Занҭариаԥҳа еиҭалҳәеит ԥхынгәы 22-23 рзы амшцәгьа аан узыцәшәаша ыҟоу иҟаму

153
(ирҿыцуп 22:18 21.07.2021)
Аԥсны АҶА ааԥхьара ҟанаҵоит ԥхынгәы 22 инаркы Аԥсны иҟаларц зылшо амшцәгьақәа раан ахыхьчараз иақәнагоу аԥҟарақәа зегьы ирықәныҟәарц. Аҳауагәаҭаратә маҵзура аналитикатә ҟәша аиҳабы Диана Занҭариаԥҳа арадио Sputnik аефир аҿы еиҭалҳәеит узыцәшәаша ыҟоу иҟаму.

Уаха асааҭ 12 нахыс ақәа леиуеит, ақәыршҩы ахь ииасуеит, адыдмацәыс ҟалоит, ҭыԥқәак рҟны акырцх леиуеит ҳәа адырра ҟалҵеит Занҭариаԥҳа.

Занҭариаԥҳа еиҭалҳәеит ԥхынгәы 22-23 рзы амшцәгьа ахьынӡабааԥсхо атәы

"Уаха асааҭ 12 нахыс амш еилашәоит. Уи ҟалоит аҳауатә еиҿагыларақәа ирыхҟьаны. Бааԥсыла амшцәгьа ҟалоит Қырҭтәыла, ҳара ҳҟынӡа иара ишамчу иаауам. Тҟәарчали Гали араионқәа хәыҷык ирыхкьысыр ҟалап, аха иааизакны аӡхыҵра ӷәӷәа ҟаланы ҳәа иаабаӡом. Ԥхынгәымза иара ишақәнагоу еиԥш ауп ишаабо. Секунд ала аԥшаласра ҭыԥқәак рҟны 11-16 метра рҟынӡа иҟалоит, уигьы иӷәӷәоуп ҳәа иԥхьаӡоуп, аха аҵлақәа кажьуа, арыцхә 4 рзы иҟаз аҭагылазаашьа ҟалап ҳәа ҳгәы иаанагаӡом", - ҳәа еиҭалҳәеит Занҭариаԥҳа.

 

Аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

153

Џьапуа еиҭеиҳәеит шаҟа мегаватт инамцхәны Гал араион аҟны афымца рхы иадырхәо

7
Гал араион ахада ихаҭыԥуаҩ Нарсоу Џьапуа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит ауаа инырхуа афымцалашара аиҵатәразы иарбан усқәоу ицо, амаининг маругақәа раарԥшра аганахьала аҭагылазаашьа зеиԥшроу атәы.
Раионк аԥсҭазаараҟынтә: Џьапуа Гал инырхуа афымцалашара аиҵатәра иазкны

"Амаининг азҵаара есымчыбжьа аус адаҳулоит, иҳаҩсыз аԥшьашазы аилацәажәара мҩаԥган афымцалашара ахә еизызго алархәны. Адҵа рыҭан досу рқыҭақәа рҟны агәаҭарақәа мҩаԥыргарц. Гал араион аҟны егьырҭ ашықәсқәа ирҿырԥшны инамцхәны рхы иадырхәо мегаваттки бжаки ауп", - иҳәеит Џьапуа.

Шәазыӡырҩы аудио.

Иара убас шәаԥхьар ҟалоит:

7
Атемақәа:
Аԥсны амаинингтә фермақәа раҿыхра

Габуниа адекларациақәа рхарҭәааразы: асаит аҟны ус еиԥш алшара аԥҵоуп

26
(ирҿыцуп 18:15 26.07.2021)
Нанҳәа акы инаркны амаҵзурауаа рхашәлақәа ашәҟы иҭаргалароуп. Аԥсны ашәахтәқәеи аизгақәеи рминистрра апресс-маҵзура Гьаргь Габуниа еиҭеиҳәеит ахашәалазы адекларациақәа рхарҭәаашьа шахәҭоу, иахьхадырҭәаауа.
Габуниа адекларациақәа рхарҭәааразы: асаит аҟны ус еиԥш алшара аԥҵоуп

"Амаҵурауааи адепутатцәеи рхашәалақәеи, рныхрақәеи, рмазареи, амазаратә ҟазшьа змоу рхыдҵақәеи ашәҟәы рҭагаларазы" аҵыхәтәантәи ариашарақәа злагалоу азакәан амчра аиуит 2021 шықәса ԥхынгәы 1 инаркны. Ахашәалақәа ашәҟәы иҭагалатәуп нанҳәа 1 рҟынӡа. Аҳәынҭқарратә усҳәарҭақәа русзуҩцәа аҩыратә зыҳәа нарышьҭроуп Аԥсны ашәахтәқәеи аизгақәеи рминистррахь аусбарҭа асаит аҿы иахәҭоу аинформациа роурц азы. Ари аус хәҭа-ҳәҭала ишеиҿкаахо атәы еиҭеиҳәеит Аԥсны ашәахтәқәеи аизгақәеи рминистрра апресс-маҵзура Гьаргь Габуниа.
"… иахьа иҳамоу адыррала аҳәынҭқарратә еиҿкаарақәа рхыԥхьаӡара 420 рҟынӡа ыҟоуп. Уахь иалаӡам аунитартә, амуниципалтә наплакқәа. Адекларациа хазырҭәаараны иҟоу ауаа рхыԥхьаӡара макьана еилкааны асиа шьақәырӷәӷәаны иҟам", - иҳәеит Габуниа.

Шәазыӡырҩы аудио.

Иара убас шәаԥхьар ҟалоит:

26