Хра злоу ахҭысқәа: Коӷониеи Канҭариаԥҳаи афымцалашара ахә ахшәаара азҵаара иазкны

55
(ирҿыцуп 10:47 08.07.2021)
"Амшынеиқәафымцамч" Гәылрыԥшьтәи афилиал аиҳабы ихаҭыԥуаҩ Алхас Коӷониеи Ҷлоу ақыҭаҟны афымцалашара ахәԥса ылзго Лиудмила Канҭариаԥҳаи арадио Sputnik аефир аҟны еиҭарҳәеит афымцалашара ахә ахшәааразы аҭагылазаашьа шыҟоу.

Аунитартә наплакы "Амшынеиқәафымцамч" алаҳәара ҟанаҵеит ԥхынгәы акы инаркны афымцалашара ахә ахьырымшәо ақыҭақәа лашарада ишаанрыжьуа, ацәаҳәа хада шдырцәо. Афымцалашара иацу ауадаҩрақәа, уи аӡбара алзыршо мҩақәас иҟоу ртәы арадио Sputnik аефир аҟны иалацәажәеит "Амшынеиқәафымцамч" Гәылрыԥшь араион афилиал аиҳабы ихаҭыԥуаҩ Алхас Коӷониеи Очамчыра араион Ҷлоу ақыҭаҟны афымцалашара ахәԥса ылзго Лиудмила Канҭариаԥҳа.

Хра злоу ахҭысқәа: Коӷониеи Канҭариаԥҳаи афымцалашара ахә ахшәаара азҵаара иазкны

"Гәылрыԥшь араион аҟны абонентцәа 8 400-ҩык ҳамоуп. Урҭ рахьынтә 21 хкы альготақәа ирыҵанакуа 900-ҩык рҟынӡа ыҟоуп. Араион аҟны афымцалашаразы аԥара ахьыршәо ԥшь-ҭыԥк ыҟоуп. Иҟоуп абонентцәа рахьынтә мызкы бжьамыжькәа изшәо. Актәи аквартал азы 20 процент еизаҳгеит афымцалашаразы, аҩбатәи аквартал азы 32-35 процент рҟынӡа иршәеит. Ҳдинамика ашьшьыҳәа ашьҭыҵра ишаҿу ҳнарбоит", - иҳәеит Коӷониа.

Аиҿцәажәара инарҭабааны ишәаҳар шәылшоит аудиофаил аҟны.

55
Сурам Сакания

Сақаниа Маркәыла иԥшааз ажәытә ҳаԥшьақәа рзы: еиҳагьы сеигәырӷьон урҭ сахьақәак рнызҭгьы

6
(ирҿыцуп 14:32 03.08.2021)
Аԥсни Урыстәылеи рархеологцәа Маркәылатәи анхарҭаҟны еицымҩаԥыргоз сынтәатәи ажрақәа раан анышәаԥшь иалху хә-ҳаԥшьак рыԥшааит. Археологиатә експедициа аԥсуа ган напхгара азызуа, аҵарауаҩ Сурам Сақаниа арадиоефир аҿы еиҭеиҳәеит аԥшаахқәа ртәы.
Сақаниа Маркәыла иԥшааз ажәытә ҳаԥшьақәа рзы: еиҳагьы сеигәырӷьон урҭ сахьақәак рнызҭгьы

"Археологцәа ҳанеицу есымша акы ҳазыԥшуп. Абаҳа аҿы аныҵаҳҵо абри акыр аанарԥшуама ҳәа ҳаԥшуеит. Аҳаԥшьақәа анаҳба, ҳаигәырӷьеит, аха еиҳагьы сеигәырӷьон урҭ сахьақәак рнызар, аԥсышәала жәақәак рнызар, ианамуӡах, ма латын бызшәала, ма бырзен бызшәала, аха уи аҩыза анасыԥ макьана иаҳмоуцт. Ҳазыԥшуп, ҳахьӡар ҟалоит", – ҳәа еиҭеиҳәеит Сақаниа.

Очамчыра араион Маркәыла ақыҭан 2013 шықәсазы иԥшаан антикатә аамҭа иаҵанакуа, абжьарашәышықәсагьы здызкыло ижәытәӡатәиу анхарҭа. Урыстәылеи Аԥсни рархеологцәа ари аҭыԥ аҭҵаара рнапы алакуп. Аҭҵаарақәа аурыс ган напхгара алҭоит Урыстәыла аҭҵаарадыррақәа Ракадемиа Археологиа аинститут аклассикатә археологиа аҟәша аиҳабы, аҭоурыхтә ҭҵаарадыррақәа ркандидат Галина Требелева, аԥсуа ган - Сурам Сақаниа.

Маркәылатәи аиланхарҭа жәытә – Аԥсуа ҭӡеибаркыра ду аҩнуҵҟа иҟоу, ажәытәтәи ауааԥсыра рыбзазареи рҭоурыхи зныԥшуа ҭыԥуп.

Инеиҵыху аиҿцәажәара шәазыӡырҩыр шәылшоит аудиофаил аҿы.

6

Аҟәысба Ҭырқәтәыла амцакрақәа рзы: ари ашәышықәсазы ас амцашоура ҳаракны иҟамлаҵызт

14
(ирҿыцуп 10:48 03.08.2021)
Ҭырқәытәыла аԥсуахеидкылақәа рфедерациа ахантәаҩы Аҭанур Аҟәысба арадио Sputnik аефир аҿы еиҭеиҳәеит иахьазы амцакрақәа рзы иҟоу аҭагылазаашьеи, урҭ раанкылара ахьынӡалшои, насгьы мзызс ирымоу атәы.

 

Аҟәысба Ҭырқәтәыла амцакрақәа рзы: ари ашәышықәсазы ас амцашоура ҳаракны иҟамлаҵызт

"Амцакрақәа 32 қалақь рҿы иҟоуп. Аҳәынҭқаррақәа дара рхала ацхыраара ҟазҵарц зҭахыз иаарышьҭит ацхырааҩцәа, иара убас Украинантәи Урыстәылантәи иаашьҭуп аҳаирпланқәа. Еиҭа Европа еидгыла аҟнытә иаарышьҭран иҟоуп ацхыраара ҳәа адырра ыҟоуп", - иҳәеит Аҟәысба.

 

Иара иазгәеиҭеит амцакрақәа рымҽхак акыр ишыҭбаау.

"Аҩнқәа, асасаирҭақәа, ақыҭақәа, ауаа рырахә блит. Акурорт ҭыԥқәа рахь инеит", - ҳәа еиҭеиҳәеит Аҟәысба.

Ҭырқәытәыла аԥсуахеидкылақәа рфедерациа ахантәаҩы еиҭеиҳәеит асоциалтә медиақәа рҿы иҟоу аинформациала амцакрақәа мзыс ирымоу атәы. Иазгәеиҭеит, атәыла аҭоурых аҿы асҟаамҭа аӡаӡа млеижьҭеи акыр шааҵуа, иара аԥшасрагьы шыҟоу атәы.

Инеиҵыху аиҿцәажәара шәазыӡырҩыр шәылшоит аудиофаил аҿы.

 

14

Аԥснытәи ақалақь "акадифаамҭаз" аԥсшьара ахьалырхуа аҭыԥқәа ирхыԥхьаӡалоуп

3
Аԥсшьаразы анхарҭа ахьҿарҵо амаҵзура TVIL.RU иалнакааит "акадифаамҭаз" ҩыџьаны аԥсшьараз еиҳа иалырхуа аҭыԥқәа.

АҞӘА, нанҳәа 3 - Sputnik. Афон ҿыц "акадифаамҭаз" ҩыџьа рыԥсшьараз еиҳа иахьалыркаауа аҭыԥқәа иреиуоуп ҳәа аанацҳауеит TVIL.RU.

Амаҵзура астатистикала атуристцәа ари аамҭазы аиҳарак 1 - 10 уахы рзы аҭыԥқәа ҿарҵоит, ари аамҭала уахыки-ҽнаки рыҩнуҵҟа 1,5 - 6 нызқь мааҭ рныхра иазыхиоуп.

Аԥсшьараз зегь раасҭа ахәқәа мариоуп Афон ҿыц, иҳаракуп — Лахденпохьиа. Аромантикатә ԥсшьараз иалырхуеит Иалтеи Шәачеи.

Ахырхарҭақәа жәаба рсиа:

  • Иалта - 3 559 мааҭ 8 уахык
  • Шәача - 2 195 мааҭ 9 уахык
  • Санкт-Петербург - 2 944 мааҭ 5 уахык
  • Афон ҿыц - 1 456 мааҭ 10 уахык
  • Лахденпохьиа - 6 019 мааҭ 7 уахык
  • Ростов-на-Дону - 2 165 мааҭ 1 уахык
  • Калининград - 1 955 мааҭ 6,5 уахы
  • Казань - 2 062 мааҭ 4 уахык
  • Кисловодск - 1 691 мааҭ 10 уахык
  • Воронеж - 1 912 мааҭ 6 уахык.

Асиа шьақәыргылоуп 2021 шықәса нанҳәа-цәыббра рзтәи аҿаҵарақәа рыла.

Иара убас шәаԥхьар ҟалоит:

 

3