Раионк аԥсҭазаараҟынтә: Бганба аӡаҿы аԥсшьаҩцәа ршәарҭадара иазкны

16
Гагра араион ахадара акурорти атуризми рыҟәша аиҳабы Ахра Бганба арадио Sputnik аефир аҿы еиҭеиҳәеит аԥсшьаҩцәа аӡаҿы ршәарҭадара аиҿкааразы имҩаԥырго аусмҩаԥгатәқәа ртәы.
Раионк аԥсҭазаараҟынтә: Бганба аӡаҿы аԥсшьаҩцәа ршәарҭадара иазкны

Аԥсшьарҭаҭыԥқәа 90-100% иҭәуп, аибашьра еилгеижьҭеи ас еиԥш иҟоу аҭагылазаашьа ҟамлацызт, ҳәа азгәеиҭеит Бганба.

"Аԥсшьаҩцәа ршәарҭадара аус аиҿкааразы араион ахада инапынҵала асасаирҭақәа ҳарҭаан игәаҳҭоит иҟоу аҭагылазаашьа, ирымоу аԥсеиқәырхагатә маругақәа ртәы еилаҳкаауеит, аҭыӡҩырақәа рыҟазааразы ргәырҽанаҳҵоит. Сара излазбаз ала аҭагылазаашьа цәгьаӡам, уаҳа ахҭыс бааԥсқәа ҟамларцаз иҳадаҳкылоит аԥҟара ҷыдақәа. Раԥхьа инаргыланы зегьы ирымазароуп абжьырдуга, ашаха ҷыдақәа, иара убас егьырҭ аԥсеиқәырхагатә маругақәа. Иара убас Аԥсны АҶА  араионтә ҟәшаҿы ироуран иҟоуп аӷба маҷ, амшын аныцәқәырԥо аамҭазы ауаа ралхразы", - иҳәеит Бганба.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

16

Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

1
Ацитрус иаԥырхаго аԥарԥалыкь ықәызго абжы криптоламус ахархәара атәы арадио Sputnik аефир аҿы еиҭалҳәеит Аҵиаақәа рзы акарантинтә хылаԥшра асанитартә лабораториа аиҳабы Маиа Шьынқәырԥҳа.
Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

"Шерстистаиа белокрылка ҳәа изышьҭоу ԥшьышықәса раахыс иазгәаҭан иҳамоyп Аԥсны. Еиҳарак иахьаабо ацитрус аҟноуп, даара аҽамхакны иҟоуп. Ари хәаҷа ҿыцуп. Аҭагылазаашьа ас ианыҟала, ааигәа аинспекциаҿы иҟаз аиԥылараҟны иазыӡбан ахәаҷа зшьуа ахимметод ада, абиометод ахархәара. Абжы криптоламус, уи аԥырԥалыкь иаԥырхагоуп, ус азгәарҭеит аиԥылараҿы аекспертцәа. Макьана иҳазҳәом уи иахәоит ҳәа, аха иалагалазар, ахы шымҩаԥнаго аабарын. 500 цыра аԥсабарахь аушьҭра азгәаҭоуп. Ҳара урҭ аԥсабара ԥырхага анаҭом ҳәа азыҳаԥхьаӡоит", - еиҭалҳәеит Шьынқәырԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

1

Раионк аԥсҭазаараҟынтә: Хаҳәбиаԥҳа Тҟәарчал араион аҵарашықәс ҿыц ахацыркра иазкны

14
(ирҿыцуп 20:23 04.08.2021)
Тҟәарчал араион аҵараҟәша аиҳабы ихаҭыԥуаҩ Фросиа Хаҳәбиаԥҳа арадио Sputnik аефир аҿы еиҭалҳәеит ашколқәа рҿы аҵарашықәс ахацыркразы имҩаԥырго аусурақәа ртәы.
Раионк аԥсҭазаараҟынтә: Хаҳәбиԥҳа Тҟәарчал араион аҵарашықәс ҿыц ахацыркра иазкны

"Цәыбррамза 1 рзы ашколқәа рышәқәа аартразы гәҭыха змам ҳәа дыҟам. Имаҷым ари азҵаара иазхәыцуа. Адистанциатә ҵара Аԥсны ашколқәа изылшо ыҟазар ҟалап, жәаҳәарада, аха Тҟәарчал араион ашколкәа рзы акарантин ҟаларгьы, арҵара цароуп ашкол рҿы ҳәа агәаанагара сымоуп. Уи аус аиҿкаара иазхәыцуеит ҳраион ахадара. Хара хәыцрала уахәаԥшуазар, ари инымҵәо аҿкы чымазароуп, убри аҟнытә ашколқәа русура нырымкалар ҟалап ҳәа агәаанагара сымоуп. Ашкол аусура ахәыҷқәа еиҳагьы иахьчозар ҟалап. Ахәыҷқәа зегьы гәаҭан, асанитартә хылаԥшра бзиа ҟаҵаны, ҵыԥх ҳшалагаз еиԥш сынтәагьы, аҵара аус аиҿкаара, хымԥада, иахәҭоуп ҳәа сыԥхьаӡоит", -  еиҭалҳәеит Хаҳәбиаԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

14