Руслан Дзапшба

Ӡаԥшьба ашахмат азы: ауаҩы ихәыцраз еиӷьу макьана иҟамлацт

76
(ирҿыцуп 19:08 20.07.2021)
Ԥхынгәы 20 ашахмат Жәларбжьаратәи амш азгәарҭоит 1966 шықәса раахыижьҭеи. Ашахмат асра азҟаза, аспорт азҟазарахь акандидат Руслан Ӡаԥшьба арадио Sputnik аефир аҟны еиҭеиҳәеит ари аспорт хкы аҟны раԥхьатәи ишьаҿақәеи иара иԥсҭазаараҿ ҭыԥс ианнакылои ртәы.
Ӡаԥшьба ашахмат азы: еиӷьу макьана ирымхәыцт ауаҩы ихәыцразы

"Аус ашьҭкааразы ауаҩы дазҿлымҳазароуп, мчыла узыхәмаруам, иуцааиӡом. Знык ари ахәмарра згәаԥхаз уажәшьҭан дзадҵуам, иԥсҭазаарахоит, дыхәмарцыԥхьаӡа игәалаҟазаара шьҭнахлоит. Атеориа узымдыркәа узыхәмаруам, уи ада ухәмарра аҳаракыра узышьҭхом. Уи анудыруа ахәмарра узымариоуп, ахәыцразы аамҭа уркьаҿуеит. Ашахмат ауаҩы ихәыцра еиӷьнатәуеит, абжьаратә школқәа рҟны еиуеиԥшым аҳәынҭқаррақәа рҿы маҭәарк аҳасабала иаларгалоит. Еиӷьу макьана ирымхәыцт ҳәа азгәарҭоит егьырҭ амаҭәарқәа рҿы ақәҿиарақәа раарԥшразы", - иҳәеит Ӡаԥшьба.

Шәазыӡырҩы аудиофаил.

76

Жәлар рдоуҳа: Ҭодуаԥҳа ахшара дызмауа аԥҳәыс лзы аԥсуаа имҩаԥыргоз ақьабзқәа ирызкны

15
Нарҭдырреи адәынтәи афольклорҭҵаареи рцентр аусзуҩ Есма Ҭодуаԥҳа арадио Sputnik арубрика "Жәлар рдоуҳа" аҟны еиҭалҳәеит ахшара дызмауа аԥҳәыс лзы аԥсуаа имҩаԥыргоз ақьабзқәа ртәы.
Жәлар рдоуҳа: Ҭодуаԥҳа ахшараиура ацхрааразы жәлар рқьабзқәа ирызкны

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит: Анра анасыԥ: ахшара дызмауа аԥҳәыс лыцхраара иадҳәалоу ақьабзқәа

15

Ҳазлацәажәаша ҳамоуп: Манаргиа ашьапылампыл асразы ачемпионат аформат ҿыц азы

9
(ирҿыцуп 15:05 28.07.2021)
Аԥсны ашьапылампыл асразы ачемпионат сынтәа аформат ҿыц азԥҵәоуп, абри атәы арадио Sputnik аефир аҿы еиҭеиҳәеит ашьапылампылтә федерациа апресс-атташе Алхас Манаргиа.
Ҳазлацәажәаша ҳамоуп: Манаргиа ашьапылампыл асразы ачемпионат аформат ҿыц азы

"Ишиашоу ицо аефир ала иаабалоит Ачемпионатгьы Ахраҿагьы. Сынтәа ачемпионат х-еикәшаракны имҩаԥысуеит. Еикәшарак шьҭа имҩаԥысхьеит, уажәы ааҭгылара ыҟоуп. Аҩбатәии ахԥатәии еикәшарақәа ааҭгыларада иҟалоит. Иалагоит нанҳәа 31 рзы. Абас еиԥш иҟоу аӡбамҭа рыдыркылеит. Ихыркәшахоит абҵарамзазы. Астадионқәа зегьы рҟынтә ишиашоу ицо аефирқәа еиҿкаахоит. Уи алыршахоит Џьано Ҵурҵумиа икомнда иабзоураны. Иара ихаҭа иоуп уи алагала ҟазҵаз, афедерациа ахаҭа иамаӡам асҟак алшара, ахарџь ахахьы агаразы. Аидеиа убас иҟоуп – хәмаррацыԥхьаӡа иԥшӡаны, ҳаамҭазтәи аграфикала еиҿкааны, ахәмарыҩцәа рфотосахьа арбаны, аҟаҵара. Ҳәараҭахума, ари ҳамҭоуп, ашьапылампыл абзиабаҩцәа зегьы рзы", -  еиҭеиҳәеит Манаргиа.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

9

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау