Микрофон  - Sputnik Аҧсны, 1920
Арадио

Хра злоу ахҭысқәа: Тыҩба абаҳчамаахыр ааӡара иазкны

© Sputnik / Марианна Кубрава Эшсоу Туйба
Эшсоу Туйба - Sputnik Аҧсны, 1920, 13.07.2021
Анапаҵаҩра
Ақыҭанхамҩа аҿиара апрограмма аҳәаақәа ирҭагӡаны 140 инареиҳаны апроектқәа рҟынтәи иалкааз, анаҩстәи аетап ахь инашьҭыз проектуп абаҳчамаахыр (амалина - аред.) ааӡара иазку. Уи ахьынӡауадаҩу, азҿлымҳарагьы ахьынӡацу атәы арадиоефир аҿы еиҭеиҳәеит анаплакҩы Ешсоу Тыҩба.

Абаҳчамаахыр ааӡаразы апроект 2011 шықәса рзы иаԥҵан иҳәынҭқарратәым ахеилакқәа рыцхырараала ҳәа еиҭеиҳәеит Тыҩба.

Хра злоу ахҭысқәа: Тыҩба абаҳчамаахыр ааӡара иазкны

"Иара амалина залаҳхыз убри ауп, усҟан имҩаԥаагаз аҭҵаара иахнарбеит аџьармыкьаҿы иара шмаҷыз. Уажәы гектарк инацны иҳамоуп ашьапқәа. Хә-тоннак инацны амалина аџьармыкьахь инаҳгартә алшара ыҟоуп. Иҳамоу ахкы иаҳнаҭоит алшара ҳазҭоу амза инаркны ахьҭақәа ҟалаанӡа иаҳҭаалартә еиԥш, фымз аҽаҩра ҳауеит", - ҳәа еиҭеиҳәеит Тыҩба.

Абаҳчамаахырааӡаҩ иҳәеит аҭиразы уадаҩра шрымам. Иҟоуп аҿаҵақәа аҭаацәарақәа рҟнытә тоннак инацны, аџьармыкьаҿы изгогьы аҭиҩцәа ыҟоуп, ахаа-мыхаақәа ҟазҵогьы анаплаккәа ҳамоуп ҳәа азгәеиҭеит иара.

Анаплакҩы иажәақәа рыла, дызҿу аус иаҳагьы ирҭбаарц иҭахуп, уи аҟынтә ақыҭанхамҩа аҿиара апрограмма далахәуп.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәахәаԥшыр ҟалоит:

Ажәабжьқәа зегьы
0