Аминистрцәа рышьақәырӷәӷәразы аусԥҟақәа
(ирҿыцуп 16:22 06.11.2014)
Аҳәынҭқарра ахада Рауль Ҳаџьымба аминистрцәа рышьақәырӷәӷәаразы аусԥҟақәа инапы рыҵаиҩит.АҞӘА, жьҭ 22 — Спутник Аԥсны. Аҳәынҭқарра ахада Рауль Ҳаџьымба аминистрцәа рышьақәырӷәӷәаразы аусԥҟақәа инапы рыҵаиҩит.
Атәылахьчара аминистрс дҟаҵоуп – Кьышьмариа Мираб Борис-иԥа
Аҩныҵҟатәи аусқәа рминистрс дҟаҵоуп – Лолуа Рауль Валери-иԥа
Ақыҭанхамҩа аминистрс — Оҭырба Рафик Константин-иԥа
Аекономика аминистрс – Ачба Николаи Владимир-иԥа
Аҵарадырреи, анаукеи, аспори аҿартә политикеи рминистрс – Какоба Адгәыр Паата- иԥа
Акультреи аҭоурыхтә-культуратә ҭынха аиқәырхаразы аминистрс – Арсалиа Ельвира Анатоли-иԥҳа
Агәабзиарахьчара аминистрс – Гәынба Давид Дмитри-иԥа.
Ареспубликатә хәыҷтәы хәышәтәырҭа раԥхьаӡа акәны ареанимобиль аиуит
АҞӘА, лаҵара 13 - Sputnik. Ареспубликатә хәыҷтәы хәышәтәырҭа ацхыраара ласы ареанимобиль аиуит. Иара еиқәыршәоуп ҿыц ииз ахәыҷы иеиҭагара алзыршо амобил-реанимациатә комплекс ала ҳәа аанацҳауеит Агәабзиарахьчара аусбарҭа апресс-маҵзура.
©
Foto / Министерство здравоохранения РА
Ареспубликатә хәыҷтәы хәышәтәырҭа ареанимобиль аиуит
Агәабзиарахьчара аминистр Ҭамаз Ҵахнакьиа иазгәеиҭеит ари аҩыза атранспорт амедицинатә усзуҩцәа рзы ишыцхыраагӡа дуу.
"Ҳаамҭа иақәшәо ареанимациатә комплексқәа рымазаара акыр ихәарҭоуп амедицина зегь аиԥш, ҷыдала анеонатологиа азгьы", - иҳәеит иара.
Ареанимобиль аахәоуп аусҳәарҭабжьаратә хықәкытә программа "Аҳәынҭқарратә мчра аусбарҭақәеи аусҳәарҭақәеи рзы амаҵзуратә транспорт аахәара" инақәыршәаны.
2020 шықәса рзы ари апрограмма аԥаразоужьразы иазԥхьагәаҭоуп ареспубликатә биуџьет аҿы 15 миллион мааҭ ҳәа.
Иара убас шәаԥхьар ҟалоит:
- Џьопуа ахәыҷтәы хәышәтәырҭа ҿыц аусуразы: акадрқәа рызҵаара иахьоуп ианыӡбатәу
-
Џьопуа ахәыҷтәы хәышәтәырҭазы: хәы-ҟәшак аманы, ԥшь-еихагылакны иҟалоит
Аԥсны аџьармыкьақәа русура аграфик шьақәырӷәӷәоуп
(ирҿыцуп 13:21 22.04.2020)
Аԥсны аиҳабыра мшаԥы 20 инаркны аџьармыкьақәа раартра азин ҟарҵеит. Аџьармыкьақәа мчыбжьык аҩныҵҟа хымш аус рулоит.Аусурамшқәа, аҭиҩцәа ашәарҭадара рықәныҟәара, ахәаахәҭратә обиектқәа рырзҩыдара уҳәа ртәы – Sputnik аматериал аҿы.
Сариа Кәарцхьиаԥҳа, Sputnik
Акоронавирустә инфекциа аҿагылараз иаԥҵоу аԥкыратә уснагӡатәқәа ррежим ыҟанаҵ аџьармыкьақәа русура мчыбжьык ахь хымш имҩаԥгахалоит. Убри аан аџьармыкьақәа рхадарақәеи араионқәа рхадарақәеи еилацәажәаны арҭ амшқәа алыркааит.
Аҟәа
Аҟәатәи аџьармыкьа хада аус ауеит ахәаша, асабша, амҽыша.
"Аҟәа асанитартә ҳақьым хада далархәны ақалақь ахада имҩаԥигаз аилацәажәараҿы аӡбра рыдкылан аџьармыкьа хада аус ауразы иалкаазарц ахәаша, асабша, амҽыша. Ашәахьа инаркны аԥшьашанӡа санитартә мшқәаны ишьоуп", - иҳәеит аџьармыкьа адиректор Алхас Гәыргәлиа.
Аҟәатәи аџьармыкьа аадыртуеит ашьыжь асааҭ 6:00 рзы, аус ауеит асааҭ 16:00 рҟынӡа. Асааҭ 16:00- 19:00 аилыргаратә усурақәа мҩаԥысуеит, асааҭ 19:00 - арзҩыдара.
Гагра араион
Гагра аџьармыкьатә мшқәа ҳәа иалхуп: аҩаша, аԥшьаша, асабша. Убри аан ахәаахәҭыҩцәа ашәарҭадара азыԥхьагәарҭалароуп – асабардақәеи анапҭырԥақәеи ныҟәыргалароуп. Аџьармыкьа аҵакыра дырзҩыдоит.
Абарҭ амшқәа рзы аус ауеит Пицундатәи аџьармыкьагьы. Цандрыԥшьтәи аџьармыкьа аус ауеит аԥшьашеи амҽышеи.
Гагреи Гали араионқәа рҟны акоменданттә сааҭ аԥыхуп
Гәдоуҭа
Гәдоуҭа ақалақь аҿы усутә мшхоит ахәаша, асабша, амҽыша.
Араион ахада Руслан Ладариа иажәақәа рыла, аџьармыкьа ауаа рацәа еизнагоит. Хадара амоуп ашәарҭадара аԥҟарақәа рықәныҟәара.
Гәдоуҭатәи аџьармыкьа аартра аҿҳәаранӡа аусура иалагар алшоит
Очамчыра
Очамчыратәи аџьармыкьа есыҽны аус аулоит. Араион ахада Геннади Ҵәыџьба ишиҳәаз ала ара ауаа маҷуп, аепидемиологиатә шәарҭара ыҟам.
"Очамчыра акарантин аамҭазгьы иаркын ҳәа узҳәом. 15-ҩык рҟынӡа аҭиҩцәа ааир ҟалон. Афатәаалыҵтә дәқьанқәа аус руан. Акоординациатә штаб аӡбра аднакылеит аџьармыкьа адмыркырц. Коронавирус алақәаразы ҳџьармыкьа шәарҭара аҵам", - иҳәеит иара.
Тҟәарчал, Гал
Тҟәарчали Гали аџьармыкьақәа аус руеит ахаша, ахәаша, амҽыша.
Амшаԥныҳәа аламҭалазы галаа аџьармыкьаҿы ахәаахәҭра азин рырҭеит
"Арегламент ҿыци уаанӡатәи ҳаграфики еиқәшәоит. Уаанӡагьы Гал аџьармыкьа хымш аус ауан", - ҳәа иҳәоит Гал араион ахада Омар Бганба.
Аџьармыкьақәа абас аус рулоит лаҵара 1 рҟынӡа. Sputnik аинтервиу азҭаз ареспублика асанитартә ҳақьым хада Лиудмила Скорик илҳәеит иахьазы аџьармыкьақәа русура ауаа рыԥсҭазаара ашәарҭара ишҭанамыргыло.
Бганба Галтәи аџьармыкьа аусуразы: аԥҟара ҿыцқәа ирықәшәеит
"Аҳәынҭқарра иалшо зегь ҟанаҵоит уаҳа авирус ареспубликахь аагара алмыршахарц. Аҭагылазаашьа хылаԥшра амоуп", - лҳәеит лара.
Иахьатәи аамҭазы ахәышәтәырҭа иҭоуп ҩыџьа ауааԥсыра акоронавирус рыманы. Руаӡәк хара имгакәа ахәышәтәырҭа дылырҩрааны дыҟоуп, егьи – COVID-19 ахәышәтәратә стандарт дахрыжьуеит.
Акоронавирус иазку аҵыхәтәантәи ажәабжьқәа шәрыԥхьар ҟалоит абра>>
Акоронавирустә инфекциа даҽа курсантк ицәа иалоуп ҳәа ишьақәырӷәӷәоуп
(ирҿыцуп 00:35 07.06.2020)
Иҳаҩсыз уахыки-ҽнаки рыла акоронавирустә инфекциа рылоу ирыламу агәаҭаразы атестқәа ирхыжьын 45-ҩык Аԥсны атәылауаа. АҞӘА, рашәара 6 - Sputnik. Акоронавирустә инфекциа даҽа курсантк ицәа иалоуп ҳәа ишьақәырӷәӷәоуп, иара Гәдоуҭатәи ахәышәтәырҭахь днагахоит, абри атәы аанацҳауеит COVID-19 ауааԥсыра рацәыхьчаразы Аԥсны аоперативтә штаб.
Иҳаҩсыз уахыки-ҽнаки рыла "Аиҭар" аҟнытә иоушьҭын зкарантинтә аамҭа нҵәаз акурсантцәа: ААР аганахьала ҩыџьа, жәаҩык АҶА акурсантцәа.
Зынӡа апандемиа ааҟалеижьҭеи Аԥсны иахьаҵанакуа акоронавирус рыхьхьеит 36-ҩык ауааԥсыра. Урҭ рахьтә 27-ҩык ргәы бзиахахьеит, аӡәы лыԥсҭазаара далҵит.
Раԥхьаӡа акәны Аԥсны акоронавирус мшаԥымзазы ирыхьит Гагра атәылауаа хҩык, лаҵарамзазы Урыстәылантәи ихынҳәыз аԥсуа курсантцәеи иара убас Москвантәии Шәачантәии ихынҳәыз ҳтәылауааки ирыдбалан COVID-19.
Даҽа быжьҩык акоронавирус рыдбалан рашәара 3 рзы.
Акоронавирус иадҳәалоу ажәабжьқәа шәрыԥхьар ҟалоит абра>>