Жьиԥҳа Гәдоуҭа аӡхыҵра ирнаҭаз аԥхасҭазы: акгьы аанымхеит, шьымхахьы агәам ҳалагылоуп

128
(ирҿыцуп 11:18 28.07.2021)
Ԥхынгәы 26-27 ауха Аԥсны иауз ақәаршҩы иахҟьаны Гәдоуҭа араион иҟалаз аӡхыҵра аԥхасҭа знаҭаз ақалақь аҟны инхо Елла Жьиԥҳа арадио Sputnik аефир аҿы еиҭалҳәеит рыҩны аҭагылазаашьа зеиԥшроу атәы.
Жьиԥҳа Гәдоуҭа аӡхыҵра ирнаҭаз аԥхасҭазы: акгьы аанымхеит, шьымхахьы агәам ҳалагылоуп

Ԥхынгәы 26-27 ауха Аԥсны ақәа ӷәӷәӷа леит, аӡқәа хыҵит. Аӡиасқәа ҩ-метрак еиҳаны иахьышьҭыҵыз ыҟоуп. Гәдоуҭа араион аҟны 350 ҩны аӡы рыҵалеит.

"Ҳааигәара иҟоу аӡиас хәыҷуп, аха ишьҭыҵлоит. Есымшагьы ҳазхәыцуеит, ҳашьклаԥшуеит, аха ари аӡхыҵра акы еиԥшымкәа иҟалеит. Аӡы ашьҭыҵра иалагеит ирласны, иаразнак ахәыҷқәа аҩбатәи аихагылахь иаҳгеит. Егьыс иҳамаз зегьы актәи аихагылаҿы ишгылаз иаанхеит, акызаҵәык ҳзымыхьчеит. Актәи аихагыла зегьы аӡы ҩналеит, аԥынџьырқәа рыла идәықәлеит. Ахәыҷқәа ҳаманы ахыб ахь ҳхалап ҳәа ҳазхәыцуан, избанзар, аӡы аҩбатәи аихагылахь идәықәларц аҽазнакит. Актәи аихагылаҿы игылаз зегьы аҩнымаҭәа, амаругақәа, атехника, зегьы ндәылганы икаҳажьит, ҳагьзахәаԥшуам... Ахәыҷқәа уамакала ишәеит, иашаанӡа ицәаӡамызт, иахьагьы хыхь иқәтәоуп. Аӡы ахьҳарԥхогьы ҳамам, шьамхахьы агәам ҳалагылоуп. Аҩбатәи аихагылаҿы ианхаз ҳашьҭаларҭақәа ҩ-уадак ада, крыфарҭоума, тәарҭоума, акгьы ыҟаӡам… Хәба-фба шықәса раԥхьа аӡы ҳаҵалахьан, аха ари аҩыза ҳамбацызт. Ара инхо аиҳабацәа ирҳәоит, ас еиԥш аӡхыҵра иақәымшәацызт ҳәа. Аӡқәа дрыцқьоит, аӡышьҭрақәагьы алыргоит ақалақь ахадара. Уажәааигәа ақәа аналага идрыцқьеит, зегьы ҳгәы ааҳарҭынчит, аха ҳзацәымцеит", - еиҭалҳәеит Жьиԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

128

Раионк аԥсҭазаараҟынтә: Леԥсаиа Кындыӷтәи аԥсыӡааӡарҭа иазкны

4
(ирҿыцуп 18:26 25.09.2021)
Кындыӷ ақыҭа еиҿкаау аԥсыӡааӡарҭа аусзуҩ Лаша Леԥсаиа арадио Sputnik аефир аҟны арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит анхамҩа шеиҿыркааз, иарбан ԥсыӡхкқәоу ирааӡо, уадаҩрас ирԥыло русураҟны.
Раионк аԥсҭазаараҟынтә: Леԥсаиа Кындыӷтәи аԥсыӡааӡарҭа иазкны

"2015 шықәсазы аҷкәынцәа ҳаидгыланы ҳамчала хәыҷы-хәыҷ хаҿуп. Сынтәа раԥхьатәи ԥышәак аҳасабала аус аҳаруит. Аԥсыӡқәа хы-хкыкны рааӡара ҳаҿуп: акалмаҳа, ақьоуқьад (осетр), ахьыԥшшәы змоу аԥҟыш (карп). Акалмаҳааӡара хәыҷык иуадаҩуп, ахатәы кәамаҵамақәа амоуп. Ақьоуқьади аԥҟыши Урыстәылантәи макьана иааҳамгацт. Ԥышәарак аҳасабала аԥҟыш аԥсыӡԥшқақәа Гәдоуҭа (Оҭҳара) аԥсыӡнхамҩаҟынтәи иааҳгеит, аӡҭарчы иҭаҳҵеит, уи уиаҟара аџьабаа унарбом, ахала ахы ааӡоит", - иҳәеит Леԥсаиа.

Иаҳа инеиҵыху аиҿцәажәара аудиофаил аҟны.

4
Лаша Габелия

Зус иазҟазоу: асахьаҭыхыҩ Габелиа апандемиа аамҭазы иусура атәы

10
(ирҿыцуп 12:00 25.09.2021)
Асахьаҭыхыҩ, аонлаин-цәыргақәҵа "Аиҟәгара – аҟазара" алахәыла Лаша Габелиа арадио Sputnik аефир аҟны еиҭеиҳәеит апандемиа аамҭа рҵаҩык иаҳасабала иусушьа ишаныԥшыз, иара убас аонлаин-цәыргақәҵаҟны иӡыригаз иусумҭақәа ртәы.
Зус иазҟазоу: асахьаҭыхыҩ Габелиа апандемиа аамҭазы иусура атәы

"Аҵараҵара аганахьала еиԥҟьарақәак ҳаман астудентцәеи ҳареи ҳусураҟны. Ҳаамҭазтәи атехнологиатә маҭәахәқәа ҳхы иархәаны адҵақәа раҳҭон. Даргьы ибзианы рхы аадырԥшит, ацәыргақәҵагьы ҟаҳҵеит, ҳдыргәырӷьеит аиашазы.

Арҿиараҿы акәзар, есымша аамҭа ҳацәмаҷуп, иааҳакәыршаны иҟоу аԥшӡара аш ахь аиагаразы. Бзиашәа аамҭа ҳаун, сҩызцәеи сареи ҳцаны аҭыԥ ԥшӡарақәа ҭаҳҵааит. Акы–ҩба убра (аонлаин-цәыргақәҵазы - азгә.) ицәырызгаз урҭ иреиуоуп. Сусумҭақәа аӡын азы иҟасҵаз роуп… Пыв ашьха ажәҩан, аеҵәақәа ҳрыҵаԥшуа абас зны ашара ҳаԥылеит.

Апандемиа лшарақәакгьы ҳнаҭеит, аха ачымазара иахҟьаны ҳҩызцәа иԥсызгьы ҟалеит, угәы еихьызшьуа ауп. Ауаҩы убраанӡа ихы неигеит, аԥсабара дазымхәыцуашәа, ишьҭахь инижьуа", - иҳәеит Габелиа.

Аицәажәара иаҳа инарҭбааны аудиофаил аҟны.

"Аиҟәгара – аҟазара" ахьӡуп аинформациатә маҵзура Sputnik, Аԥсны асахьаҭыхыҩцәа реидгылеи, Асахьаҭыхратә цәыргақәҵатә зал хадеи еицеиҿыркааз аонлаин-цәыргақәҵа. Уи иалахәуп 20-ҩык рҟынӡа аҟазацәа. Ацәыргақәҵа шәахәаԥшыр шәылшоит Sputnik асаит аҿы.

10

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау