Габелаиа амаинингқәа рзы: ауаа ҟәрышьк аладырҳауеит, аха фымцада ҳшаанхо ҳазхәыцроуп

80
(ирҿыцуп 18:05 14.07.2021)
Очамчыра араион аҟны амаинингқәа раҿыхразы иарбан знеишьоу иалырхыз, уи ауааԥсыра ишрыдыркылаз, адҵа анагӡараҿы иарбан уадаҩрақәоу иҟоу ртәы арадио Sputnik аефир аҟны еиҭеиҳәеит Очамчыра араион ахада ихаҭыԥуаҩ Артемон Габелаиа.

Ааигәа Аԥсны Аҳәынҭқарра ахада Аслан Бжьаниа ақалақьқәеи араионқәеи рхадацәеи ашәарҭадаратә маҵзуреи, афымцамчтә усбарҭақәа рхаҭарнакцәеи алархәны инарҭбаау аилатәара мҩаԥигеит. Амшхәаԥштә аҟны иқәгылан азҵаарақәа хԥа: изакәанымкәа акриптовалиута арҳара иаҿагыланы ақәԥара иазку аусмҩаԥгатәқәа; атуристцәа ршәарҭадара алыршара; акоронавирустә чымазараҿкы аҿагылара иазку ауснагӡатәқәа.

Габелаиа амаинингқәа рзы: ауаа ҟәрышьк аладырҳауеит, аха фымцада ҳшаанхо ҳазхәыцроуп

"Иҳарцәахьеит афермақәа рацәаны, аусқәа цоит иахьагьы… Рыцҳарас иҟалаз, афермақәа рус аӡбара иаҳа имариоуп, аха урҭ анаҳаркы, иԥсаҟьаны анхацәа ирыларҵеит. Иацы ҩышәҩык инарзынаԥшуа ауаа еизеит "ҳара афермақәа ҳамам, хныҟәгашьас иҳамоу абри акоуп, анхацәа ҳхы ҳазныҟәгом, шәаҳҟәаҵ" ҳәа", - иҳәеит Габелаиа. Инеиҵыху аиҿцәажәара шәаҳар шәылшоит аудиофаил аҟны.

Иара убас шәаԥхьар ҟалоит:

80

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11