Заур Шалашава

Хра злоу ахҭысқәа: Шьалашьаа Аԥсныҟа аусура иаауа амигрантцәа ирызкны

15
(ирҿыцуп 10:48 09.09.2021)
Аԥсны иаауа амигрантцәа рыда ԥсыхәа ҳамоу иҳамаму атәы арадио Sputnik аефир аҿы игәаанагара иҳәеит атәыла аекономикатә институт аиҳабы, аекономикатә ҭҵаарадыррақәа рдоктор Заур Шьалашьаа.
Хра злоу ахҭысқәа: Шьалашьаа Аԥсныҟа аусура иаауа амигрантцәа ирызкны

Ахәҳаахәҭра-ааглыхратә палата асаит аҿы икьыԥхьуп аматериал, COVID ашьҭахьтәи Аԥсны аекономика аџьатә мигрантцәа рыда ԥсыхәа ыҟам ҳәа атәы ӡҳәо. Аҵарауаҩ Заур Шьалашьаа игәаанагарала, ус еиԥш аҳәара иашам, уи моу, иагьԥхашьароуп.

"Аԥсны араионқәа рҿы аус зымуа ҳажәлар рацәаӡоуп даара. Атәым тәылақәа иахьраҳауа Аԥсны амигрантцәа рыда ԥсыхәа ыҟаӡам ҳәа, сара сганахьала ҳара ҳзы иԥхашьароуп. Ҳара иҳамоуп аҵараиурҭақәа, урҭ раушьҭымҭацәа анаплак маҷқәа рҿы аус зуша. Урҭ наплакқәагьы заа аҵарауирҭақәеи дареи  аиқәшаҳаҭра рыбжьарҵароуп. Абас иҟазҭгьы урҭ рус арманшәалон. Аха анаплакқәа амигрантцәа аусура ргара иаҳа ирзеиӷьуп, избанзар, дара ауалафахәы иаҳа имаҷны ирзыршәоит.

Насгьы, Аԥсны атәылауаҩ усура дугар ауалафахәы изушәо анаҩсгьы асоциалтә пакет уацныҟәароуп. Уа иарбоуп аԥсшьарамшқәа, урҭ рынҭыҵ аус уур, ҩынтәны иацны аусуратә мшы ахә ушәароуп. Аха ари зегьы анаплакқәа рҿы аус зуа ироуа ахашәала амцхә агоит ҳәа, уахьынтә иаауа аусурахь иргоит. Аха уажәы ианрықәыӷәӷәа, еилкаахеит, шаҟаҩы ирҭаху, аха урҭ удукыларцаз заа араионқәа рахь ицаны ирылаҳәатәын", - ҳәа еиҭеиҳәеит Шьалашьаа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

15

Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

8
(ирҿыцуп 18:02 27.09.2021)
Цәыббра 27 Аҟәа ахақәиҭтәра иамшуп. Аԥсны аџьынџьтәылатә еибашьра аветеранцәа Борис Саџьаҭиԥа, Нанули Минаиаԥҳа, Емма Инаԥшьԥҳа иргәаладыршәеит аибашьра иадҳәалоу ахтысқәа, Аҟәа ахақәиҭтәразы ажәылара.
Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

Аԥсны Аџьынџьтәылатә еибашьраан еиҿкааз ажәыларақәа ирхадаз иалҵшәахеит 1993 шықәса,цәыббра 27 рзы Аҟәа ахақәиҭтәра. Уи аҽны аԥсуаа рыр Аҟәа агәы иалалеит ,Аԥсны Аҳәынҭқарра абираҟ Аминистрцәа реилазаара ахыбра иахашәыршәырит, аҳҭнықалақь ахы иақәиҭтәхеит.

Аибашьра зхызгаз амедеҳәшьцәа Аҟәа аҳақәиҭтәра иалахәыз Агәымшәараз амедал занашьоу Нанули Саманџьиаԥҳаи , Леон иорден занашьоу Емма Инаԥшьԥҳаи Аџьџнџьтәылатә еибашьра аветеран , Агәымшәараз амедал занашьоу Борис Саџьаҭиԥеи ргәалашәарақәа ртәы еиҭарҳәеит арадио Sputnik аефир аҟны.

 

8

Партанаӡе аибашьра ахҭысқәа рзы: ҳаԥсы ахьынӡаҭоу ҳгәаҵаҟны иҟоуп

17
(ирҿыцуп 14:42 27.09.2021)
Леон иорден занашьоу, ахы иақәиҭны ақәԥара аҿар азыҟазҵо, СССР аспорт азҟаза Џьон Партанаӡе арадио Sputnik аефир аҟны игәалаиршәеит аибашьра ахҭысқәа.
Партанаӡе аибашьра ахҭысқәа рзы: ҳаԥсы ахьынӡаҭоу ҳгәаҵаҟны иҟоуп

"Ари (аибашьразы-азгәаҭа) ҳара ҳаԥсы ахьынӡаҭоу есқьынагьы ҳгәаҵаҟны иҟазаауеит…Ҳазлаз агәыԥ ашьха-хысратә рота акәын, напхгара аиҭон Лиосик Цыгәба.

Ажәыларақәа ыҟан акымкәа-ҩбамкәа. Ҩада Ешырантәи ҳалбааны Уазабаа, Ахалшениа, аӡфымцастанциа аума, Одишьа, 920-тәи аҳаракыра, Ҩада Кьалашәыр, убас ауп Аҟәа ҳагьшалалаз. Аамҭак-аамҭак рыман зегьы, ҽнакала иҭаурцәоз акәымызт, ишәатәын-изатәын. Шрома (Гәыма ду) раԥхьатәи ажәылара ыҟан абҵара 3 рзы, ҳаибашьратә мҩа уамаӡак аԥышәа амамкәа ҳаиҵазырхоз аусқәа ҟалеит, насгьы аӷа имч ӷәӷәан.

Уаҟа иҟаз ҳгәыԥ мацара акәымызт, 300-400 –ҩык ыҟан, ҳаибадыруагьы ҳаҟамызт. Убра иаҳнарбеит аӷа дазусҭаз, иарбџьарымчқәа шыӷәӷәаз. Убраантәи зыԥсы ҭаны иалҵыз иахьа уажәраанӡагьы ҳазхәыцуеит ҳазлалҵи ҳәа. Иаҳбон дара ртехника иҟанаҵоз, ҳара аҟәара ҳақәыԥсаны ҳаанхеит. Реибашьыгатә ҳаирпланқәа ҳхагыланы рџьаԥҳаны зегьы ҳаларҵон, рыбзарбзанқәа, ртанкқәа зегьы ҳаихсуан. Ҳара хԥа-ԥшьба БМП ҳаман, ус ҳгәы иаанагон ҳара ҳаҟара иӷәӷәоу ыҟамызшәа. Уи ажәылараҟны аџьабаа ҳдырбеит", - ҳәа игәалаиршәеит Партанаӡе.

Иаҳа инарҭбааны аицәажәара аудиофаил аҟны.

17

Очамчыра араион ахәҭак лашарада иаанхоит аҩаша цәыббра 28 рзы

2
(ирҿыцуп 19:55 27.09.2021)
Астанциа маҷқәа "Очамчыра-2", "Мықә", "Кәачара" дырцәоит аҩаша цәыббра 28 рзы.

АҞӘА, цәыббра 27 – Sputnik. Очамчыра араион ахәҭак лашарада иаанхоит асааҭ 10:00 инаркны 16:00 рҟынӡа цәыббра 28 рзы. Абри атәы аанацҳауеит "Амшынеиқәафымцамч" апресс-маҵзура.

Ари аамҭазы ирцәахоит астанциа маҷқәа "Очамчыра-2", "Мықә", "Кәачара".

Астанҵиа маҷқәа рырцәара иахҟьаны лашарада иаанхоит:

  • "Кәачара" - ақыҭақәа Ӷәада, Џьгьарда, Кәтол
  • "Мықә" - ақыҭақәа Ҷлоу, Ҭхьына, Маркәыла, Отап, Џьал
  • "Очамчыра-2" - Очамчыра ақалақь ахәҭа.

Аенергетикцәа ражәақәа рыла, аиҭашьақәыргыларатә усурақәа мҩаԥыргоит.

 

 

2