Роман Джугелия

Џьугьелиа аџьармыкьа хада аусуразы: аамҭа уадаҩ ҳацныҟәароуп

32
(ирҿыцуп 09:24 17.07.2021)
Аџьармыкьа аиҳабы ихаҭыԥуҩ Роман Џьугьелиа арадио Sputnik аефир аҟны еиҭеиҳәеит аџьармыкьа аусура шеиҿкаау, аԥқра ҿыцқәа ралагалара ишахәаԥшуа, иарбан знеишьақәоу рхы иадырхәо.
Џьугьелиа аџьармыкьа хада аусуразы: аамҭа уадаҩ ҳацныҟәароуп

Аԥсны агәабзиарахьчара аминистр Едуард Быҭәба атәыла ахада иусбарҭаҿы имҩаԥысыз аилатәараҟны ажәалагала ҟаиҵеит иназыцҵоу аԥкрақәа ирыдҳәаланы. Асиа ианылаз ажәалагалақәа рхыԥхьаӡараҿы иҟоуп аџьармыкьа аусура аԥкра.

Аџьармыкьа аиҳабы ихаҭыԥуаҩ Роман Џьугьелиа иажәақәа рыла, есшьыжьы аџьармыкьа аусзуҩцәа ршоура гәарҭоит, асабрадақәа рныҟәгара ихымԥадатәиу дҵаны иҟоуп. Мчыбжьык ахь знык ашәахьала аџьармыкьаҟны арзҩыдаратә уснагӡатәқәа мҩаԥыргоит.

"Ажәлар рҟынтәи ак аазхәо ҳәа иааиуа ишҳалшо ираҳҳәоит асабрада ныҟәыргарц. Ирацәаҩуп ахәшә ҟаҳҵахьеит ҳәа ҳазҳәо… Ҳара иҳадырҵо, хымԥада, ҳацныҟәоит. Ауаҩы игәабзиара ԥырхага амҭакәа ихгьы ныҟәигартә еиԥш џьара ҳазкылсырц ҳамч ҳаигӡом, ус еиԥш аамҭа цәгьа ҳанҭагыла иахьатәи аамҭазы", - иҳәеит Џьугьелиа.

Шәазыӡырҩы аудио.

Иара убас шәаԥхьар ҟалоит:

32

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

9
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

9
Сурам Сакания

Сақаниа Маркәыла иԥшааз ажәытә ҳаԥшьақәа рзы: еиҳагьы сеигәырӷьон урҭ сахьақәак рнызҭгьы

12
(ирҿыцуп 14:32 03.08.2021)
Аԥсни Урыстәылеи рархеологцәа Маркәылатәи анхарҭаҟны еицымҩаԥыргоз сынтәатәи ажрақәа раан анышәаԥшь иалху хә-ҳаԥшьак рыԥшааит. Археологиатә експедициа аԥсуа ган напхгара азызуа, аҵарауаҩ Сурам Сақаниа арадиоефир аҿы еиҭеиҳәеит аԥшаахқәа ртәы.
Сақаниа Маркәыла иԥшааз ажәытә ҳаԥшьақәа рзы: еиҳагьы сеигәырӷьон урҭ сахьақәак рнызҭгьы

"Археологцәа ҳанеицу есымша акы ҳазыԥшуп. Абаҳа аҿы аныҵаҳҵо абри акыр аанарԥшуама ҳәа ҳаԥшуеит. Аҳаԥшьақәа анаҳба, ҳаигәырӷьеит, аха еиҳагьы сеигәырӷьон урҭ сахьақәак рнызар, аԥсышәала жәақәак рнызар, ианамуӡах, ма латын бызшәала, ма бырзен бызшәала, аха уи аҩыза анасыԥ макьана иаҳмоуцт. Ҳазыԥшуп, ҳахьӡар ҟалоит", – ҳәа еиҭеиҳәеит Сақаниа.

Очамчыра араион Маркәыла ақыҭан 2013 шықәсазы иԥшаан антикатә аамҭа иаҵанакуа, абжьарашәышықәсагьы здызкыло ижәытәӡатәиу анхарҭа. Урыстәылеи Аԥсни рархеологцәа ари аҭыԥ аҭҵаара рнапы алакуп. Аҭҵаарақәа аурыс ган напхгара алҭоит Урыстәыла аҭҵаарадыррақәа Ракадемиа Археологиа аинститут аклассикатә археологиа аҟәша аиҳабы, аҭоурыхтә ҭҵаарадыррақәа ркандидат Галина Требелева, аԥсуа ган - Сурам Сақаниа.

Маркәылатәи аиланхарҭа жәытә – Аԥсуа ҭӡеибаркыра ду аҩнуҵҟа иҟоу, ажәытәтәи ауааԥсыра рыбзазареи рҭоурыхи зныԥшуа ҭыԥуп.

Инеиҵыху аиҿцәажәара шәазыӡырҩыр шәылшоит аудиофаил аҿы.

12