Кәарцхьиа еиҭеиҳәеит рыԥсшьарҭатә ҩнаҿы ачымазараҿкы рыҽшацәырахьчо атәы

28
(ирҿыцуп 20:06 15.07.2021)
Аԥсшьарҭа ҩны "Самшитовая роща" аиҳабы ихаҭыԥуаҩ Дмитри Кәарцхьиа арадио Sputnik аефир аҿы еиҭеиҳәеит дара рыԥсшьарҭаҿы ачымазараҿкы аҽацәыхьчаразы аусурақәа шеиҿкаау атәы.
Кәарацхьелиа еиҭеиҳәеит, рыԥсшьарҭатә ҩнаҿы аҿкы чымазара рыҽшацәырахьчо атәы

Асасааирҭаҿы аҭыԥқәа зегьы ҭәуп, убри аан еиҭа аԥсшьаразы агәаҳәара зҭаху маҷым ҳәа еиҭеиҳәеит Кәарцхьиа. Аԥсшьарҭа ҩны аусзуҩцәа рхыԥхьаӡараҿ иҟоуп ичмазаҩхазгьы, урҭ зегьы рыҩны ирхыргоит, аха аусураҿы ирыхьит ҳәа аҳәара уадаҩуп, избанзар, зегьы ҳусура адагьы џьара ҳнеиуеит-ҳааиуеит, иҳәеит Кәарцхьиа.

Аԥсшьарҭа ҩны "Самшитовая роща" аиҳабы ихаҭыԥуаҩ иҳәеит, ҵыԥх асанитартә маҵзураҟынтә ирыҭаз анапынҵақәа иахьагьы ишынарыгӡо.

"Ҳасасцәа анааилак, ршоура ҳшәоит. Асабрадақәа рҿоуп, арзҩыдаратә маҭәашьарқәа рхы иадырхәоит. Анаҩс, мышқәак ааҵуаны еиԥш ршоура халар, ҳсасаирҭа аҩнуҵҟа иарҭоит ашьа, уи Шәачаҟа идәықәаҳҵоит аҭҵааразы, аҭак анааилак, аҳақьым ишьақәиргылоит ихьыз. Ачымазараҿкы азы агәҩара ҟалар, акарантин ахь дышьҭхоит, хымш-ԥшьымш рышьҭахь ишоура мтәар, ахәшәтәырҭахь ддәықәҵахоит. Асасааирҭа аҩнуҵҟа асасцәа рахьынтә асабрада зхоу дыҟоуп, изхамгьы дубап. Доусы ишиҭаху, аӡәгьы идаҳцалом", - ҳәа азгәеиҭеит Кәарцхьиа.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

28
Атемақәа:
Аҿкычымазара – акоронавирус Аԥсни адунеи аҿи: иалкаау (1372)

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11