Ареаниматолог апандемиа аамҭазы ауаа рхымҩаԥгашьазы: адәахьы иҟоу ҳбоит, аусурагьы ҳҭахым

519
(ирҿыцуп 11:58 07.07.2021)
Аҳақьым–ареаниматолог Алмас Бганба арадио Sputnik аефир аҟны иҳәеит апандемиа аамҭазы ачымазараҿкы аҿагыларазы иҟоу аԥкрақәа дышрыхәаԥшуа, Гәдоуҭатәи ахәшәтәырҭаҟны аҭагылазаашьа зеиԥшроу атәы.
Ареанимотолог апандемиа аамҭазы ауаа рхымҩаԥгашьазы: адәахьы иҟоу ҳбоит, аусурагьы ҳҭахым

"…Ареанимациа атәы уҳәозар, иҟоуп згәабзиара иаҳа еиӷьхо апалатахь ианиаҳго. Уа аҭыԥ анҭацәлак, иаразнак дыҟоуп ауаҩы ацхыраара зҭаху, иазыԥшу ареанимациаҟны ацхыраара. Ма ауаҩы иԥсҭазаара даналҵлак, ареанимациаҟны аҭыԥ анҭацәлак, уахь даҽаӡәы днанагоит. Аҳақьымцәа адәахьы иҟоу рбоит, ауаа рхы пату анақәрымҵо, егьырҭ ианырзымхәыцуа, аусурагьы рҭахӡам аҳақьымцәеи амедиаҳәшьцәеи", - иҳәеит Бганба.

Аиҿцәажәара инеиҵыхны аудиофаил аҟны шәазыӡырҩыр шәылшоит.

519

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11