Атәылауаҩи аиҳабыреи: Харчлаа Аҟәа ақалақьтә еизара абызшәазы азакәан шынанагӡо

428
(ирҿыцуп 11:50 29.08.2021)
Аҟәа ақалақьтә еизара ахантәаҩы Иракли Харчлаа арадио Sputnik аефир аҟны еиҭеиҳәеит адепутатцәа Аҟәатәи аинфекциатә хәшәтәырҭа ишацхрааз, иара убасгьы аилатәарақәа аԥсышәала ишымҩаԥырго атәы.
Атәылауаҩи аиҳабыреи: Харчлаа Аҟәа ақалақьтә еизара абызшәазы азакәан шынаныгӡо

"…Ҳбызшәа шымариам зегьы иаҳдыруеит. Ушыхәаҷу ианузгәнымкыла, нас уаныҩеидаслак, аҵара цәгьоуп. Ус шакәугьы ҳаилатәарақәа зегьы аԥсышәала иааҳартуеит, амшхәаԥштә ԥсышәала ҳалацәажәоит, аха аизара иалахәу аԥсшәа ззеилымкаауа ыҟоуп. Уи иахҟьаны ҳаилатәарақәа ахы инаркны аҵыхәанӡа аԥсышәала иаҳзымҩаԥгом, аха шьаҿа-шьаҿала иҳамоу аамҭа иацаҳҵоит", - иҳәеит Харчлаа.

Шәазыӡырҩы аудио.

428

Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

7
(ирҿыцуп 18:02 27.09.2021)
Цәыббра 27 Аҟәа ахақәиҭтәра иамшуп. Аԥсны аџьынџьтәылатә еибашьра аветеранцәа Борис Саџьаҭиԥа, Нанули Минаиаԥҳа, Емма Инаԥшьԥҳа иргәаладыршәеит аибашьра иадҳәалоу ахтысқәа, Аҟәа ахақәиҭтәразы ажәылара.
Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

Аԥсны Аџьынџьтәылатә еибашьраан еиҿкааз ажәыларақәа ирхадаз иалҵшәахеит 1993 шықәса,цәыббра 27 рзы Аҟәа ахақәиҭтәра. Уи аҽны аԥсуаа рыр Аҟәа агәы иалалеит ,Аԥсны Аҳәынҭқарра абираҟ Аминистрцәа реилазаара ахыбра иахашәыршәырит, аҳҭнықалақь ахы иақәиҭтәхеит.

Аибашьра зхызгаз амедеҳәшьцәа Аҟәа аҳақәиҭтәра иалахәыз Агәымшәараз амедал занашьоу Нанули Саманџьиаԥҳаи , Леон иорден занашьоу Емма Инаԥшьԥҳаи Аџьџнџьтәылатә еибашьра аветеран , Агәымшәараз амедал занашьоу Борис Саџьаҭиԥеи ргәалашәарақәа ртәы еиҭарҳәеит арадио Sputnik аефир аҟны.

 

7

Партанаӡе аибашьра ахҭысқәа рзы: ҳаԥсы ахьынӡаҭоу ҳгәаҵаҟны иҟоуп

16
(ирҿыцуп 14:42 27.09.2021)
Леон иорден занашьоу, ахы иақәиҭны ақәԥара аҿар азыҟазҵо, СССР аспорт азҟаза Џьон Партанаӡе арадио Sputnik аефир аҟны игәалаиршәеит аибашьра ахҭысқәа.
Партанаӡе аибашьра ахҭысқәа рзы: ҳаԥсы ахьынӡаҭоу ҳгәаҵаҟны иҟоуп

"Ари (аибашьразы-азгәаҭа) ҳара ҳаԥсы ахьынӡаҭоу есқьынагьы ҳгәаҵаҟны иҟазаауеит…Ҳазлаз агәыԥ ашьха-хысратә рота акәын, напхгара аиҭон Лиосик Цыгәба.

Ажәыларақәа ыҟан акымкәа-ҩбамкәа. Ҩада Ешырантәи ҳалбааны Уазабаа, Ахалшениа, аӡфымцастанциа аума, Одишьа, 920-тәи аҳаракыра, Ҩада Кьалашәыр, убас ауп Аҟәа ҳагьшалалаз. Аамҭак-аамҭак рыман зегьы, ҽнакала иҭаурцәоз акәымызт, ишәатәын-изатәын. Шрома (Гәыма ду) раԥхьатәи ажәылара ыҟан абҵара 3 рзы, ҳаибашьратә мҩа уамаӡак аԥышәа амамкәа ҳаиҵазырхоз аусқәа ҟалеит, насгьы аӷа имч ӷәӷәан.

Уаҟа иҟаз ҳгәыԥ мацара акәымызт, 300-400 –ҩык ыҟан, ҳаибадыруагьы ҳаҟамызт. Убра иаҳнарбеит аӷа дазусҭаз, иарбџьарымчқәа шыӷәӷәаз. Убраантәи зыԥсы ҭаны иалҵыз иахьа уажәраанӡагьы ҳазхәыцуеит ҳазлалҵи ҳәа. Иаҳбон дара ртехника иҟанаҵоз, ҳара аҟәара ҳақәыԥсаны ҳаанхеит. Реибашьыгатә ҳаирпланқәа ҳхагыланы рџьаԥҳаны зегьы ҳаларҵон, рыбзарбзанқәа, ртанкқәа зегьы ҳаихсуан. Ҳара хԥа-ԥшьба БМП ҳаман, ус ҳгәы иаанагон ҳара ҳаҟара иӷәӷәоу ыҟамызшәа. Уи ажәылараҟны аџьабаа ҳдырбеит", - ҳәа игәалаиршәеит Партанаӡе.

Иаҳа инарҭбааны аицәажәара аудиофаил аҟны.

16