Гурам Амкуаб

Аԥсны еицырдыруа ахьыӡқәа: Гәырам Амқәаб 70 шықәса ихыҵра иазкны

32
Аԥсны зҽаԥсазтәыз ажурналист, ателехәаԥшра арежиссиор, ААУ ажурналистика акафедра аиҳабы, афилософиатә ҭҵаарадыррақәа рдоктор, Ахьӡ-аԥша аорден III аҩаӡара занашьоу, Гәырам Амқәаб ииубилеи ыҟоуп.
Аԥсны еицырдыруа ахьыӡқәа: Гәырам Амқәаб 70 шықәса ихыҵра иазкны

70-шықәса зхыҵыз аиубилиар арадио Sputnik аефир аҿы диҿцәажәон Алхас Манаргьиа. Гәырам Амқәаб игәалаиршәеит аибашьра ашьҭахь ателехәаԥшра ашьақәгылара аус шцоз, уи аԥхьа имҩаԥигоз иҭҵааратә усура, еиҭеиҳәеит изымыҿиаз игәҭакқәа ртәы.

"Сара акандидатә диссертациа сыхьчеит 1992 шықәса рзы, исыхҵан аҭоурыхтә ҭҵаарадыррақәа ркандидат ҳәа ахьӡ. Уи ашьҭахь азин сыман адоктортә диссертациа аҩра. Аха аибашьра ианалага смаар ҟамлеит. Сааит. Усҟан атәыла ахада иҿы апресс-маҵзура анапхгара асҭон. Сара ашәҟәы аҭыжьра салагахьан "Абхазия. Хроника необъявленной войны". Шәҟәык ҟаҵан, нас аҩбатәи салагеит, аха ааԥын 1993 шықәса рзы сымцар ада ԥсыхәа ҟамлеит Москваҟа. Атәыла ахада иҳәеит ари ашәҟәы ишацҵатәу, убри аус саҿын. Аибашьра иаалгаанӡа ԥшь-томк ҭыҵхьан. Аибашьра анеилга схынҳәит академиахь, сҵара адокторантураҿы иаҵысҵон. Аха еиҭа Аԥсныҟа схынҳәит, аамҭала аԥсуа телерадиоеилахәыра аибашьра ашьҭахь ашьақәгылараҿы ацхыраара ҟасҵарцаз. Ус аара сгәы иҭаӡамызт, избанзар сара планс исыман Германиа ацара, уа аматериалқәа реизгара. Аха Аԥсныҟа ианаатәха уи атема ыӡит. Сара ҩба-хԥа мзы рыла аус уны сцарц сгәы иҭан, аха саанхеит иахьа уажәраанӡа…", - ҳәа игәалаиршәеит Амқәаб.

Инеиҵыху аиҿцәажәара шәазыӡырҩыр шәылшоит аудиофаил аҿы.

32

Ҳазлацәажәаша ҳамоуп: Агәхаа ашколхәыҷқәа рымш ииашаны ашьақәыргылара иазкны

20
(ирҿыцуп 16:09 18.09.2021)
Аҟәатәи афбтәи абжьаратә школ апсихолог Алиса Агәхаа арадио Sputnik аефир аҿы еиҭалҳәеит ашколхәыҷқәа рымш аиҿкаараҿы хшыҩзышьҭра зҭатәу, насгьы аҩбатәи, ахԥатәи амшԥҵәаҿы аҵара зҵо рымш шьақәдыргылар шахәҭоу атәы.
Ҳазлацәажәаша ҳамоуп: Агәхаа ашколхәыҷқәа рымш ииашаны ашьақәыргылара иазкны

"Ахәыҷы дмаапсартә еиԥш, убри аан дызҿу зегьы игәы ахымшәартә еиԥш аҟаҵара алыршахоит, зегьы актәи асменаҿы аҵара рҵалар. Аха аҩбатәи асменаҿы иҟоу ахәыҷқәа иага ирҭахызаргьы аҽазыҟаҵарақәа, идыргәаҟуеит. Аҭаацәа ирылшо аасҭа ирыдырцалоит. Усгьы дааԥсаны даауеит ахәыҷы, аҩбатәи асмена аҟынтә, анаҩс еиҭа аҽазыҟаҵарақәа рахь дрышьҭуеит. Уи иара ицәыцәгьоуп, аха аҭаацәа аҵарадырра иҭара ахьырҭаху аҟынтә, дара рцәаныррақәа ртәы ианазымҵаауагьы ыҟоуп. Убри даара ахәыҷқәа ирныԥшуеит, нас стрессны ирхыргоит. Уи иахылҿиаауа анаҩс ирацәоуп. Ашкол аҿгьы рхы даҽакала иаадырԥшуа иалагоит, агәамбзиарагьы шьҭырхуеит. Уи зегьы ирхырго ааԥсароуп изыхҟьо", - ҳәа еиҭалҳәеит Агәхаа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

20

Зус иазҟазоу: Лашәриа аонлаин-цәыргақәҵа "Аиҟәгара аҟазара"иазкны

5
(ирҿыцуп 12:17 18.09.2021)
Аонлаин цәыргақәҵа "Аиҟәгара – аҟазара" алахәыла Беслан Лашәриа арадио Sputnik аефир аҟны еиҭеиҳәеит ас еиԥш аформат дшазнеиз, ицәыригаз иусумҭаҟны иаарԥшу, иахьазы аус здиуло атәы.
Зус иазҟазоу: Лашәриа аонлаин цәыргақәҵа "Аиҟәгара – аҟазара" иазкны

"Аиҟәгара – аҟазара" ахьӡуп аинформациатә агентра Sputnik, Аԥсны асахьаҭыхыҩцәа реидгылеи, Асахьаҭыхратә цәыргақәҵатә зал хадеи еицеиҿыркааз онлаин-цәыргақәҵа. Уи шәахәаԥшыр шәылшоит Sputnik асаит аҿы.

"Аонлаин-цәыргақәҵа аҟны иӡырзгаз сусумҭақәа азнеишьа ҿыц рымам уҳәар алшоит, тема хадас еиҳарак иҟоу ақалақь ахаҿра еиуеиԥшым аганқәа рыла аарԥшра. Ҳәара аҭахума гәахәала сазнеит( аформат азы- азгәаҭа), избанзар уажәы ацәыргақәҵақәа реиҿкаара азин ыҟам. Иамуӡозар аонлаин-цәыргақәаҵала асахьақәа ауаа дырбара гәахәала исыдыскылеит. Иҭухыз аӡәгьы имырбакәа, уара уадтәаланы акәымкәа, ауаа ргәаанагара анырҳәо, уи асахьаҭыхҩы изы акраҵанакуеит", - ҳәа азгәеиҭеит Лашәриа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

5
Cоревнования по парашютному спорту открылись в Абхазии

Аԥсны иаатит апарашиуттә спорт азы аицлабрақәа

13
(ирҿыцуп 20:30 18.09.2021)
Апарашиуттә спорт азы Асовет Еидгыла аветеранцәеи, аибашьратә хҭысқәа рветеранцәеи, Урыстәыла аҳаиртә парашиутистцәеи рыбжьара ҩажәи хԥантәуп аицлабрақәа мҩаԥысуеижьҭеи.

АҞӘА, цәыббра 18 - Sputnik, Наала Гәымԥҳа. Бабышьра аҳаир баӷәазаҿ асабша цәыббра 18 рзы иаатыит жәларбжьаратәи апарашиуттә спорт азы аицлабрақәа.

Аицлабра иалахәыз гхада зықьметра ажәҩан аҟынтәи адгьыл аҟны ииашаны итәар акәын.

© Sputnik / Томас Тхайцук
Аԥсны иаатит апарашиуттә спорт азы аицлабрақәа
"Иахьатәи аицлабрақәа ирылаҳәуп 50-ҩык инарзынаԥшуа Урыстәыла, Белоруссиа, Казахстан рҟынтәи апарашутистцәа.  Молдавиантә асасцәа ҳарзыԥшын, аха апандемиа иахҟьаны изымааит", - иҳәеит аӡбаҩ хада Анатоли Сырныч.

Цәыббра 21 рзы Аҟәа ақалақь Аиааира ашҭаҿ имҩаԥгахоит ачемпионат ахыркәшара.

"Афинал аҟны иқәгылоит зегь иреиӷьхо апарашиутистцәа. Зынӡа х-хәҭакны еихшахоит. Амшқәа бзиахар аԥара азгәаҭоуп Тҟәарчал", - ҳәа азгәеиҭеит аӡбаҩ хада.

Сынтәа ари аицлабра раԥхьаӡа акәны рхы аладырхәуеит Аԥсны еиҿкаау акоманда, уи ӡырнагоит ҩышықәса раԥхьа еиҿкааз аекстремалтә клуб "Skycom”

"Хәҩык рыла ишьақәгылоу Аԥснытәи акоманда еиҿаҳкааит сынтәа раԥхьаӡакәны", - ҳәа азгәеиҭоит аклуб анапхгаҩы Адреи Орлов.
Аԥснытәи акоманда акапитан Светлана Илина илҳәеит, ачемпионат аҟны Аԥсны раԥхьаӡакәны ишалахәхо, убри аҟнытә рҭакԥхықәрагь шыҳараку. Аспортсменцәа рақәзар ирылшо зегь шыҟарҵо алҵшәа бзиақәа аарԥшразы.

© Sputnik / Томас Тхайцук
Аԥсны иаатит апарашиуттә спорт азы аицлабрақәа

Аицлабыҩцәа рыбжьара раԥхьатәи алҵшәа бзиа аалырԥшит "Сибирь" акоманда алахәыла Елена Тарасова.
"Сара 1985 шықәса раахыс апарашиуттә спорт сҽазыҟасҵоит. Аԥсныҟа есышықәса саауеит, аицлабрақәа зегьы срылахәуп. Иахьа амш бзиа иаҳнаҭеит алшара ҳхы бзианы аарԥшра", -ҳәа лҳәоит лара.

Аицлабра актәи амш азы акомандақәа зегьы хәынтә-хәынтә зықьметра иԥароуп.

13