Ашә, абысҭа, нас арҵәы

132
(ирҿыцуп 10:42 26.10.2017)
  • Приготовление абысты.
  • Приготовление абысты.
  • Приготовление абысты.
  • Приготовление абысты.
Абысҭа аныҳәақәа раан еиԥш есҽынгьы аишәаҟны иқәгылоуп. Аиҳарак иара агьама бзиоуп аԥсуа мца иахакнаҳаны ианыруа.

Аԥсуаа ргәыхә аиҳарак амцаҟноуп иахьыҟарҵо. Абысҭа еиҳарак џьыкахышда ибаӷьаны иуу қашьуп. Абысҭа аныҳәақәа раан еиԥш есҽынгьы аишәаҟны аҭыԥ амоуп. Ишыԥхоу аишәахь иааргоит, амҳабысҭала ирԥшӡаны ианырҵоит. Ачысмаҭәа шыҟоугьы абысҭа напыла иуфароуп агьама анудыруа ҳәа иԥхьаӡоуп.

132
  • Приготовление абысты.
    © Sputnik / Томас Тхайцук

    Абысҭа – аҭыԥантәи ачысхада ҳәа иԥхьаӡоуп. Ибаӷьаны иуу абысҭа ишыԥхоу, ашә сақәа алаҵаны аишәа иқәдыргылоит.

  • Приготовление абысты.
    © Sputnik / Томас Тхайцук

    Абысҭа аиҳарак амца иахакнаҳау ачуан иҭаруеит. Аԥсуаа рынхарҭа ҷыда – аԥацхаҟны ахәшҭаарамца еснагь идууз аҵакы аманы иҟан.

  • Приготовление абысты.
    © Sputnik / Томас Тхайцук

    Ачуан аҟны аӡы еилашит. Заа игәӡаны ирхәыз ашыла (ма ахырӷ) аҭаԥсара иаамҭоуп.

  • Приготовление абысты.
    © Sputnik / Томас Тхайцук

    Аҭаацәа рзы абысҭа зуа аԥшәмаԥҳәыс лоуп. Аныҳәақәеи ачарақәеи раан уи знапы иану ахацәа роуп. Абысҭа ирлас-ырласны еилырхлатәуп, уи азы амч аҭахуп – аԥҳәыс лылшара азхом.

  • Приготовление абысты.
    © Sputnik / Томас Тхайцук

    Ашыла аӡы иҭаԥсаны сааҭк аҟара иазыԥшуеит ибзианы исарц азы. Аԥсуа бысҭа изакәызаалак ҵаарак арҭом.

  • Приготовление абысты.
    © Sputnik / Томас Тхайцук

    Аԥацхаҟны алҩа иахакнаҳаны ашә, ажьҵаа дырҩоит. Иара убраҵәҟьа идырҩоит еицырдыруа аԥсуа чысхә – аџьыкаҵәаҵәа злырхуа аԥсуа пырпылгьы.

  • Приготовление абысты.
    © Sputnik / Томас Тхайцук

    Исаз, аха макьаназы иҟәымшәышәу абысҭа ажәпаразы ашыла ахаԥсаны ируеит.

  • Приготовление абысты.
    © Sputnik / Томас Тхайцук

    Ибзианы ихәаны аҽа жәохәҟа минуҭ амца ишахакнаҳау иаанрыжьуеит абысҭа.

  • Приготовление абысты.
    © Sputnik / Томас Тхайцук

    Абысҭа иацырфоит ашә, акәац-рҩа, арҵәқәа, еиуеиԥшым асыӡбалқәа. Гәаԥхара-чара шәоуааит!

Атемақәа:
Жәлар рдоуҳа (27)