Алхас Аргун

Аргәын акультуратә усбарҭақәа рзы аԥкрақәа ртәы: амузеи ашә аркра иашам ҳәа ҳаԥхьаӡоит

26
(ирҿыцуп 14:09 13.07.2021)
Акультуратә усбарҭақәа рзы иалагалоуп аԥкрақәа. Афонҿыцтәи аҭоурых-культуратә ҳәырԥсарра "Анаҟәаԥиа" иаҵанакуа Аԥсны аҳра амузеи аиҳабы Алхас Аргәын уи азы игәаанагара иҳәеит.

Аԥсны акультура аминистрра иаҵанакуа акультуратә усбарҭақәа русура аанкылахеит ԥхынгәы 12 инаркны. Абри азы аусԥҟа инапы аҵаиҩит акультура аминистр Гәдиса Агрба.

Аргәын акультуратә усбарҭақәа рзы аԥкрақәа ртәы: амузеи ашә аркра ииашам ҳәа ҳаԥхьаӡоит

Ацәыргақәҵа иаҭаауа ауаа мышкы 50-ҩык рҟынӡа инеиуеит, дара зегьы еижәыланы иныҟәаӡом ҳәа азгәеиҭеит Аргәын аиҿцәажәараҿы.

"Аӡәы-ҩыџьа, ҭаацәала, агәыԥ маҷқәа рыла ианааиуа ыҟоуп. Аҿкы чымазара змоу рхыԥхьаӡара ацлара аԥсшьаҩцәа рааира иахымҟьаӡеит, изыхҟьаҵәҟьо ҳара-ҳара ҳабжьара инаҟәааго аҵасқәа, ҳатрадициақәа роуп ҳәа исыԥхьаӡоит. Аԥсшьара ҳәа иааз рахьынтә аӡәык ҩыџьак роуп ачымазара зыдбалаз, сара исымоу аинформациала. Ҳколлектив аҿы ҳзыцәшәаша зықәра неихьоу илхылгахьеит ачымазара. Амузеи аус амур ҳусзуҩцәа аҩны итәоит, аҩны итәар, ауалафахәгьы роуӡом, избанзар амузеи ҳәынҭқарратәуп, аха абиуџьет аҟынтә иҭало аусзуҩцәа руалафахәы ахшәаара иазымхаӡакәа иҟоуп, хәҭа хәыҷык ауп уахьынтә ирызшәо, егьырҭ зегьы аԥсшьаҩцәа рааираҟынтә ауп ишроуа. Насгьы аԥхын маҷк рхы иахәартә еиԥш аҭагылазаашьа аныҟоу аамҭоуп. Аколлектив зегьы злахәыз аизараҿы амузеи ашә аркра иашам ҳәа азгәаҭан", - ҳәа еиҭеиҳәеит Аргәын.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

26

Жәлар рдоуҳа: Ҭодуаԥҳа ахшара дызмауа аԥҳәыс лзы аԥсуаа имҩаԥыргоз ақьабзқәа ирызкны

15
Нарҭдырреи адәынтәи афольклорҭҵаареи рцентр аусзуҩ Есма Ҭодуаԥҳа арадио Sputnik арубрика "Жәлар рдоуҳа" аҟны еиҭалҳәеит ахшара дызмауа аԥҳәыс лзы аԥсуаа имҩаԥыргоз ақьабзқәа ртәы.
Жәлар рдоуҳа: Ҭодуаԥҳа ахшараиура ацхрааразы жәлар рқьабзқәа ирызкны

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит: Анра анасыԥ: ахшара дызмауа аԥҳәыс лыцхраара иадҳәалоу ақьабзқәа

15

Ҳазлацәажәаша ҳамоуп: Манаргиа ашьапылампыл асразы ачемпионат аформат ҿыц азы

9
(ирҿыцуп 15:05 28.07.2021)
Аԥсны ашьапылампыл асразы ачемпионат сынтәа аформат ҿыц азԥҵәоуп, абри атәы арадио Sputnik аефир аҿы еиҭеиҳәеит ашьапылампылтә федерациа апресс-атташе Алхас Манаргиа.
Ҳазлацәажәаша ҳамоуп: Манаргиа ашьапылампыл асразы ачемпионат аформат ҿыц азы

"Ишиашоу ицо аефир ала иаабалоит Ачемпионатгьы Ахраҿагьы. Сынтәа ачемпионат х-еикәшаракны имҩаԥысуеит. Еикәшарак шьҭа имҩаԥысхьеит, уажәы ааҭгылара ыҟоуп. Аҩбатәии ахԥатәии еикәшарақәа ааҭгыларада иҟалоит. Иалагоит нанҳәа 31 рзы. Абас еиԥш иҟоу аӡбамҭа рыдыркылеит. Ихыркәшахоит абҵарамзазы. Астадионқәа зегьы рҟынтә ишиашоу ицо аефирқәа еиҿкаахоит. Уи алыршахоит Џьано Ҵурҵумиа икомнда иабзоураны. Иара ихаҭа иоуп уи алагала ҟазҵаз, афедерациа ахаҭа иамаӡам асҟак алшара, ахарџь ахахьы агаразы. Аидеиа убас иҟоуп – хәмаррацыԥхьаӡа иԥшӡаны, ҳаамҭазтәи аграфикала еиҿкааны, ахәмарыҩцәа рфотосахьа арбаны, аҟаҵара. Ҳәараҭахума, ари ҳамҭоуп, ашьапылампыл абзиабаҩцәа зегьы рзы", -  еиҭеиҳәеит Манаргиа.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

9

Ермантәылеи Азербаиџьани реинышәара аилагаразы ахара рыдибаҵоит

1
(ирҿыцуп 09:30 29.07.2021)
Лаҵара 12 азы акраамҭатәи аҭышәынтәалара ашьҭахь Ермантәылеи Азербаиџьани реизыҟазаашьақәа рыҽдырцәгьеит.

АҞӘА, ԥхынгәы 29 - Sputnik. Ермантәыла атәылахьчара аминистрра аҳәамҭа ҟанаҵеит азербаиџьантәи ар аԥшьаша ауыха аерманцәа рпозициақәа ирылахысуан ҳәа. Абри атәы аанацҳауеит РИА Новости.

"Ԥхынгәы 29 асааҭ 03.00 (02.00 мск) азы аҳәаа гегаркунитәи аучасток аҿы азербаиџьантәи аруаа аиқәшаҳаҭра еилаганы апровокациақәа ирылагеит, аерманцәа рпозициақәа иреихсуан. Аерман ган аҭак ашьҭахь ахымца аанкылан. Асааҭ 07.00 (06.00 мск) рзы иҭынчроуп", - аҳәоит атәылахьчаратә усбарҭа адырраҿы.

Уаанӡа Азербаиџьан атәылахьчара аминистрра аҳәамҭа ҟанаҵахьан Ермантәыла аиқәшаҳаҭра еиланагеит ҳәа.

Ахаша Ереван адырра ҟанаҵеит аҳәааҿы аҭыԥ змаз аиҿахысраан хҩык ҭахеит хәҩык ахәрақәа роуит ҳәа.

Анаҩс Еревани Бақәеи ишьақәдырӷәӷәеит ахымца шааныркыло.

1