Хра злоу ахҭысқәа: Арӡынба административ-ҵакыратә еиҿкаара аԥсахра иазкны

319
Аекономикеи азини ринститут аспирант Давид Арӡынба арадио Sputnik аефир аҟны еиҭеиҳәеит аҳәынҭқарратә мчра асистема арманшәалара, административ-ҵакыратә еиҿкаара ашьақәгылара шибо атәы.
Хра злоу ахҭысқәа: Арӡынба административтә-ҵакыратә еиҿкаара аԥсахра иазкны

Аҳәынҭқарратә мчра асистема арманшәалара, административ-ҵакыратә еиҿкаара аиҭашьақәыргылара – иарбан мҩақәоу ари аус иазалхтәу? Егьырҭ аҳәынҭқаррақәа ирыҿҳарԥшуазар, изеиԥшроузеи аҭҵаарақәа иаадырԥшуа асахьа. Араионқәа рхадарақәа, аӡбарҭақәа, апрокуратурақәа рхыԥхьаӡареи рхаҭабзиареи реиҿырԥшра, иаҳҭахума асҟатәи аҳәынҭкарра ныҟәгатәыс иамоу аҭыԥқәа? Абарҭи егьырҭ азҵаарақәеи арадио Sputnik Аԥсны аҟны дрылацәажәеит Аекономикеи азини ринститут аспирант Давид Арӡынба.

"Иахьа Аԥсны даара акрызҵазкуа зҵаараны иқәгылоуп аҳәынҭқарратә мчрақәа рсистема аԥсахра, аусура алҵшәа ашьҭыхра уҳәа. Ари азҵаара иалацәажәоит аполитикцәа, ауаажәларратә усзуҩцәа, аекспертцәа. Атема актуалра ахьамоу аҟынтә ииасыз ашықәс азы аҭҵаара мҩаԥаагеит, астатиа ҳкьыԥхьит. Уи аҟны ауаа идҳарбар ҳҭахын ацифрақәа ааганы, аҳәынҭқарратә система аныҟәгара шаҟа иркуа, егьырҭ аҳәынҭқаррақәа рҟны ас еиԥш асистема шыҟоу, аусура алҵшәа зеиԥшроу. Ҳара ҳаҭҵаараҟны Аԥсны иқәынхо ауаа рхыԥхьаӡара ҳасаб азуны иҳаԥхьаӡеит ҳара хҟны иҟоу администрациақәеи, аӡбарҭақәеи, апрокуратурақәеи рхыԥхьаӡара рацәоуп ҳәа. Ҳгәаанагара арӷәӷәаразы аиҿырԥшрақәа ҟаҳҵеит егьырҭ аҳәынҭқаррақәа рҟны ишыҟоу азгәаҭаны", - иҳәеит Арӡынба.

Иаҳа инеиҵыху аицәажәара аудиофаил аҟны.

Иара убас шәаԥхьар ҟалоит:

319

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11