Аҟәысба Ҭырқәтәыла амцакрақәа рзы: ари ашәышықәсазы ас амцашоура ҳаракны иҟамлаҵызт

26
(ирҿыцуп 10:48 03.08.2021)
Ҭырқәытәыла аԥсуахеидкылақәа рфедерациа ахантәаҩы Аҭанур Аҟәысба арадио Sputnik аефир аҿы еиҭеиҳәеит иахьазы амцакрақәа рзы иҟоу аҭагылазаашьеи, урҭ раанкылара ахьынӡалшои, насгьы мзызс ирымоу атәы.

 

Аҟәысба Ҭырқәтәыла амцакрақәа рзы: ари ашәышықәсазы ас амцашоура ҳаракны иҟамлаҵызт

"Амцакрақәа 32 қалақь рҿы иҟоуп. Аҳәынҭқаррақәа дара рхала ацхыраара ҟазҵарц зҭахыз иаарышьҭит ацхырааҩцәа, иара убас Украинантәи Урыстәылантәи иаашьҭуп аҳаирпланқәа. Еиҭа Европа еидгыла аҟнытә иаарышьҭран иҟоуп ацхыраара ҳәа адырра ыҟоуп", - иҳәеит Аҟәысба.

 

Иара иазгәеиҭеит амцакрақәа рымҽхак акыр ишыҭбаау.

"Аҩнқәа, асасаирҭақәа, ақыҭақәа, ауаа рырахә блит. Акурорт ҭыԥқәа рахь инеит", - ҳәа еиҭеиҳәеит Аҟәысба.

Ҭырқәытәыла аԥсуахеидкылақәа рфедерациа ахантәаҩы еиҭеиҳәеит асоциалтә медиақәа рҿы иҟоу аинформациала амцакрақәа мзыс ирымоу атәы. Иазгәеиҭеит, атәыла аҭоурых аҿы асҟаамҭа аӡаӡа млеижьҭеи акыр шааҵуа, иара аԥшасрагьы шыҟоу атәы.

Инеиҵыху аиҿцәажәара шәазыӡырҩыр шәылшоит аудиофаил аҿы.

 

26

Қәҭелиа еиҭеиҳәеит раионцыԥхьаӡа шаҟа класс ҽыԥхьакра ишьҭу

4
(ирҿыцуп 18:21 24.09.2021)
Аҿкчымазара иахҟьаны ашколқәа рҟны аҭагылазаашьа зеиԥшроу, раионцыԥхьаӡа заҟа класс хыԥхьакра ишьҭу, абарҭқәа ртәы арадио Sputnik аефир аҟны еиҭеиҳәеит Аҵара аминистрра ауаажәларра рымадараз аинформациатә маҵзура аиҳабы Аслан Қәҭелиа.

Қәҭелиа еиҭеиҳәеит раионцыԥхьаӡа шаҟа класс акарантин ахь ишьҭу атәы
"…Раионла иаҳгозар, Очамчыра -12 класс рынӡа ахьыхьчарахь ишьҭуп, Гал - аҭагылазаашьа иаҳа иҭышәынтәалоуп, акарантинахь ишьҭу аклассқәа ыҟаӡам, Тҟәарчал-9 класск, Гәдоуҭа- школк аркуп, убасгьы араион аҟны хә-класск акарантин ахь ишьҭуп, Аҟәа араион - аҭагылазаашьа ҭышәынтәалоуп, акарантин ахь ишьҭу ҳамаӡам, Гагра араион - х-класск шьҭуп ахыхьчарахь, Аҟәа ақалақь - 11 класс 300 –ҩык инареиҳаны ахыхьчара ишьҭуп, 40-ҩык инареиҳаны иахьазы аковид рыдбалоуп", - иҳәеит Қәҭелиа.

Иаҳа инарҭбааны аицәажәара аудиофаил аҟны.

4

Хра злоу ахҭысқәа: Џьапуа, Сымсым, Емырхәба хылаԥшрада ақалақь иалоу арахә ирызкны

14
(ирҿыцуп 15:04 24.09.2021)
Ақалақь иалоу арахә аанкылашьас ирымоу, ари азҵаара ӡбашьас иаҭатәу азы арадио Sputnik аефир аҟны ргәаанагарқәа рҳәеит Аԥсны аветеринартә маҵзура аиҳабы Роман Џьапуеи, Гәдоуҭа араион акоммуналтә усбарҭа аиҳабы Феликс Сымсыми, Гал араион ахада ихаҭыԥуаҩ Беслан Емырхәбеи.

Хра злоу ахҭысқәа: Џьопуа, Сымсым, Емырхәба хылаԥшрада ақалақь иалоу арахә ирызкны
Аԥсны арахә рныҟәгашьа аҷыдара иахҟьаны, урҭ адәахьы рхы иақәиҭны иахьҳәуа аҟынтә, ақалақьқәеи амҩа хадақәеи раныгара азҵаара иахьа уажәраанӡа иӡбамкәа иаанхоит ҳәа азгәеиҭеит аветинар хада.

"Ас еиԥш иҟоу аспецифика шамахамзар иуԥылом егьырҭ атәылақәа рҟны. Арахә иаҳа хылаԥшра рымоуп, иҭакны ма ҳәырҭак аҟны игәарырхоит. Аԥсны азнеишьа зынӡаск даҽакуп, арахә рхы иақәиҭуп, амҩақәа ирнуп.

Аӡҵаара аӡбара рҽазыркқәахьеит, аха иуадаҩуп аӡбара, уи зыхҟьогьы исҳәаз ауп. Аиаша уҭахызар, иара азҵаара аӡбара шьаҭанкыла аӡәгьы даламгацт. Аӡбашьа амоуп, иҟалап араионқәа рхадара маҷк иацәшәозаргьы уи уамаӡак аԥара аҭахуп ҳәа. Уеизгьы ауаҩы зынӡаск ибӷа ԥызҵәаша аҭаххом. Ари аус знапы иаку, ҳара ҳаиԥш хылаԥшра азҭо амаҵзурақәа зҳәаз еиԥш, еилахәны, еилацәажәаны ирыӡбар рылшоит, иҳацәмаҷу аимадара ауп, уи хабалакгьы уадаҩрас иҟоуп", - иҳәеит Џьопуа.

Гәдоуҭа араион акоммуналтә усбарҭа аиҳабы Феликс Сымсым ицәажәаран азҵаара шьаҭанкыла ӡбашьас иҟоу арахә ақалақьқәа рҿы хылаԥшрада имныҟәаларц ишьны рықәгара ауп ҳәа азгәеиҭеит. Гал араион ахада ихаҭыԥуаҩ Беслан Емырхәба дазааҭгылеит араион аҟны ари азҵаара ишазнеиуа атәы.
Иаҳа инарҭбааны аицәажәара аудиофаил аҟны ишәаҳар шәылшоит.

14

Аԥсны асанитартә ҳақьым хада: Қырҭтәылантә аковид Аԥсныҟа иҭаргалоит ҳәа аҳәара ҵаҵӷәыдоуп

5
(ирҿыцуп 19:37 24.09.2021)
Аҵыхәтәантәи адыррақәа рыла Аԥсны акоронавирус зцәа иаланы иаадырԥшыз ауаа рхыԥхьаӡара 27 нызқь иахысуеит. Ргәы бзиахахьеит 22107-ҩык ауааԥсыра, амедицинатә усбарҭақәа рыҟны рыԥсҭазаара иалҵхьеит 410-ҩык.

АҞӘА, цәыббра 24 – Sputnik. Қырҭтәылантә аҿкчымазара Аԥсныҟа иҭаргалоит ҳәа аҳәара ҵаҵӷәыдоуп, лҳәеит арадио Sputnik аинтервиу азҭаз Аԥсны асанитартә ҳақьым хада Лиудмила Скорик.

"Аԥсны мрагыларатәи аҳәааҟны асанитар-карантинтә ҟәша еиҿкааны иҳамоуп. Иара иахәҭоу амедицинатә гәаҭаратә мыругақәа зегь рыла еиқәыршәоуп. Аус ауеит аԥхынра зегьы, аусуҩцәа еиқәыршәоуп антиген азы аекспресс-тестқәа рыла. Хымш инреиҳаны Апсны анҭыҵ иҟаз, аковид шрымам ала ашәҟәы зцым зегьы атестқәа ҟарҵоит", - лҳәеит Скорик.

Иара убасгьы иазгәалҭеит, Қырҭтәылеи Аԥсни рҳәааҟны ауаа рацәа шахысуа, аха уи ишаанамго аҭагылазаашьа цәгьоуп ҳәа.

Аҵыхәтәантәи амзақәа рзы Гал араион аҿкчымазара зыхьуа рхыԥхьаӡара шыҟац иаанхоит иацымлаӡацт, ҳәа азгәалҭоит аҳақьым хада.

"Гал араион иаланхо егьырҭ араионқәа руааԥсыра реиԥш, ауаа рацәа злахәу аԥсрақәа, аиныхрақәа, аҭацаагара зҳәаз реиԥш аусмҩаԥгатәқәа мҩаԥыргоит. Ари иаҳа Аԥсны аепидемиологиатә ҭагылазаашьа ашәарҭара иҭанаргылоит, Гал араион ауааԥсыра Жәыргьыҭ араион раҭаара аасҭа",- лҳәеит Скорик.

Убри аан иазгәалҭеит, Аԥсны ауааԥсыра иҷыдоу амедицинатә цхыраараз Қырҭтәылаҟа ицо рхыԥхьаӡара ишазҳаз.

"COVID-19 аҟынтә зҽацәыхьчатәу Қырҭтәыла аҽыхәшәтәра аҟынтәи ихынхәыз роуп, урҭ ачымазара ахьыҟоу иҟан аҟынтәи иаҳа ашәарҭара рыцзар ауеит", -  лҳәеит лара.

Уаанӡа, Гал араион асанитартә ҳақьым хада инапынҵақәа назыгӡо Георги Қобалиа Sputnik иеиҭаз аинтервиу аҟны иҳәахьан Аԥсни Қырҭтәылеи рҳәааҿ аԥкрақәа рырӷәӷәара шхымԥадатәиу.

5