Хра злоу ахҭысқәа: Аџьԥҳаи Аҩӡԥҳаи зсоциалтә ҭагылазаашьа уашәшәыроу рыцхыраара иазкны

236
(ирҿыцуп 15:21 13.09.2021)
Зсоциалтә ҭагылазаашьа уашәшәыроу атәыла ауааԥсыра аҳәынҭқарра ацхыраарас ирнаҭои, абри атәы арадиоефир аҿы еиҭарҳәеит Аԥсны аџьеи асоциалтә еиқәыршәареи рминистрра ахаҭарнак Инна Аџьԥҳаи, аҳәыҷқәеи аҭаацәарақәеи рсоциалтә цхыраразы амаҵзура аусзуҩ Асҭанда Аҩӡԥҳаи.
Хра злоу ахҭысқәа: Аџьԥҳаи Аҩӡԥҳаи зсоциалтә ҭагылазаашьа уашәшәыроу рыцхыраара иазкны

Аԥсны аџьеи асоциалтә еиқәыршәареи рминистрра иатәу ауаажәлар рсоциалтә маҵзуреи, асоциалтә программақәа русбарҭа аиҳабы Инна Аџьԥҳа лажәақәа рыла, араионқәа рҟынтә аминистррахь иаауеит арзаҳалқәа адгылара зҭаху аҭаацәарқәа рҟнытә, анаҩс акомиссиа цоит, ирыхәаԥшуеит рҭагылазаашьа ахьынӡауадаҩу ҭырҵаауеит. Иахәҭоу ашәҟәқәа анеидкылаха есымза аԥара зауа рсиа иахыԥхьаӡалахоит, ҳәа адырра ҟалҵеит Аџьԥҳа.

"Ҳара ҳусбарҭа ацхыраара рынаҭоит зылшарақәа маҷу, зхы изамыхәо ауааԥсыра, насгьы ҭынха дызмам, зхала иҟоу. Абри ашықәс азы ацхыраара рыҭан зықьҩык инареиҳаны зхы зызныҟәымго ауааԥсыра. Дара есымза ирзоужьуп 1000 мааҭ. 2020 шықәса рыҩнуҵҟа иааизакны ус еиԥш иҟоу акатегориа ирзоужьын 11 милионни 500 нызықь мааҭ аԥара", - ҳәа лҳәеит Аџьԥҳа.
Аҳәыҷқәеи аҭаацәарақәеи рсоциалтә цхыраразы амаҵзура аусзуҩ еиҭалҳәеит дара русура ззырхо, насгьы ауааԥсыра ирырҭо адгылара атәы.

"Ҳара ашколқәа мамзаргьы еиуеиԥшым егьырҭ аусбарҭақәа рҟынтә иҳауеит адырра, аҭел ианасуагьы убап, абасала иҟоуп аҭаацәара ацхыраара зҭаху ҳәа. Ҳара ҳцоит аҭыԥан рҭагылазаашьа шыҟоу гәаҳҭоит. Анаҩс, адгылара раҳҭоит, ацхыраара роуртә еиԥш. Урҭ аҭаацәарақәа мҩақәызҵо ҳакәны ҳаҟоуп", - ҳәа еиҭалҳәеит Аҩӡԥҳа.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

236

Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

7
(ирҿыцуп 18:02 27.09.2021)
Цәыббра 27 Аҟәа ахақәиҭтәра иамшуп. Аԥсны аџьынџьтәылатә еибашьра аветеранцәа Борис Саџьаҭиԥа, Нанули Минаиаԥҳа, Емма Инаԥшьԥҳа иргәаладыршәеит аибашьра иадҳәалоу ахтысқәа, Аҟәа ахақәиҭтәразы ажәылара.
Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

Аԥсны Аџьынџьтәылатә еибашьраан еиҿкааз ажәыларақәа ирхадаз иалҵшәахеит 1993 шықәса,цәыббра 27 рзы Аҟәа ахақәиҭтәра. Уи аҽны аԥсуаа рыр Аҟәа агәы иалалеит ,Аԥсны Аҳәынҭқарра абираҟ Аминистрцәа реилазаара ахыбра иахашәыршәырит, аҳҭнықалақь ахы иақәиҭтәхеит.

Аибашьра зхызгаз амедеҳәшьцәа Аҟәа аҳақәиҭтәра иалахәыз Агәымшәараз амедал занашьоу Нанули Саманџьиаԥҳаи , Леон иорден занашьоу Емма Инаԥшьԥҳаи Аџьџнџьтәылатә еибашьра аветеран , Агәымшәараз амедал занашьоу Борис Саџьаҭиԥеи ргәалашәарақәа ртәы еиҭарҳәеит арадио Sputnik аефир аҟны.

 

7

Партанаӡе аибашьра ахҭысқәа рзы: ҳаԥсы ахьынӡаҭоу ҳгәаҵаҟны иҟоуп

17
(ирҿыцуп 14:42 27.09.2021)
Леон иорден занашьоу, ахы иақәиҭны ақәԥара аҿар азыҟазҵо, СССР аспорт азҟаза Џьон Партанаӡе арадио Sputnik аефир аҟны игәалаиршәеит аибашьра ахҭысқәа.
Партанаӡе аибашьра ахҭысқәа рзы: ҳаԥсы ахьынӡаҭоу ҳгәаҵаҟны иҟоуп

"Ари (аибашьразы-азгәаҭа) ҳара ҳаԥсы ахьынӡаҭоу есқьынагьы ҳгәаҵаҟны иҟазаауеит…Ҳазлаз агәыԥ ашьха-хысратә рота акәын, напхгара аиҭон Лиосик Цыгәба.

Ажәыларақәа ыҟан акымкәа-ҩбамкәа. Ҩада Ешырантәи ҳалбааны Уазабаа, Ахалшениа, аӡфымцастанциа аума, Одишьа, 920-тәи аҳаракыра, Ҩада Кьалашәыр, убас ауп Аҟәа ҳагьшалалаз. Аамҭак-аамҭак рыман зегьы, ҽнакала иҭаурцәоз акәымызт, ишәатәын-изатәын. Шрома (Гәыма ду) раԥхьатәи ажәылара ыҟан абҵара 3 рзы, ҳаибашьратә мҩа уамаӡак аԥышәа амамкәа ҳаиҵазырхоз аусқәа ҟалеит, насгьы аӷа имч ӷәӷәан.

Уаҟа иҟаз ҳгәыԥ мацара акәымызт, 300-400 –ҩык ыҟан, ҳаибадыруагьы ҳаҟамызт. Убра иаҳнарбеит аӷа дазусҭаз, иарбџьарымчқәа шыӷәӷәаз. Убраантәи зыԥсы ҭаны иалҵыз иахьа уажәраанӡагьы ҳазхәыцуеит ҳазлалҵи ҳәа. Иаҳбон дара ртехника иҟанаҵоз, ҳара аҟәара ҳақәыԥсаны ҳаанхеит. Реибашьыгатә ҳаирпланқәа ҳхагыланы рџьаԥҳаны зегьы ҳаларҵон, рыбзарбзанқәа, ртанкқәа зегьы ҳаихсуан. Ҳара хԥа-ԥшьба БМП ҳаман, ус ҳгәы иаанагон ҳара ҳаҟара иӷәӷәоу ыҟамызшәа. Уи ажәылараҟны аџьабаа ҳдырбеит", - ҳәа игәалаиршәеит Партанаӡе.

Иаҳа инарҭбааны аицәажәара аудиофаил аҟны.

17
Осень в Абхазии

Афон амшын дагеит Курскантәи аԥсшьаҩы

4
(ирҿыцуп 19:29 27.09.2021)
Ашәахьа цәыббра 27 рзы Аԥсны АҶА аҷаԥшьаратә хәҭахьы амашәыр ҟалеит ҳәа адырра ҟаҵан 15:17 рзы.

Курск ақалақь аҟны инхо Сергеи Белозеров 1981 шықәсазы ииз  Афон амшын дагеит ашәахьа  цәыбрра 27 рзы, абри атәа аанацҳауеит Аԥсны АҶА апресс-маҵзура.

Аԥсны АҶА аҷаԥшьаратә хәҭахьы иҟалаз амашәыр азы адырра ҟалеит 15:17 рзы. Апресс-маҵзураҿы ишазгәарҭаз ала амашәыр зыхҟьаз ҭырҵаауеит.

Амҽыша АҶА иаарыцҳаит, Гагра амшын аҿы иԥсыбаҩ шырԥшааз 48 шықәса зхыҵуаз Тула ақалақь аҿы инхоз Александр Куницын.

Иара убас шәаԥхьар ҟалоит:

 

4