Емырхәба еиҭеиҳәеит Гал арахә рныҟәара аанкыларазы ирыӡбаз

18
(ирҿыцуп 19:10 12.07.2021)
Гал араион ахада ихаҭыԥуаҩ Беслан Емырхәба арадио Sputnik аефир аҟны еиҭеиҳәеит ақалақь аҟны арахә рныҟәара аанкыларазы ирыӡбаз, уи аԥсҭазаара ишаладырҵәо атәы.
Раионк аԥсҭазаараҟынтә: Емырхәба Гал ақалақь аҟны арахә рныҟәара аанкылара атәы

"Арахә рганахьала аҭагылазаашьа, аиашазы, хәыҷык иуадаҩуп, избанзар ауаа рхы аланыҟәыргоит, аха арахә рынкылара цәгьахеит. Убри аҟынтә ақалақь ахадара арахә алымҳа иарҭо абиркақәа (адыргацраҳәақәа) ҟарҵеит, уи ашьҭахь иааныркылар, ахараԥса рыдырҵар ҟалап. Иҟоуп ауаа абри арахә иҩуа ирышьҭоу ақалақь аҿы. Ақалақь аҩнуҵҟа зегьы ирылаҳәаны, арахә рлымҳа адыргацраҳәа аҭаны иоурыжьуеит. Азҵаара ықәыргылан ԥхынгәы 20 инаркны хәыда-ԥсада арахә амаркировка рзура, уи ала ақалақь аҟны арахә аанаҳкылап ҳәа ауп. Ус еиԥш ауадаҩра араионқәа зегьы рҟны иҟоуп", - ҳәа азгәеиҭеит Емырхәба.

Шәазыӡырҩы аудио.

18

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11