Џьыкырԥҳа Баҭал Гәынба изы: ԥсабарала иҭынчыз, аха ихатәраз, иҵаулаз, адырра ду змаз уаҩын

32
(ирҿыцуп 11:46 26.08.2021)
COVID-19 иахҟьаны иԥсҭазаара далҵит С. Дбар ихьӡ зху Аҧсны жәлар рџьынџьтәылатә еибашьра амузеи адиректор Баҭал Гәынба. Амузеи аиҳабы ихаҭыҧуаҩ Гәыгәыца Џьыкырҧҳа арадио Sputnik аефир аҿы илҳәеит Баҭал Гәынба еснагь аԥсҭазаараҿы инапы злакыз зегьы аԥсуара шырхыҳәҳәоз.

Џьыкырԥҳа Бадра Гәынба изы: ԥсабарала иҭынчыз, аха ихатәраз, иҵаулаз, адырра ду змаз уаҩын
"Аԥсны аҭоурых адаҟьақәа зегьы дрылахәын зынӡа дышқәыԥшызгьы. Гәыла-ԥсыла даԥсыуан, ԥсуаҵасла дныҟәон, дхәыцуан. Имҩаԥигоз зегьы аԥсуара рхыҳәҳәон. Иара Асовет аамҭазы акоммунистцәеи аҿареи ирымаз аиҿагыларақәа уҳәа дрылахәын. Ԥсабарала иҭынчыз, аха ихатәраз, иҵаулаз, адырра ду змаз уаҩын. Иара иҳәамҭақәа иқәгыларақәа рзыӡырҩра еснагь аинтерес рыман. Иара ихаҭа ахаан ихы цәырган, иҟасҵаз ҳәа иӡыригомызт. Жәлар рфорум аиҿкаара ианалага, иара Жәындрыԥшь ақыҭан ахеилак хантәаҩыс даман. Баҭал Гәынба аибашьра раԥхьатәи амш инаркны еибашьра дцеит. Ахәра ӷәӷәа аниоу иԥсы аанхаӡом ҳәа рҳәон, адаш иақәшәеит ахы, ашьа рзаанкылаӡомызт, аха Питернтә иааз аԥҟаҩы иԥсы еиқәирхеит. Аҵыхәтәантәи ажәылара далахәхартә аҭагылазаашьа имоуит, ишьапы данақәгыла аибашьра нҵәахьан, аха иара дцоит Кохәор шықәсык аҳәаахьчара. Иара иҿцәажәара анысҵар иуӡомызт, иҭахымызт ахӡыргара. Ҳмузеи 30 шықәса аныхаҵуаз мчыла далагаланы аметериал хәыҷык еизаҳгеит", - ҳәа еиҭалҳәеит Џьыкырԥҳа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

32

Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

6
(ирҿыцуп 18:02 27.09.2021)
Цәыббра 27 Аҟәа ахақәиҭтәра иамшуп. Аԥсны аџьынџьтәылатә еибашьра аветеранцәа Борис Саџьаҭиԥа, Нанули Минаиаԥҳа, Емма Инаԥшьԥҳа иргәаладыршәеит аибашьра иадҳәалоу ахтысқәа, Аҟәа ахақәиҭтәразы ажәылара.
Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

Аԥсны Аџьынџьтәылатә еибашьраан еиҿкааз ажәыларақәа ирхадаз иалҵшәахеит 1993 шықәса,цәыббра 27 рзы Аҟәа ахақәиҭтәра. Уи аҽны аԥсуаа рыр Аҟәа агәы иалалеит ,Аԥсны Аҳәынҭқарра абираҟ Аминистрцәа реилазаара ахыбра иахашәыршәырит, аҳҭнықалақь ахы иақәиҭтәхеит.

Аибашьра зхызгаз амедеҳәшьцәа Аҟәа аҳақәиҭтәра иалахәыз Агәымшәараз амедал занашьоу Нанули Саманџьиаԥҳаи , Леон иорден занашьоу Емма Инаԥшьԥҳаи Аџьџнџьтәылатә еибашьра аветеран , Агәымшәараз амедал занашьоу Борис Саџьаҭиԥеи ргәалашәарақәа ртәы еиҭарҳәеит арадио Sputnik аефир аҟны.

 

6

Партанаӡе аибашьра ахҭысқәа рзы: ҳаԥсы ахьынӡаҭоу ҳгәаҵаҟны иҟоуп

16
(ирҿыцуп 14:42 27.09.2021)
Леон иорден занашьоу, ахы иақәиҭны ақәԥара аҿар азыҟазҵо, СССР аспорт азҟаза Џьон Партанаӡе арадио Sputnik аефир аҟны игәалаиршәеит аибашьра ахҭысқәа.
Партанаӡе аибашьра ахҭысқәа рзы: ҳаԥсы ахьынӡаҭоу ҳгәаҵаҟны иҟоуп

"Ари (аибашьразы-азгәаҭа) ҳара ҳаԥсы ахьынӡаҭоу есқьынагьы ҳгәаҵаҟны иҟазаауеит…Ҳазлаз агәыԥ ашьха-хысратә рота акәын, напхгара аиҭон Лиосик Цыгәба.

Ажәыларақәа ыҟан акымкәа-ҩбамкәа. Ҩада Ешырантәи ҳалбааны Уазабаа, Ахалшениа, аӡфымцастанциа аума, Одишьа, 920-тәи аҳаракыра, Ҩада Кьалашәыр, убас ауп Аҟәа ҳагьшалалаз. Аамҭак-аамҭак рыман зегьы, ҽнакала иҭаурцәоз акәымызт, ишәатәын-изатәын. Шрома (Гәыма ду) раԥхьатәи ажәылара ыҟан абҵара 3 рзы, ҳаибашьратә мҩа уамаӡак аԥышәа амамкәа ҳаиҵазырхоз аусқәа ҟалеит, насгьы аӷа имч ӷәӷәан.

Уаҟа иҟаз ҳгәыԥ мацара акәымызт, 300-400 –ҩык ыҟан, ҳаибадыруагьы ҳаҟамызт. Убра иаҳнарбеит аӷа дазусҭаз, иарбџьарымчқәа шыӷәӷәаз. Убраантәи зыԥсы ҭаны иалҵыз иахьа уажәраанӡагьы ҳазхәыцуеит ҳазлалҵи ҳәа. Иаҳбон дара ртехника иҟанаҵоз, ҳара аҟәара ҳақәыԥсаны ҳаанхеит. Реибашьыгатә ҳаирпланқәа ҳхагыланы рџьаԥҳаны зегьы ҳаларҵон, рыбзарбзанқәа, ртанкқәа зегьы ҳаихсуан. Ҳара хԥа-ԥшьба БМП ҳаман, ус ҳгәы иаанагон ҳара ҳаҟара иӷәӷәоу ыҟамызшәа. Уи ажәылараҟны аџьабаа ҳдырбеит", - ҳәа игәалаиршәеит Партанаӡе.

Иаҳа инарҭбааны аицәажәара аудиофаил аҟны.

16