Атәылауаҩи аиҳабыреи: Хәырхәмал ақыҭанхамҩа апроектқәа рзы амыругақәа раахәаразы

31
(ирҿыцуп 17:15 07.09.2021)
Ҳтәылаҿы ихацырку ақыҭанхамҩатә проектқәа аҳәынҭқарра ирзоунажьуа амыругақәа раахәаразы аконкурс мҩаԥысуеит, абри атәы иҳәеит арадио Sputnik аефир аҿы акомиссиа алахәыла, афинансқәа рминистрра аконтрольтә ревизиа аусбарҭа аиҳабы Гиви Хәырхәмал.
Атәылауаҩи аиҳабыреи: Хәырхәмал ақыҭанхамҩа апроектқәа рзы амыругақәа раахәара аицлабразы

"Ари апрограмма аԥҟарақәа рыла анхаҩы аԥара инапаҿы иоуӡом. Алахәалы аиааира анига ашьҭахь апроект иахәҭоу зегьы, конкурс ҳасабала иаахәахоит. Ахәҳаахәҭра знапы алаку рыбжьара иҟалоит аконкурс. Дара иҳадыргало амыругақәа рыхә иахәаԥшхоит, рхаҭабзиара ҭҵаахоит, шаҟа ирлас ирзааго уҳәа, абарҭ зегьы ҳасаб рзуны, иалкаахоит. Мышқәак рыла иааираны иҟоу амыругақәа ыҟоуп. Иаахәоуп аҵиаа ахьчаразы ахархәага амаҭәарқәа. Арахәааӡара апроект азы иҳадгалаз арахә хкы ҳгәаԥхеит. Уи аветеринартә нормақәа ирықәыршәаны, асанитартә нормақәа ирықәыршәаны, акарантин иахыжьны, иахәҭоу ахәшәқәа адгаланы, зхаҭабзиара ҳараку, ҳаԥсабара ианаалахьо арахә хкқәа ааҳхәарц ҳгәиҭоуп. Абри зегьы дара апроект алахәылацәа ааԥхьаны рымч зықәхо ааӡаразы арахә алкааны инагӡан. Иаарласны раԥхьатәи аԥаразоужьра ҟалоит афирмахь арахә аагаразы", - ҳәа еиҭеиҳәеит Хәырхәмал.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

31
Заур Шалашаа

Шьалашьа абылтәы аквотақәа реизырҳаразы: мааҭк акәзаргьы ахәгьы рзыларҟәыр, бзиахон

5
(ирҿыцуп 10:46 23.09.2021)
Иабанӡаныԥшуа ҳекономика абылтәы азы аквота ҿыцқәа рышьақәыргылара, абылтәы-кризис алҵраҟны иабанӡацхыраагӡахо, абри азы игәаанагара иҳәеит аекономикеи азини ринститут адиректор Заур Шьалашьаа.
Шьалашьа абылтәы азы аквотақәа реизырҳаразы: мааҭк акәзаргьы ахәгьы рзыларҟәыр, ибзиахон

Москва Аԥкаанҵа анапы аҵаҩуп Урыстәылантәи Аԥсныҟа баџьда иаларгало анефҭаалыҵқәа рхышәаҵышәа азырҳаразы. Аԥкаанҵа инақәыршәаны Урыстәыла аенергетика аминистрреи Урыстәыла аекономикатә ҿиара аминистрреи Аԥсны Аҳәынҭқарра аекономика аминистрреи 2021 шықәсазтәи аквота ҿыцқәа шьақәдыргылеит.

"Ишызбо ала аҳәынҭқарра уи ала иаӡбеит ҳәа сыԥхьаӡоит атәылаҿы абылтәы аганахьала иҟаз ауадаҩрақәа. Аха уи шыҟалоз ҳәақәгәыӷуамызт ҳәа ирҳәо уи ааҟара садгылаӡом, избанзар, абри зегьы шыҟалоз ҳара азԥхьагәаҭара ҳасабала заа иҟаҳҵар акәын ҳәа сгәы иаанагоит.

Уи ашьҭахь ҽа зҵаарак цәырҵуеит. Убраантә ахә иацымло ианыҟала, ара ишԥаҟало ахә абылтәы азы ишьақәгылан иҟоу. Аха уажәы ишьақәгылан иҟоу, ишагымхо ҳәа сгәы иаангоит, убри аан уаҳа иацымло ҳәа ауп агәыӷра шсымоу. Аквотақәа реиҳатәра ажәлар ирыхәоит, иага уҳәаргьы абылтәы ыҟамкәа иахьа анеи-ааира уи шыцәгьоу еилаҳкаауеит зегьы.

Аквотақәа еиҳатәны ахәқәагьы еиҭарыхәаԥшыр, мааҭк иадымхаргьы, 53 рҟнытә 52 мааҭ ахь ирзааргар, уи ажәлар ибзиан ахә ршьоит", - ҳәа еиҭеиҳәеит Шьалашьаа.

Инеиҵыху аиҿцәажәара шәазыӡырҩыр шәылшоит аудиофаил аҿы.

5

Ферзба Тҟәарчал ашколқәа рҟны аҿкы азы аҭагылазаашьа зеиԥшроу еиҭеиҳәеит

15
Тҟәарчал араион аҵара аҟәша аиҳабы ихаҭыԥуаҩ Даур Ферзба арадио Sputnik аефир аҿы еиҭеиҳәеит араионтә школқәа рҟны аҿкы азы аҭагылазаашьа зеиԥшроу, дазааҭгылеит иахьазы шаҟаҩы ахәыҷқәеи арҵаҩцәеи ачымазара рыдбалоу рхыԥхьаӡара.
Раионк аԥсҭазаараҟынтә: Ферзба Тҟәарчал ашколхәыҷқәа рыбжьара ачымазараҿкы иазкны

"Араион аҿы 17 школ ыҟоуп, уи адагьы ацхыраагӡатә школгьы ҳамоуп, иара убас - х-хәыҷбаҳчак. Цәыббрамза инаркны иахьанӡа ақалақь аҩныҵҟа хәҩык ахәыҷқәа аҿкы рыдбалоуп, дара аҳақьымцәа хылаԥшра рырҭоит. Аҩбатәи ашкол аҿы х-класск аркуп, иара убас Оқәымтәи ашкол аҿы класск. Арҵаҩцәа ракәзар, 355-ҩык ахьыҟоу- 13-ҩык чмазаҩуп. Иааидкыланы араионтә школқәа рырҵаҩцәа 60-ҩык рҟынӡа алаҵа ҟарҵахьеит, иҟоуп ачымазара зхызгахьоугьы", - еиҭеиҳәеит Ферзба.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

15

Аԥсны аиҳабыра анхарҭаз аҳәынҭқарратә программа еиҭахәаԥшраны иҟоуп

5
2020 шықәсазы аекономикатә ҭагылазаашьа иахҟьаны ареспубликаҿы аамҭала иаанкылан аҳәынҭпрограммақәа ҩба: "Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәара ", "Анхарҭа-2021".

АҞӘА, цәыббра 23 - Sputnik. Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәараҿ ацхыраара аҟаҵаразы аҳәынҭқарратә программа аформа ҿыц апроект изаамҭанытәиу Аминистрцәа реилазаара аилатәараҿы иахәаԥшраны иҟоуп. Абри атәы аанацҳауеит Аминистрцәа реилазаара асаит.

Цәыббра 22 азы аԥыза-министр Александр Анқәаб аусутә еилацәажәара мҩаԥигеит социалла ихьчам атәылауаа аҳәынҭқарратә цхыраара рыҭара азҵаарақәа рзы.

2019 шықәсазы Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" ирыбзоураны 50 ҭаацәара ацхыраара рыҭан.

Аҳәынҭпрограмма иалахәу акандидатцәа рҟынтә азыҳәақәеи адокументқәеи рыдыркылон 2020, 2021 шықәсқәа рызгьы, аха абиуџьет аԥарақәа аҿкчымазара аԥырҟәҟәара иазырхахеит.

Аусутә еилацәажәараҿы апрограммақәа рыструктуратә модификациагьы иалацәажәан. Аԥыза-министр инапынҵала азиндырыҩцәа, асоциалтә усхк аекспертцәа апрограмма иалахәхар зылшо акатегориақәа ҭырҵааит.

Иахьазы иазыԥхьагәаҭоуп апрограммақәа еидҵаны акны иҟарҵарц. Еидҵоу аресурсқәа 40 миллион мааҭ рҟынӡа ҟалоит, уи есышықәса 50 ҭаацәара ацхыраара рыҭара алнаршоит. Апрограмма ҩышықәса ҿҳәарас иаҭахоит.

Александр Анқәаб иҳәеит апрограммақәа рҳәаақәа ирҭагӡаны анхарҭаҭыԥ роур шалшо, I агәыԥ аинвалидцәа, 1992-1993 шықәсазтәи аибашьраан иҭахаз рҭаацәарақәа, зҭаацәа ҭахаз ахәыҷқәа, ԥшьҩык инареиҳани ахшара змоу аҭаацәарақәа.

Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" рзы акомиссиа аусура аанкылан 2020 шықәса хәажәкырамзазы акоронавирус алаҵәара инадҳәаланы.

5