Џьапуа акультуратә хыбрақәа рҟны аԥкрақәа рзы: изыҟарҵеи ҳәа аколлектив рҟынтә исмаҳаит

17
(ирҿыцуп 11:08 12.07.2021)
Аԥкрақәа русура иахьынӡаныԥшуа атәы арадио Sputnik аефир аҟны еиҭеиҳәеит Аԥсуа ҳәынҭқарратә музеи аиҳабы Аркади Џьапуа.
Џьапуа акультуратә хыбрақәа рҟны аԥкрақәа рзы: изыҟарҵеи ҳәа аколлектив рҟынтә исмаҳаит

Аԥсны акультура аминистрра иаҵанакуа акультуратә усбарҭақәа русура аанкылахоит ԥхынгәы 12 инаркны. Абри азы аусԥҟа инапы аҵаиҩит акультура аминистр Гәдиса Агрба.

Аԥкрақәа алагалоуп Аԥсны аепидемиологиатә ҭагылазаашьа ахьеицәахаз иахҟьаны. Иазгәаҭоуп, русура шаанкылахо атеатрқәеи, амузеиқәеи, абиблиотекақәеи, акультуратә центрқәеи, акультуратә ҩнқәеи, ацәыргақәҵатәи аконцерттәи залқәеи, ансамбльқәеи акультура-ҵаратә усбарҭақәеи.

"Аҭагылазаашьа цәгьа ихьанҭахеит, ҳала иабоит. Аԥкрақәа иахьынӡауа рынагӡара ҳаҿуп, аха иахьа шәҩыла ауаа еишьҭагыланы амузеи ианыҩнало, даҽа аамҭак иеиԥшымкәа иаҳныԥшуеит. Иахьа иҳамоуп ачымазара зыхьуа, уаанӡа изыхьны зыԥсҭазаара иалҵызгьы дыҟоуп. Аԥышәа злаҳамоу ала, ус еиԥш анырҳәа (аԥкрақәа ралагалара- азгәаҭа), избан ус изыҟарҵеи ҳәа шамахамзар аколлектив аӡәы аҟынтәи ус исмаҳаит. Схаҭа сгәы ишаанаго ала ииашаны иҟаҵоуп… Иахьа ихадоу - ҳауаажәлар реиқәырхароуп. Алҵшәа ахьынӡаиуа атәы макьана аҳәара цәгьоуп", - иҳәеит Џьапуа.

Инеиҵыху аиҿцәажәара аудиофаил аҟны.

17

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11