Илона Квициния

Кәыҵниаԥҳа аетно-парк "Аԥсны" апроект азы: ари аҩыза еиҿукаарц азы угәы амца ацразароуп

206
(ирҿыцуп 20:21 29.07.2021)
Гәдоуҭа араион Мгәыӡырхәа ақыҭан иаадыртыз Амилаҭ-ҭоурыхтә етно-парк "Аԥсны" амилаҭтә хаҿра ашьақәыргыларазы ҵакыс иамоу атәы Sputnik аефир аҿы еиҭалҳәеит аетнографиатә парк аиҳабы иҳаҭыԥуаҩ, амузеи аиҳабы Илона Кәыҵниаԥҳа.
Ҳазлацәажәаша ҳамоуп: Кәыҵниаԥҳа етно-парк "Аԥсны" иазкны

"Ари апарк аартра аҵакы даара иҳаракуп, аҳәынҭқарратә интересқәа рыхьчаразы, иара аҳәынҭқарратә ҩаӡарагьы амоуп. Асовет аамҭазы ҳинтеллигенциа ахаҭарнакцәа уи аҩыза аԥшьаргахьан, аха усҟан ҳара ҳаҵкыс зымчыз ҳхагылан. Убри аҟнытә амилаҭтә культура апропаганда аҟаҵараз аҭагылазаашьа ҳарҭомызт. Аџьынџьтәылатә еибашьра ҳахысит, уи ашьҭахь аекономика-политикатә хьысҳара иахҟьаны иалҵуамызт апроект алыршара. Ааигәа уи еиҿикааит Мзауҷ Ԥлиа. Иара излаиҳәо ала даныхәыҷыз иабду иирбаз ҳҵасқәа ҳқьабзқәа игәаԥхеит, иаҳа-иаҳа дазҿлымҳахон, анаҩс атәым ҳәынҭқаррақәа дырҭаауа даналага, доусы имилаҭ шӡыригоз аниба, ҳара иҳамоу аҭоурых ҟәнаҳшьартә иҟаӡам, ҳалацәажәартә изыҟами, асас ҳазидикылар акуи баша курортк ҳасабала, уаҳа иҵауло ҳҭоурых ҳамамшәа ҳәа ҩныҵҟала дхәыҷы аахыс игәнигоз, ихы идыруа дхатәраны даныҟала игәы иҭаз апроект инапы алаикит. Уи азы маҷк "уеилагазароуп", угәы амца ацразароуп, агәыбылра рацәаны иумазароуп, аԥхьа аԥарарҳара ҳәа умхәыцкәа уҽалаужьроуп", - лҳәеит Кәыҵниаԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

206
Заур Шалашаа

Шьалашьа абылтәы аквотақәа реизырҳаразы: мааҭк акәзаргьы ахәгьы рзыларҟәыр, бзиахон

5
(ирҿыцуп 10:46 23.09.2021)
Иабанӡаныԥшуа ҳекономика абылтәы азы аквота ҿыцқәа рышьақәыргылара, абылтәы-кризис алҵраҟны иабанӡацхыраагӡахо, абри азы игәаанагара иҳәеит аекономикеи азини ринститут адиректор Заур Шьалашьаа.
Шьалашьа абылтәы азы аквотақәа реизырҳаразы: мааҭк акәзаргьы ахәгьы рзыларҟәыр, ибзиахон

Москва Аԥкаанҵа анапы аҵаҩуп Урыстәылантәи Аԥсныҟа баџьда иаларгало анефҭаалыҵқәа рхышәаҵышәа азырҳаразы. Аԥкаанҵа инақәыршәаны Урыстәыла аенергетика аминистрреи Урыстәыла аекономикатә ҿиара аминистрреи Аԥсны Аҳәынҭқарра аекономика аминистрреи 2021 шықәсазтәи аквота ҿыцқәа шьақәдыргылеит.

"Ишызбо ала аҳәынҭқарра уи ала иаӡбеит ҳәа сыԥхьаӡоит атәылаҿы абылтәы аганахьала иҟаз ауадаҩрақәа. Аха уи шыҟалоз ҳәақәгәыӷуамызт ҳәа ирҳәо уи ааҟара садгылаӡом, избанзар, абри зегьы шыҟалоз ҳара азԥхьагәаҭара ҳасабала заа иҟаҳҵар акәын ҳәа сгәы иаанагоит.

Уи ашьҭахь ҽа зҵаарак цәырҵуеит. Убраантә ахә иацымло ианыҟала, ара ишԥаҟало ахә абылтәы азы ишьақәгылан иҟоу. Аха уажәы ишьақәгылан иҟоу, ишагымхо ҳәа сгәы иаангоит, убри аан уаҳа иацымло ҳәа ауп агәыӷра шсымоу. Аквотақәа реиҳатәра ажәлар ирыхәоит, иага уҳәаргьы абылтәы ыҟамкәа иахьа анеи-ааира уи шыцәгьоу еилаҳкаауеит зегьы.

Аквотақәа еиҳатәны ахәқәагьы еиҭарыхәаԥшыр, мааҭк иадымхаргьы, 53 рҟнытә 52 мааҭ ахь ирзааргар, уи ажәлар ибзиан ахә ршьоит", - ҳәа еиҭеиҳәеит Шьалашьаа.

Инеиҵыху аиҿцәажәара шәазыӡырҩыр шәылшоит аудиофаил аҿы.

5

Ферзба Тҟәарчал ашколқәа рҟны аҿкы азы аҭагылазаашьа зеиԥшроу еиҭеиҳәеит

15
Тҟәарчал араион аҵара аҟәша аиҳабы ихаҭыԥуаҩ Даур Ферзба арадио Sputnik аефир аҿы еиҭеиҳәеит араионтә школқәа рҟны аҿкы азы аҭагылазаашьа зеиԥшроу, дазааҭгылеит иахьазы шаҟаҩы ахәыҷқәеи арҵаҩцәеи ачымазара рыдбалоу рхыԥхьаӡара.
Раионк аԥсҭазаараҟынтә: Ферзба Тҟәарчал ашколхәыҷқәа рыбжьара ачымазараҿкы иазкны

"Араион аҿы 17 школ ыҟоуп, уи адагьы ацхыраагӡатә школгьы ҳамоуп, иара убас - х-хәыҷбаҳчак. Цәыббрамза инаркны иахьанӡа ақалақь аҩныҵҟа хәҩык ахәыҷқәа аҿкы рыдбалоуп, дара аҳақьымцәа хылаԥшра рырҭоит. Аҩбатәи ашкол аҿы х-класск аркуп, иара убас Оқәымтәи ашкол аҿы класск. Арҵаҩцәа ракәзар, 355-ҩык ахьыҟоу- 13-ҩык чмазаҩуп. Иааидкыланы араионтә школқәа рырҵаҩцәа 60-ҩык рҟынӡа алаҵа ҟарҵахьеит, иҟоуп ачымазара зхызгахьоугьы", - еиҭеиҳәеит Ферзба.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

15

Ачемпионат ConIFA Африка Занзибар имҩаԥгахоит

5
(ирҿыцуп 14:25 23.09.2021)
Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда.

АҞӘА, цәыббра 23 - Sputnik. ConIFA Africa аҳәаақәа ирҭагӡаны ашьапылампыл ачемпионат абҵара 13- 25 рзы Занзибар имҩаԥысраны иҟоуп, ҳәа аанацҳауеит аиҿкаара Twitter аҿтәи адаҟьаҿы.

Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда. Аамҭақәак раԥхьа аҽа хырхарҭакгьы аусура иалагеит – Африкатәи аконтинент аҿы ачемпионат амҩаԥгара.

Уаанӡа аԥхынразы ачемпионат азыԥхьагәаҭан аха акоронавирус иахырҟьаны аамҭа еиҭакын.

Рашәарамзазы ашьапылампыл азы Европа ачемпионат ConIFA-2021, Франциатәи ақалақь Ницца имҩаԥысраны иҟаз ахыган атурнир, аепидемиологиатә ҭагылазаашьа Франциа иахьыуадаҩуи анапхгара ауснагӡатә ашәарҭадара иахьзадымгылои азы. Ашьапылампыл азы Аԥсны еизгоу акоманда ConIFA-2021 Европа ачемпионат иалахәхараны иҟан.

2016 шықәсазы ашьапылампыл азы Европа ачемпионат ConIFA Аԥсны имҩаԥысуан. Аԥснытәи акоманда аиааира агеит.

5