Аиба Ақыҭанхамҩатә институт иаиуз атехниказы: ашәырааӡаратә программахь ҳгьежьит

23
(ирҿыцуп 11:36 21.08.2021)
Урыстәыла ақыҭанхамҩа аминистрра Аԥсны ақыҭанхамҩатә институт ҳамҭас ианаҭеит адгьыл ақәаарыхразы 53 ак иҷыдоу атехника. Иарбан хкқәоу, урҭ хархәарас ироуа, насгьы аус рыдызуло атәы арадио Sputnik аефир аҟны еиҭиҳәеит Ақыҭанхамҩатә институт аиҳабы Лиосик Аиба.
Атәылауаҩи аиҳабыреи: Аиба Ақыҭанхамҩатә институт иаиуз атехника атәы

Урыстәыла ақыҭанхамҩа аминистрра Аԥсны ақыҭанхамҩа аинститут нанҳәа 17 рзы ианаҭеит 50 цыра инацны атехника: атрактор маҷқәа, ацәеихақәа, агидравликатә цраҳәақәа, акультиваторқәа. Аԥсны ақыҭанхамҩа аминистр иажәақәа рыла, атехникатә хархәагақәеи амашьынақәеи рсиа уаанӡа ишьақәырӷәӷәан. Урыстәылатәи аган аҭыжьыҩцәа рҿы атехника ҿанаҵеит, иҟоуп ҷыдала еибыҭазгьы. Шәача атехника анеибырҭа ашьҭахь Аԥсныҟа иааган.

"2011 шықәса инаркны ақыҭанхамҩа аминистрреи ҳареи аиқәшаҳаҭра ҳабжьаҵаны аинвестициатә программа еицынаҳагӡон. Ҳара ҳнапы ианын наукала адгьыл ҭҵааны аиҭаҳатә ааӡара, аиҿкааратә усурақәа аминистрра анапы ианын. Ишыздыруа ала, даара ицәгьамкәа аус ун 2014 шықәса рҟынӡа. 1400 гектар быжь раионк рҟны 50 бригада еиҿкааны аиҭаҳатә иахьанаалоз иҳааӡеит. Иалҳхит иреиӷьу ацитрус, абас еихша-еихшаны еицыҟало: араса, аҵәа, абҳәа, абҳәаса, атама, ажь, акиви. Ҳшәырааӡарҭа 30 десҭын аҵанакуан ҩ-раионк рҟны: Тҟәарчал, Гәылрыԥшь. 2014 шықәсанӡа ҳаннеи, миллионк рҟынӡа аиҭаҳатә ҳааӡеит. Анҭыҵынтә иаауго аиҭаҳатә ҟамлар, нас узазҵаауада? Абригьы ихадоу усуп", - иҳәеит Аиба.

Инеиҵыху аицәажәара аудиофаил аҟны.

Иара убас шәаԥхьар ҟалоит:

23

Ҳазлацәажәаша ҳамоуп: Агәхаа ашколхәыҷқәа рымш ииашаны ашьақәыргылара иазкны

20
(ирҿыцуп 16:09 18.09.2021)
Аҟәатәи афбтәи абжьаратә школ апсихолог Алиса Агәхаа арадио Sputnik аефир аҿы еиҭалҳәеит ашколхәыҷқәа рымш аиҿкаараҿы хшыҩзышьҭра зҭатәу, насгьы аҩбатәи, ахԥатәи амшԥҵәаҿы аҵара зҵо рымш шьақәдыргылар шахәҭоу атәы.
Ҳазлацәажәаша ҳамоуп: Агәхаа ашколхәыҷқәа рымш ииашаны ашьақәыргылара иазкны

"Ахәыҷы дмаапсартә еиԥш, убри аан дызҿу зегьы игәы ахымшәартә еиԥш аҟаҵара алыршахоит, зегьы актәи асменаҿы аҵара рҵалар. Аха аҩбатәи асменаҿы иҟоу ахәыҷқәа иага ирҭахызаргьы аҽазыҟаҵарақәа, идыргәаҟуеит. Аҭаацәа ирылшо аасҭа ирыдырцалоит. Усгьы дааԥсаны даауеит ахәыҷы, аҩбатәи асмена аҟынтә, анаҩс еиҭа аҽазыҟаҵарақәа рахь дрышьҭуеит. Уи иара ицәыцәгьоуп, аха аҭаацәа аҵарадырра иҭара ахьырҭаху аҟынтә, дара рцәаныррақәа ртәы ианазымҵаауагьы ыҟоуп. Убри даара ахәыҷқәа ирныԥшуеит, нас стрессны ирхыргоит. Уи иахылҿиаауа анаҩс ирацәоуп. Ашкол аҿгьы рхы даҽакала иаадырԥшуа иалагоит, агәамбзиарагьы шьҭырхуеит. Уи зегьы ирхырго ааԥсароуп изыхҟьо", - ҳәа еиҭалҳәеит Агәхаа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

20

Зус иазҟазоу: Лашәриа аонлаин-цәыргақәҵа "Аиҟәгара аҟазара"иазкны

5
(ирҿыцуп 12:17 18.09.2021)
Аонлаин цәыргақәҵа "Аиҟәгара – аҟазара" алахәыла Беслан Лашәриа арадио Sputnik аефир аҟны еиҭеиҳәеит ас еиԥш аформат дшазнеиз, ицәыригаз иусумҭаҟны иаарԥшу, иахьазы аус здиуло атәы.
Зус иазҟазоу: Лашәриа аонлаин цәыргақәҵа "Аиҟәгара – аҟазара" иазкны

"Аиҟәгара – аҟазара" ахьӡуп аинформациатә агентра Sputnik, Аԥсны асахьаҭыхыҩцәа реидгылеи, Асахьаҭыхратә цәыргақәҵатә зал хадеи еицеиҿыркааз онлаин-цәыргақәҵа. Уи шәахәаԥшыр шәылшоит Sputnik асаит аҿы.

"Аонлаин-цәыргақәҵа аҟны иӡырзгаз сусумҭақәа азнеишьа ҿыц рымам уҳәар алшоит, тема хадас еиҳарак иҟоу ақалақь ахаҿра еиуеиԥшым аганқәа рыла аарԥшра. Ҳәара аҭахума гәахәала сазнеит( аформат азы- азгәаҭа), избанзар уажәы ацәыргақәҵақәа реиҿкаара азин ыҟам. Иамуӡозар аонлаин-цәыргақәаҵала асахьақәа ауаа дырбара гәахәала исыдыскылеит. Иҭухыз аӡәгьы имырбакәа, уара уадтәаланы акәымкәа, ауаа ргәаанагара анырҳәо, уи асахьаҭыхҩы изы акраҵанакуеит", - ҳәа азгәеиҭеит Лашәриа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

5
Cоревнования по парашютному спорту открылись в Абхазии

Аԥсны иаатит апарашиуттә спорт азы аицлабрақәа

13
(ирҿыцуп 20:30 18.09.2021)
Апарашиуттә спорт азы Асовет Еидгыла аветеранцәеи, аибашьратә хҭысқәа рветеранцәеи, Урыстәыла аҳаиртә парашиутистцәеи рыбжьара ҩажәи хԥантәуп аицлабрақәа мҩаԥысуеижьҭеи.

АҞӘА, цәыббра 18 - Sputnik, Наала Гәымԥҳа. Бабышьра аҳаир баӷәазаҿ асабша цәыббра 18 рзы иаатыит жәларбжьаратәи апарашиуттә спорт азы аицлабрақәа.

Аицлабра иалахәыз гхада зықьметра ажәҩан аҟынтәи адгьыл аҟны ииашаны итәар акәын.

© Sputnik / Томас Тхайцук
Аԥсны иаатит апарашиуттә спорт азы аицлабрақәа
"Иахьатәи аицлабрақәа ирылаҳәуп 50-ҩык инарзынаԥшуа Урыстәыла, Белоруссиа, Казахстан рҟынтәи апарашутистцәа.  Молдавиантә асасцәа ҳарзыԥшын, аха апандемиа иахҟьаны изымааит", - иҳәеит аӡбаҩ хада Анатоли Сырныч.

Цәыббра 21 рзы Аҟәа ақалақь Аиааира ашҭаҿ имҩаԥгахоит ачемпионат ахыркәшара.

"Афинал аҟны иқәгылоит зегь иреиӷьхо апарашиутистцәа. Зынӡа х-хәҭакны еихшахоит. Амшқәа бзиахар аԥара азгәаҭоуп Тҟәарчал", - ҳәа азгәеиҭеит аӡбаҩ хада.

Сынтәа ари аицлабра раԥхьаӡа акәны рхы аладырхәуеит Аԥсны еиҿкаау акоманда, уи ӡырнагоит ҩышықәса раԥхьа еиҿкааз аекстремалтә клуб "Skycom”

"Хәҩык рыла ишьақәгылоу Аԥснытәи акоманда еиҿаҳкааит сынтәа раԥхьаӡакәны", - ҳәа азгәеиҭоит аклуб анапхгаҩы Адреи Орлов.
Аԥснытәи акоманда акапитан Светлана Илина илҳәеит, ачемпионат аҟны Аԥсны раԥхьаӡакәны ишалахәхо, убри аҟнытә рҭакԥхықәрагь шыҳараку. Аспортсменцәа рақәзар ирылшо зегь шыҟарҵо алҵшәа бзиақәа аарԥшразы.

© Sputnik / Томас Тхайцук
Аԥсны иаатит апарашиуттә спорт азы аицлабрақәа

Аицлабыҩцәа рыбжьара раԥхьатәи алҵшәа бзиа аалырԥшит "Сибирь" акоманда алахәыла Елена Тарасова.
"Сара 1985 шықәса раахыс апарашиуттә спорт сҽазыҟасҵоит. Аԥсныҟа есышықәса саауеит, аицлабрақәа зегьы срылахәуп. Иахьа амш бзиа иаҳнаҭеит алшара ҳхы бзианы аарԥшра", -ҳәа лҳәоит лара.

Аицлабра актәи амш азы акомандақәа зегьы хәынтә-хәынтә зықьметра иԥароуп.

13