аԥсни рархеологцәа ари аҭыԥ аҭҵаара рнапы алакуп. Аҭҵаарақәа аурыс ган напхгара алҭоит Урыстәыла аҭҵаарадыррақәа Ракадемиа Археологиа аинститут аклассикатә археологиа аҟәша аиҳабы, аҭоурыхтә ҭҵаарадыррақәа ркандидат Галина Требелева, аԥсуа ган - Сурам Сақаниа.

Маркәылатәи аиланхарҭа жәытә – Аԥсуа ҭӡеибаркыра ду аҩнуҵҟа иҟоу, ажәытәтәи ауааԥсыра рыбзазареи рҭоурыхи зныԥшуа ҭыԥуп.

Инеиҵыху аиҿцәажәара шәазыӡырҩыр шәылшоит аудиофаил аҿы.

12