Кәыбраа арҵаҩцәа COVID аҟынтә алаҵа рзыҟаҵаразы: рацәак ирҭахым

23
(ирҿыцуп 14:56 31.08.2021)
Аҟәатәи 13-тәи ашкол аиҳабы Лариса Кәыбраа арадио Sputnik аефир аҿы еиҭалҳәеит аӡхыҵра ашкол ианаҭаз аԥхасҭа ашьҭахь аҵаратә процесс алагара иахьынӡазыхиоуи, арҵаҩцәа COVID аҟынтә алаҵа аҟаҵара ишазыҟоуи атәы.
Кәыбраа арҵаҩцәа COVID аҟынтә алаҵа рзыҟаҵаразы: рацәак ирҭахым

Нанҳәа 15 - 16 рзы Аҟәа ақәаршҩы ӷәӷәа леит, аҳҭнықалақь агәы, Турбаза араион, амҩақәа аԥхасҭа ӷәӷәа роуит.

"Иахьынӡалшоз ашкол аҩныҵҟа рыцқьоуп, ашҭагьы убас. Аҩнымаҭәа аҟынтә ибжьысыз арҵаҩцәа рыстлоқәеи ашколтә маҭәахәқәа зҭарҵоз ашкафқәеи роуп. Ибжьысит ҳдокументқәагьы. Уажәы аҵарашықәс алагаразы актәи аихагылаҿы иҟаз аклассқәа ааныжьны аҩбатәии ахԥатәи аихагылахь ихаҳгалеит, аҵаратә процесс алагаразы аҭагылазаашьа ҳамоуп. Иҳагу амаругақәа рзы асиа еиқәыршәаны аҵара усбарҭаҿы иҟоуп, ҳазыԥшуп ианҳауа ҳәа. Егьыс, ахәыҷқәа зхаҳартәо апартақәеи аҟәардщқәеи еиқәыршәаны иҳамоуп. Адокументқәа ракәзар, урҭ зегьы ҿыц еиқәыршәаны иҟаҵатәхоит", - ҳәа еиҭалҳәеит Кәыбраа.
Ашкол аиҳабы лажәақәа рыла арҵаҩцәа абжеиҳараҩык COVID - ачымазара рхыргахьеит, иахьазы аӡәгьы имаӡам, ҳәа азгәалҭеит лара. Убри аан илҳәеит, арҵаҩцәа рахьынтә алаҵа ҩыџьа заҵәык шраку иҟазҵахьоу, егьырҭ рацәак ирҭахым, ҳәа азгәалҭеит.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәазыӡырҩыр ҟалоит:

23

Хра злоу ахҭысқәа: Хәытаба Ҭырқәтәылеи Аԥсни инхо аԥсуаа реимадара иазкны

3
(ирҿыцуп 14:33 23.09.2021)
Арепатриациазы аҳәынҭқарратә хеилак ҳџьынџьуаа рымадаразы аҟәша аиҳабы Инал Хәытаба арадио Sputnik аефир аҿы дазааҭгылеит Ҭырқәтәылеи Аԥсни иҟоу аҿар реимадаразы имҩаԥырго апроект атәы, еиҭеиҳәеит, ҳџьынџьуаа рҭоурыхтә ԥсадгьыл ахь рырхынҳәразы ицо аусура атәы.
Хра злоу ахҭысқәа: Хәытаба Ҭырқәтәылеи Аԥсныи инхо аԥсуаа реимадара иазкны

"Аԥсныҟа ахынҳәразы ҳкомитет еиуеиԥшым апроектқәа ҟарҵоит, урҭ ируакуп ҳҿар Ҭырқәтәылантәи Аԥсныҟа иааны ААУ аҟны аҵара дырҵара. Уи азын ауниверситет аректор Алеко Гәарамиа иаҳҳәеит, иара даара игәы иаахәеит абри аҩыза апроект атәы аниаҳа. Адгылара шаиҭо атәы ҳаиҳәеит.

Арахь иаауа абызшәа рыздырӡом, убри азы раԥхьатәи ашықәс аԥсуеи аурыс бызшәақәеи дырҵаразы акурсқәа аадыртуеит. Абызшәазы аԥышәарақәа анарҭалак, иалырхаз азаанаҭ ала иахыԥхьаӡалахоит.

Ҭырқәтәылатәи ҳдиаспора ари даара ргәы иаахәеит. Иаарц зҭаххазгьы даара ирацәаҩхеит, аха зегьы зымааӡеит, избанзар, атәылауаҩшәҟәы аиура цәгьоуп. Уажәазы 9-ҩык рсиа ҳамоуп. Руаӡәы ахԥатәи акурс аҿы аҵара иҵон, аха абри аҩыза алшара ыҟоуп ҳәа аниаҳа, Ҭырқәтәыла аҵара ахьиҵоз ауниверситет ааныжьны Аԥсныҟа даауеит", - ҳәа еиҭеиҳәеит Хәытаба.

Инеиҵыху аиҿцәажәара шәазыӡырҩыр шәылшоит аудиофаил аҿы.

3
Заур Шалашаа

Шьалашьа абылтәы аквотақәа реизырҳаразы: мааҭк акәзаргьы ахәгьы рзыларҟәыр, бзиахон

5
(ирҿыцуп 10:46 23.09.2021)
Иабанӡаныԥшуа ҳекономика абылтәы азы аквота ҿыцқәа рышьақәыргылара, абылтәы-кризис алҵраҟны иабанӡацхыраагӡахо, абри азы игәаанагара иҳәеит аекономикеи азини ринститут адиректор Заур Шьалашьаа.
Шьалашьа абылтәы азы аквотақәа реизырҳаразы: мааҭк акәзаргьы ахәгьы рзыларҟәыр, ибзиахон

Москва Аԥкаанҵа анапы аҵаҩуп Урыстәылантәи Аԥсныҟа баџьда иаларгало анефҭаалыҵқәа рхышәаҵышәа азырҳаразы. Аԥкаанҵа инақәыршәаны Урыстәыла аенергетика аминистрреи Урыстәыла аекономикатә ҿиара аминистрреи Аԥсны Аҳәынҭқарра аекономика аминистрреи 2021 шықәсазтәи аквота ҿыцқәа шьақәдыргылеит.

"Ишызбо ала аҳәынҭқарра уи ала иаӡбеит ҳәа сыԥхьаӡоит атәылаҿы абылтәы аганахьала иҟаз ауадаҩрақәа. Аха уи шыҟалоз ҳәақәгәыӷуамызт ҳәа ирҳәо уи ааҟара садгылаӡом, избанзар, абри зегьы шыҟалоз ҳара азԥхьагәаҭара ҳасабала заа иҟаҳҵар акәын ҳәа сгәы иаанагоит.

Уи ашьҭахь ҽа зҵаарак цәырҵуеит. Убраантә ахә иацымло ианыҟала, ара ишԥаҟало ахә абылтәы азы ишьақәгылан иҟоу. Аха уажәы ишьақәгылан иҟоу, ишагымхо ҳәа сгәы иаангоит, убри аан уаҳа иацымло ҳәа ауп агәыӷра шсымоу. Аквотақәа реиҳатәра ажәлар ирыхәоит, иага уҳәаргьы абылтәы ыҟамкәа иахьа анеи-ааира уи шыцәгьоу еилаҳкаауеит зегьы.

Аквотақәа еиҳатәны ахәқәагьы еиҭарыхәаԥшыр, мааҭк иадымхаргьы, 53 рҟнытә 52 мааҭ ахь ирзааргар, уи ажәлар ибзиан ахә ршьоит", - ҳәа еиҭеиҳәеит Шьалашьаа.

Инеиҵыху аиҿцәажәара шәазыӡырҩыр шәылшоит аудиофаил аҿы.

5