Абҳазоу алитературатә еицлабрақәа рзы: ҳартистцәа ирыҵамхо абаҩхатәра аадырԥшуеит аҿар

39
(ирҿыцуп 11:54 08.07.2021)
Аԥсны Ашәҟәыҩҩцәа реидгыла ахантәаҩы Вахтанг Абҳазоу арадио Sputnik аефир аҿы Миха Лакрба иҩымҭақәа ирызку алитературатә еицлабра аихшьалақәа ҟаиҵеит.
Абҳазоу алитературатә еицлабрақәа рзы: ҳартистцәа ирыҵамхо абаҩхатәра аадырԥшуеит аҿар

Иналукааша аԥсуа шәҟәыҩҩы Миха Лакрба диижьҭеи 120 шықәса аҵра аҳаҭыр азы иновеллақәа ҿырҳәала рыԥхьаразы Аԥсны Ашәҟәыҩҩцәа реидгыла аԥшьгарала ирылаҳәан онлаин-конкурс.

© Foto / предоставил Анатолием Лагулаа

Алитературатә еицлабрақәа аҳәынҭқарратә бызшәа арҿиара иацхраауеит ҳәа ҳахәаԥшуеит, аԥышәаҿы ус иагьаабоит ҳәа азгәеиҭеит Абҳазоу арадиоефир аҿы.

"Апроза ианаԥхьо акәым, ажәеинраала ианаԥхьо, ҳәарада, арҿиара знапы алаку еилаҳкаауеит, ахәыҷы абызшәа ахьынӡаидыруа. Апроза аԥхьараан еиҳагьы еилукаауеит абызшәа ахьынӡаидыруа. Абызшәа иԥсыҽны издыруа апроза аԥхьашьа имам, уа ҳәоуцыԥхьаӡа иааԥшуеит агхақәа. Аицлабра зҽалазырхәыз зегьы рхатәы бызшәа даараӡа ибзианы издыруа роуп. Ҳәарада, ҳконкурсқәа хықәкыс ирымоу абызшәа аларҵәареи, ахархәара арҭбаареи, асахьаркыратә литература аԥхьареи агәыбылреи дыркра ауп. Ҳәарада, ари зегьы ҳдоуҳатә культура аҿиароуп изызку", - ҳәа еиҭеиҳәеит Абҳазоу.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

39

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11