Хра злоу ахҭысқәа: Ламиеи, Қәираиеи, Кәыҵниаԥҳаи COVID аҟынтә алаҵа аҟаҵаразы

81
(ирҿыцуп 19:39 13.09.2021)
Хымз раԥхьа алаҵа ҟазҵаз Зураб Ламиеи, ауаажәларратә палата алахәыла Едик Қәираиеи, Аҟәа ақалакь Синоп аҳаблаҿтәи аполиклиника амедиаҳәшьа еиҳабы Инга Кәыҵниаԥҳаи арадио Sputnik аефир аҿы COVID аҟынтә алаҵа аҟаҵаразы ргәаанагарақәа ртәы еибырҳәеит.

Хра злоу ахҭысқәа: Ламиеи, Қәираиеи, Кәыҵниаԥҳаи COVID аҟынтә алаҵа аҟаҵаразы
"Раԥхьа алаҵа аҟаҵара ҳаналага ажәлар еиҳа активла иаауан. Ақәра змаз иҟарҵозҭгьы аханатә, нас аҿаргьы иҟарҵо иалагеит. Уажәы даара имаҷуп иааиуа. Уи иадҳәалазар ауеит алаҵаҟаҵарҭатә ҭыԥқәа рацәаны иахьаарту, аха иага ус иҟазаргьы, алаҵа иадҳәаланы асоциалтә ҳақәа рҿы иҟоу аинформациагьы уи иаҿагылан аус ауеит. Иаҳҳәап, иацы рҽанырҵазар, иахьа ашьыжь мап ркуеит. Мышкы 50-ҩык рҟынӡа ҳадаҳкылар ҳалшоит, аха аӡәгьы ианизыҟаҳамҵо амшгьы убап", - ҳәа еиҭалҳәеит Қәыҵниаԥҳа.

Алаҵа хымыз раԥхьа иҟазҵаз Зураб Ламиа еиҭеиҳәеит уи аус дшазааиз атәы.
"Алаҵа касҵар сҭахын, иҟасҵеит. Апункт аҿы еилыскааит сшоура халар, иҟасҵо. Алаҵа аныҟасҵа ашьҭахь хымш ааҵуаны, сарыхьҭышьуа салагеит. Сшоура гәасҭазар 37 аа-рӷазки ыҟан. Ахәшә анызжә ашьҭахь хәыҷык сааиқәтәеит. Убри нахыс акгьы схы иадсымбалацт. Амч исымац сымоуп", - ҳәа еиҭеиҳәеит Ломиа.

Ауаажәларратә палата алахәыла Едик Қәираиа иажәақәа рыла дыҟам ҳәынҭқарк алаҵа ҟаҵаны сыжәлар ықәызхыр зҭаху, авакцина ачымазара иаҿагыло ак акәны ишыҟоу адунеи аҿы аԥышәа иаҳнарбахьеит, ҳәа азгәеиҭеит иара.
Аиҿцәажәара шәазыӡырҩыр шәылшоит аудиофаил аҿы.

81

Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

7
(ирҿыцуп 18:02 27.09.2021)
Цәыббра 27 Аҟәа ахақәиҭтәра иамшуп. Аԥсны аџьынџьтәылатә еибашьра аветеранцәа Борис Саџьаҭиԥа, Нанули Минаиаԥҳа, Емма Инаԥшьԥҳа иргәаладыршәеит аибашьра иадҳәалоу ахтысқәа, Аҟәа ахақәиҭтәразы ажәылара.
Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

Аԥсны Аџьынџьтәылатә еибашьраан еиҿкааз ажәыларақәа ирхадаз иалҵшәахеит 1993 шықәса,цәыббра 27 рзы Аҟәа ахақәиҭтәра. Уи аҽны аԥсуаа рыр Аҟәа агәы иалалеит ,Аԥсны Аҳәынҭқарра абираҟ Аминистрцәа реилазаара ахыбра иахашәыршәырит, аҳҭнықалақь ахы иақәиҭтәхеит.

Аибашьра зхызгаз амедеҳәшьцәа Аҟәа аҳақәиҭтәра иалахәыз Агәымшәараз амедал занашьоу Нанули Саманџьиаԥҳаи , Леон иорден занашьоу Емма Инаԥшьԥҳаи Аџьџнџьтәылатә еибашьра аветеран , Агәымшәараз амедал занашьоу Борис Саџьаҭиԥеи ргәалашәарақәа ртәы еиҭарҳәеит арадио Sputnik аефир аҟны.

 

7

Партанаӡе аибашьра ахҭысқәа рзы: ҳаԥсы ахьынӡаҭоу ҳгәаҵаҟны иҟоуп

17
(ирҿыцуп 14:42 27.09.2021)
Леон иорден занашьоу, ахы иақәиҭны ақәԥара аҿар азыҟазҵо, СССР аспорт азҟаза Џьон Партанаӡе арадио Sputnik аефир аҟны игәалаиршәеит аибашьра ахҭысқәа.
Партанаӡе аибашьра ахҭысқәа рзы: ҳаԥсы ахьынӡаҭоу ҳгәаҵаҟны иҟоуп

"Ари (аибашьразы-азгәаҭа) ҳара ҳаԥсы ахьынӡаҭоу есқьынагьы ҳгәаҵаҟны иҟазаауеит…Ҳазлаз агәыԥ ашьха-хысратә рота акәын, напхгара аиҭон Лиосик Цыгәба.

Ажәыларақәа ыҟан акымкәа-ҩбамкәа. Ҩада Ешырантәи ҳалбааны Уазабаа, Ахалшениа, аӡфымцастанциа аума, Одишьа, 920-тәи аҳаракыра, Ҩада Кьалашәыр, убас ауп Аҟәа ҳагьшалалаз. Аамҭак-аамҭак рыман зегьы, ҽнакала иҭаурцәоз акәымызт, ишәатәын-изатәын. Шрома (Гәыма ду) раԥхьатәи ажәылара ыҟан абҵара 3 рзы, ҳаибашьратә мҩа уамаӡак аԥышәа амамкәа ҳаиҵазырхоз аусқәа ҟалеит, насгьы аӷа имч ӷәӷәан.

Уаҟа иҟаз ҳгәыԥ мацара акәымызт, 300-400 –ҩык ыҟан, ҳаибадыруагьы ҳаҟамызт. Убра иаҳнарбеит аӷа дазусҭаз, иарбџьарымчқәа шыӷәӷәаз. Убраантәи зыԥсы ҭаны иалҵыз иахьа уажәраанӡагьы ҳазхәыцуеит ҳазлалҵи ҳәа. Иаҳбон дара ртехника иҟанаҵоз, ҳара аҟәара ҳақәыԥсаны ҳаанхеит. Реибашьыгатә ҳаирпланқәа ҳхагыланы рџьаԥҳаны зегьы ҳаларҵон, рыбзарбзанқәа, ртанкқәа зегьы ҳаихсуан. Ҳара хԥа-ԥшьба БМП ҳаман, ус ҳгәы иаанагон ҳара ҳаҟара иӷәӷәоу ыҟамызшәа. Уи ажәылараҟны аџьабаа ҳдырбеит", - ҳәа игәалаиршәеит Партанаӡе.

Иаҳа инарҭбааны аицәажәара аудиофаил аҟны.

17
Осень в Абхазии

Афон амшын дагеит Курскантәи аԥсшьаҩы

5
(ирҿыцуп 19:39 27.09.2021)
Ашәахьа цәыббра 27 рзы Аԥсны АҶА аҷаԥшьаратә хәҭахьы амашәыр ҟалеит ҳәа адырра ҟаҵан 15:17 рзы.

АҞӘА, цәыббра 27 – Sputnik. Курск ақалақь аҟны инхо Сергеи Белозеров 1981 шықәсазы ииз  Афон амшын дагеит ашәахьа  цәыбрра 27 рзы, абри атәа аанацҳауеит Аԥсны АҶА апресс-маҵзура.

Аԥсны АҶА аҷаԥшьаратә хәҭахьы иҟалаз амашәыр азы адырра ҟалеит 15:17 рзы. Апресс-маҵзураҿы ишазгәарҭаз ала амашәыр зыхҟьаз ҭырҵаауеит.

Амҽыша АҶА иаарыцҳаит, Гагра амшын аҿы иԥсыбаҩ шырԥшааз 48 шықәса зхыҵуаз Тула ақалақь аҿы инхоз Александр Куницын.

Иара убас шәаԥхьар ҟалоит:

 

5