Парцхол-оглы ақыҭаҿы инхо аҳәса ирзырхоу апроект азы: ақыҭа ргәақәкра иазырхоуп

13
(ирҿыцуп 16:04 04.09.2021)
Очамчыра араион аҿы еиҿкаау Абжьыуаа рыҳәса рхеилак ахантәаҩы Порцхол-оглы Алла арадио Sputnik аефир аҿы еиҭалҳәеит ақыҭаҿы инхо аҳәса хықәкыла ирзеиҿкааз апроект атәы.

Раионк аԥсҭазаараҟынтә: Парцхол-оглы ақыҭаҿы инхо аҳәса ирзырхоу апроект иазкны
"2010 шықәса раахыс ахеилак еиҿкаауп. Аԥснытәи аҳәса рассоциациеи ҳареи ҳҽеимаданы аус еицаауан акраамҭа. Аха ҳара ҳхатә проек ҳамаӡамызт. Ари ашықәс иалагӡаны ҳара иҳауит аҭагылазаашьа ақыҭаҿы заа хаҵа ицаз, ахшара зауз, аха зхатә ус змамыз ҳрыцхраатә. Иалхын хә-қыҭак рҟынтәи иалԥшаан16-ҩык аҳәса. Дара акомпиутертә курсқәа ирхысит. Ԥшьҩы-ԥшьҩыла аҳәса еихшаны доусы ирҭахыз ахырхарҭала – ахцәыҟаҵара, ахәыҟаҵара, аӡахра, анацхыԥҟаҵара акурсқәа рзеиҿкаан. Иаҳҭахын рхы, рҭаацәа ныҟәыргартә еиԥш занааҭк рҽазыркырц, ақыҭаҿы даҽакала ирыхәаԥшыртә еиԥш аҟаҵара. Ус иагьыҟалеит. Даргьы иазгәарҭеит рыҽшырыԥсахыз. Аӡӷабцәа аҩнусқәа рыда акгьы иаҿӡамызт, рхы аӡыргара иашьҭамызт. Мчыбжьык ахь хынтә рҽеилаҳәа рҽеилаца ақалақь ахь ицәырҵуа ианалага, рҽырыԥсахит, рхықәкқәагьы зынӡа даҽакхеит", - ҳәа еиҭалҳәеит Порцхол-оглы.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

13
Заур Шалашаа

Шьалашьа абылтәы аквотақәа реизырҳаразы: мааҭк акәзаргьы ахәгьы рзыларҟәыр, бзиахон

5
(ирҿыцуп 10:46 23.09.2021)
Иабанӡаныԥшуа ҳекономика абылтәы азы аквота ҿыцқәа рышьақәыргылара, абылтәы-кризис алҵраҟны иабанӡацхыраагӡахо, абри азы игәаанагара иҳәеит аекономикеи азини ринститут адиректор Заур Шьалашьаа.
Шьалашьа абылтәы азы аквотақәа реизырҳаразы: мааҭк акәзаргьы ахәгьы рзыларҟәыр, ибзиахон

Москва Аԥкаанҵа анапы аҵаҩуп Урыстәылантәи Аԥсныҟа баџьда иаларгало анефҭаалыҵқәа рхышәаҵышәа азырҳаразы. Аԥкаанҵа инақәыршәаны Урыстәыла аенергетика аминистрреи Урыстәыла аекономикатә ҿиара аминистрреи Аԥсны Аҳәынҭқарра аекономика аминистрреи 2021 шықәсазтәи аквота ҿыцқәа шьақәдыргылеит.

"Ишызбо ала аҳәынҭқарра уи ала иаӡбеит ҳәа сыԥхьаӡоит атәылаҿы абылтәы аганахьала иҟаз ауадаҩрақәа. Аха уи шыҟалоз ҳәақәгәыӷуамызт ҳәа ирҳәо уи ааҟара садгылаӡом, избанзар, абри зегьы шыҟалоз ҳара азԥхьагәаҭара ҳасабала заа иҟаҳҵар акәын ҳәа сгәы иаанагоит.

Уи ашьҭахь ҽа зҵаарак цәырҵуеит. Убраантә ахә иацымло ианыҟала, ара ишԥаҟало ахә абылтәы азы ишьақәгылан иҟоу. Аха уажәы ишьақәгылан иҟоу, ишагымхо ҳәа сгәы иаангоит, убри аан уаҳа иацымло ҳәа ауп агәыӷра шсымоу. Аквотақәа реиҳатәра ажәлар ирыхәоит, иага уҳәаргьы абылтәы ыҟамкәа иахьа анеи-ааира уи шыцәгьоу еилаҳкаауеит зегьы.

Аквотақәа еиҳатәны ахәқәагьы еиҭарыхәаԥшыр, мааҭк иадымхаргьы, 53 рҟнытә 52 мааҭ ахь ирзааргар, уи ажәлар ибзиан ахә ршьоит", - ҳәа еиҭеиҳәеит Шьалашьаа.

Инеиҵыху аиҿцәажәара шәазыӡырҩыр шәылшоит аудиофаил аҿы.

5

Ферзба Тҟәарчал ашколқәа рҟны аҿкы азы аҭагылазаашьа зеиԥшроу еиҭеиҳәеит

15
Тҟәарчал араион аҵара аҟәша аиҳабы ихаҭыԥуаҩ Даур Ферзба арадио Sputnik аефир аҿы еиҭеиҳәеит араионтә школқәа рҟны аҿкы азы аҭагылазаашьа зеиԥшроу, дазааҭгылеит иахьазы шаҟаҩы ахәыҷқәеи арҵаҩцәеи ачымазара рыдбалоу рхыԥхьаӡара.
Раионк аԥсҭазаараҟынтә: Ферзба Тҟәарчал ашколхәыҷқәа рыбжьара ачымазараҿкы иазкны

"Араион аҿы 17 школ ыҟоуп, уи адагьы ацхыраагӡатә школгьы ҳамоуп, иара убас - х-хәыҷбаҳчак. Цәыббрамза инаркны иахьанӡа ақалақь аҩныҵҟа хәҩык ахәыҷқәа аҿкы рыдбалоуп, дара аҳақьымцәа хылаԥшра рырҭоит. Аҩбатәи ашкол аҿы х-класск аркуп, иара убас Оқәымтәи ашкол аҿы класск. Арҵаҩцәа ракәзар, 355-ҩык ахьыҟоу- 13-ҩык чмазаҩуп. Иааидкыланы араионтә школқәа рырҵаҩцәа 60-ҩык рҟынӡа алаҵа ҟарҵахьеит, иҟоуп ачымазара зхызгахьоугьы", - еиҭеиҳәеит Ферзба.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

15

Ачемпионат ConIFA Африка Занзибар имҩаԥгахоит

0
(ирҿыцуп 14:14 23.09.2021)
Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам акомандақәа, зынӡа – 25 команда.

АҞӘА, цәыббра 23 - Sputnik. ConIFA Africa аҳәаақәа ирҭагӡаны ашьапылампыл ачемпионат абҵара 13- 25 рзы Занзибар имҩаԥысраны иҟоуп, ҳәа аанацҳауеит аиҿкаара Twitter аҿтәи адаҟьаҿы.

Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда. Аамҭақәак раԥхьа аҽа хырхарҭакгьы аусура иалагеит – Африкатәи аконтинент аҿы ачемпионат амҩаԥгара.

Уаанӡа аԥхынразы ачемпионат азыԥхьагәаҭан аха акоронавирус иахырҟьаны аамҭа еиҭакын.

Рашәарамзазы ашьапылампыл азы Европа ачемпионат ConIFA-2021, Франциатәи ақалақь Ницца имҩаԥысраны иҟаз ахыган атурнир, аепидемиологиатә ҭагылазаашьа Франциа иахьыуадаҩуи анапхгара ауснагӡатә ашәарҭадара иахьзадымгылои азы. Ашьапылампыл азы Аԥсны еизгоу акоманда ConIFA-2021 Европа ачемпионат иалахәхараны иҟан.

2016 шықәсазы ашьапылампыл азы Европа ачемпионат ConIFA Аԥсны имҩаԥысуан. Аԥснытәи акоманда аиааира агеит.

0