Валерий Бганба

Валери Бганба Ҭырқәтәыла аҵара зҵо аҧсуа студентцәа дырҧылеит

4
(ирҿыцуп 16:26 06.11.2014)
Ҧхынгәы 25 Аҧсны Аҳәынҭқарра Ахада инапынҵақәа назыгӡо Валери Бганба аҭырқәуа университетқәа рҿы аҵара зҵо аҧсуа студентцәа дырҧылеит. Аиҧылара иалахәын Аҧсны Аҳәынҭқарра Ахәҳаахәҭра-ааглыхратә палата Ахада ихаҭыҧуаҩ Гогәуа Сенер, Ҭырқәтәыла Аҧсны ахаҭарнак Гыцба Инар.

АҞӘА, жьҭ 9 — Спутник Аԥсны. «Аҳәынҭқарра Ахадара еснагь адгылара рырҭоит аҧсууа студентцәа аҳәаанхыҵ аҵара зҵо. Дара роур Аҧсны аҧеиҧш. Ҳара аекономика, ааглыхра, аҭыжьра рҿы азанааҭдырыҩцәа ҳазхаӡом. Ҳара ҳгәыӷрақәа рыдаҳҳәалоит арҭ астудентцәа. Дара Аҧсныыҟа иханҳәуеит зыквалификациа ҳараку азанааҭдырыҩцәаны, ирылшогьы зегьы ҟарҵоит ҳаҧсадгьыл арҿиаразы»,- иҳәеит Бгарба Валери. Аҧсны Аҳәынҭқарра Ахәҳаахәҭра-ааглыхратә палата Ахада ихаҭыҧуаҩ Гогәуа Сенер иҭабуп ҳәан иеиҳәеит Ахада инапынҵақәа назыгӡо, иазгәеиҭеит ари аҩыза аусмҩаҧгатә раҧхьа акәны ишымҩаҧго. Гогәуа Сенер адырра ииҭеит Ахада инапынҵақәа назыгӡо шаҟаҩы аҧсуа студентцәа Ҭырқәтәылатәи ауниверситетцәа рҿы аҵара рҵо ала. «Иахьатәи амш азы Ҭырқәтәвлатәи ауниверситетқәа рҿы аҵара рҵоит 40-ҩык аҧсуа студентцәа, иаҭа сынтәа 16-ҩык шьҭын Ҭырқәтәылаҟа аҵара ҵара. Иазгәасҭарц сҭахын Ахәҳаахәҭра-ааглыхратә палата адгылара шрынаҭо Ҭырқәтәыла аҵара зҵо аҧсуа студентцәа. Аҧсны Аҳәынҭқарра Ахәҳаахәҭра-ааглыхратә палатеи Сҭампылтәи Ахәҳаахәҭра-ааглырхратә палатеи рыбжьара ибжьаҵо аусеицуразы аиқәшаҳаҭра иабзоураны Сҭампылтәи ауниверситет есышықәса х-ҭыҧк рынаҭоит аҧсуа студентцәа. Уажәы ааигәа ибжьаҵан аиқәшаҳаҭра Сакариатәи ААП. Аганқәа азааибагеит еисышықәса Сакариатәи ауниверситет жәа-ҭыҧк аҧсуа студентцәа рзы иалнахлоит», иҳәеит Аҧсны Аҳәынҭқрра Ахәҳаахәҭра-ааглыхратә палата Ахада ихаҭыҧуаҩ Гогәуа Сенер. «Ҭырқәтәыла иҟоу Аҧсны ахаҭарнакра аус ду мҩаҧнагоит Аҧснытәи астудентцәа рзы. Ацхыраареи адгылареи рырҭоит еиуеиҧшым азҵаарақәа рыла. Ҳара ҳастдентцәа Ҭырқәтәыла аҳәынҭқарреи Аҧсны Аҳәынҭқарреи аҧсуа диаспореи еидызҳәало ҭыҧуп», — иҳәеит Гыцба Инар.

4

Латипов Жәыргьыҭ иҟалаз ахҭыс азы: ацәгьоуҩы Аԥсныҟа дзымааиразы зегь ҟаҳҵоит

19
Иҟоу дыррақәа рыла, Жәыргьыҭ абанк аҿы шасыс ауаа згаз ацәгьоуҩы итҟәацәа иманы иҽиӡаразы Аԥсныҟа амҩа дықәлеит .

АҞӘА, жьҭаара 22 – Sputnik, Асмаҭ Ҵәыџьԥҳа. Аԥсны Аҳәынҭқарратә шәарҭадаратә маҵзура адырра амам Жәыргьыҭ ашасцәа згаз ацәгьоуҩы Аԥсныҟа амҩа дықәуп ҳәа иҳәеит АШәМ аҳәаахьчаратә ҟәша аиҳабы Рустам Латипов, Sputnik аинтервиу аҭо.

Иара иажәақәа рыла, Агәаҭара-аушьҭратә ҭыԥ "Егры" аркуп асааҭ 19:00 инаркны 07:00 рҟынӡа, абри аамҭазы аӡәгьы Аԥсны аҳәаа дзахысӡом.

"Аԥсны АШәМ аҳәаахьчаратә ҟәша амчқәа рыла Урыстәылеи ҳареи ҭакԥхықәрас иахьҳамоу аҳәаахьчараҿы иақәнагоу ашьаҿақәа ҟаҳҵоит ацәгьоуҩы Аԥсныҟа дзымааирц азы", - иҳәеит иара.

Уаанӡа ари ахҭыс ахҳәаа азыҟаиҵеит Аԥсны Ашәарҭадаратә хеилак амаӡаныҟәгаҩ Сергеи Шамба. Иара иажәақәа рыла, Ашәарҭадаратә хеилак адырра амам ацәгьоуҩы Аԥсныҟа ихы ирхеит ҳәа.

Гал араион ахада Константин Ԥлиа иазгәеиҭеит ауаа шасыс изгаз ацәгьоуҩы Аԥсныҟа аҳәаа дзахысӡом ҳәа.

Абџьар зыҟәныз ахаҵа Жәыргьыҭ абанк аҟны жьҭаара 21 рзы шьыбжьон 40-ҩык иреиҳаны ауаа шасыс игеит, иара миллионбжак доллар ирҭарц адҵа ҟаиҵоит ҳәа аанацҳауеит Sputnik Қырҭтәыла.

Сааҭла имҩаԥысуаз аиҿцәажәарақәа рышьҭахь, асааҭ 22:00 рзеиԥш, хҩык ашасцәа рышьҭахь иҽыҵәахны, ахыбра дыҩныҵит.

Уажәазы абанк аҩнуҵҟа иитҟәаз 43-ҩык ашасцәа рхы иақәиҭтәуп, аполициа дара ишәарҭам аҭыԥ ахь инаргеит. Ацәгьоура ахьыҟалаз аҭыԥ аҿы ашьаусԥшааратә усмҩаԥгатәқәа ирҿуп ҳәа аанацҳауеит Қырҭтәыла аҩнуҵҟатәи аусқәа рминистрра.

Ауаа зӷьычыз ауаҩы дахьыҟоу макьана еилкаам, уи шасыс иигаз ауаагьы ирызку аинформациа ыҟам. 

Иҟоу дыррақәак рыла, ацәгьоуҩы Аԥсны аганахь ихы ирхеит.

Иара убас шәаԥхьар ҟалоит:

19

Гал араион ахада: ауаа шасыс изгаз ацәгьоуҩы Аԥсны аҳәаа дзахысӡом

19
(ирҿыцуп 02:13 22.10.2020)
Идырым ахаҿы Жәыргьыҭ агәаны Қырҭтәыла Абанк ахыбра бџьаршьҭыхла дыҩналаны ауаа шасыс игеит жьҭаара 21 рзы. АИХқәа рдыррақәа рыла, иара хҩык атҟәацәа иманы Аԥсны аганахь ддәықәлеит.

АҞӘА, жьҭаара 22 - Sputnik, Асмаҭ Ҵәыџьԥҳа. Жәыргьыҭ иҟоу Қырҭтәыла Абанк ахыбра бџьаршьҭыхла дыҩналаны ауаа шасыс изгаз ацәгьоуҩы Аԥсныҟа аҳәаа дзахысӡом иҳәеит Гал араион ахада Константин Ԥлиа, Sputnik аинтервиу аҭо.

Уаанӡа ари ахҭыс ахҳәаа азыҟаиҵеит Аԥсны Ашәарҭадаратә хеилак амаӡаныҟәгаҩ Сергеи Шамба.

Абџьар зыҟәныз ахаҵа Жәыргьыҭ абанк аҟны жьҭаара 21 рзы шьыбжьон 40-ҩык иреиҳаны ауаа шасыс игеит, иара миллионбжак доллар ирҭарц адҵа ҟаиҵоит ҳәа аанацҳауеит Sputnik Қырҭтәыла.

Сааҭла имҩаԥысуаз аиҿцәажәарақәа рышьҭахь, асааҭ 22:00 рзеиԥш, хҩык ашасцәа рышьҭахь иҽыҵәахны, ахыбра дыҩныҵит.

Уажәазы абанк аҩнуҵҟа иитҟәаз 43-ҩык ашасцәа рхы иақәиҭтәуп, аполициа дара ишәарҭам аҭыԥ ахь инаргеит. Ацәгьоура ахьыҟалаз аҭыԥ аҿы ашьаусԥшааратә усмҩаԥгатәқәа ирҿуп ҳәа аанацҳауеит Қырҭтәыла аҩнуҵҟатәи аусқәа рминистрра.

Ауаа зӷьычыз ауаҩы дахьыҟоу макьана еилкаам, уи шасыс иигаз ауаагьы ирызку аинформациа ыҟам. 

Иҟоу дыррақәак рыла, ацәгьоуҩы Аԥсны аганахь ихы ирхеит.

Иара убас шәаԥхьар ҟалоит:

19

Аԥсны 134-ҩык акоронавирус рыдырбалеит, аӡәы лыԥсҭазаара далҵит

8
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау