Преподаватели и студенты посетили родовое село Иуы Когония

Арҵаҩцәеи астудентцәеи Иуа Коӷониа иқыҭа иаҭааит

43
(ирҿыцуп 16:20 06.11.2014)
Аԥснытәи аҳәынҭқарратә университет арҵаҩцәеи астудентцәеи Иуа Коӷониа иқыҭа иаҭааит.

АҞӘА, окт 23 — Спутник Аԥсны. Аԥснытәи аҳәынҭқарратә университет, афилологиатә факультет арҵаҩцәеи астудентцәеи аҭааит апоет Иуа Коӷониа дахьииз ақыҭа Кәтол. Аиԥылара ахьымҩаԥысуаз абжьаратә школ ахь имҩахыҵаанӡа, асасцәа неины ашәҭқәа шьҭарҵеит апоет дахьжу  аҭыԥ аҿы, анаҩс Аԥсны Аџьынџьтәылатәи еибашьраан иҭахаз рбаҟаҿы.

Ахәылԥаз иалахәын, Кәтолтәи абжьаратә школ арҵаҩцәеи аҵаҩцәеи. Аусмҩаԥгатә хықәкыс иаман, Иуа Коӷониа иԥсҭазаареи ирҿиареи ирызку адокументалтә фильм "Ашаеҵәа" ашколхәыҷқәа дырбареи, иажәеинраалақәа рыԥхьареи. Уи авторс, арежиссерс дамоуп афилолог, ажурналист Екатерина Бебиа. Афильм ҭыхын инарылукааша аԥсуа поет-гәлымҵәах Иуа Коӷониа диижьҭеи 110 шықәса аҵра иақәыршәаны. Афильм аҭыхра алыршахеит Аԥснытәи аҳәынҭқарратә университет, афилологиатә факультет астудентцәа рыцхыраарала, урҭ афильм аҿы арольқәа нарыгӡеит.

Ашкол адиректор Марина Анатскаиа афильм автор иҭабуп ҳәа лаҳәо, алкаа ҟалҵеит, ас еиԥш иҟоу аусумҭақәа акыр шрыҵаркуа алитературатә традициақәа реиқәырхареи, рырҿиареи рзы.

Анаҩс, афильм "Ашаеҵәа" ахәҭак арбара мҩаԥысит. Екатерина Бебиа еизаз ирзеиҭалҳәеит, адокументалтә фильм "Ашаеҵәа" аҭыхра ауадаҩрақәа маҷымкәа ишацыз, уи зыхҟьозгьы иахәҭоу амаругақәа ахьрымамыз шакәу. Аха ауадаҩрақәа ргәы шканамыжьыз, зегьы рыдҵақәа шынарыгӡаз. "Ашаеҵәа" ҵакыс иамоу дахцәажәо, автор иазгәалҭеит: "Гәык-ԥсык ала ҳгәы иахылҵыз акоуп… Иуа Коӷониа иеиԥш иҟаз рырҿиамҭақәа, ари доуҳатә мчуп". 

Аԥсуа литература акафедра аиҳабы Диана Аџьынџьал аиԥылара ахә ҳаракны илшьеит: "Агәалашәара ыҟанаҵ, иҟоуп аԥсҭазаара, уи иахьа агәра ҳгартә еиԥш иаабеит ара" — лҳәеит уи.

Ашьҭахь, астудентцәа аԥхьеит Иуа Коӷониа иажәеинраалақәеи, рхатәы аԥҵамҭақәеи.

Аиԥылара еиҿкаан Аԥсуа литература акафедра арҵаҩы, В. П. Анқәаб ихьӡ зху акабинет аиҳабы, астудентцәа еидызкыло арҿиаратә гәыԥ "Ацәыкәбар" анапхгаҩы Ахра Анқәаб иаԥшьгарала.

 

 

 

 

43
Вокзал в Гагре

Тҟәаԥси Гагреи атуристтә ретро-дәыӷба рыбжьалоит

7
(ирҿыцуп 09:27 12.08.2020)
Есыҽны иныҟәо атуристтә ретро-дәыӷба Тҟәаԥс иқәҵлоит ашьыжь асааҭ 05:20 рзы, Гагра иҟалоит асааҭ 10:10 рзы.

АҞӘА, нанҳәа 12 – Sputnik. Тҟәаԥси Гагреи атуристтә ретро-дәыӷба рыбжьалоит нанҳәа 15 инаркны ҳәа арадио Sputnik иазеиҭеиҳәеит АУН "Аԥснеихамҩа" адиректор хада ихаҭыԥуаҩ Игор Маан.

"Адәыӷба аныҟәара иалагоит Урыстәыла аладатәи ахәҭеи Аԥсни рыбжьара апассаџьырцәа рныҟәгара еиҳа арманшәалара ҵаҵӷәыс иҟаҵаны", - иҳәоит иара.

Аретро-дәыӷба 11 вагон рыла еибыҭоуп. Заанаҵтәи аныҟәараамҭа абас ишьақәгылоуп: Тҟәаԥс иқәҵлоит ашьыжь асааҭ 05:20 рзы, Гагра иҟалоит асааҭ 10:10 рзы. Гагрантәи Тҟәаԥсҟа ихынҳәуеит асааҭ 19:55 рзы.

"Аретро-дәыӷба апассаџьырцәа Аԥсны рыҟазаараан аӡиа Риҵа, Сталин идача ирҭаар рылшоит. Ари аҩыза атуристтә дәыӷба раԥхьаӡа акәны аныҟәара иалагеит" - иҳәоит Маан.

Адәыӷбаҿ аплацкарттә вагонқәа хԥа ыҟоуп, азеиԥш вагонқәа хԥа, авагон-ресторанқәа ҩба, акупеитәқәа ҩба, аштабтә вагонқәа акы.

Аԥсни Урыстәылеи рыбжьара апандемиа иахырҟьаны адәыӷбатә еимадара еиԥҟьан. Иара еиҭахацыркхеит нанҳәа 7 рзы.

Иара убас шәаԥхьар ҟалоит:

7

Шәачаа ашоура ӷәӷәа ҟалоит ҳәа ргәы рҽанырҵоит

10
Аҳауагәаҭаҩцәа ишазгәарҭо ала Шәача акурорт иахьаҵанакуа аҳауа 38 градус рҟынӡа ихалоит.

АҞӘА, ԥхынгәы 20- Sputnik. Ԥхынгәы 20 рзы Шәача иахьаҵанакуа ашоура ӷәӷәа ҟалараны иҟоуп, аҳауа ҭыԥқәак рҿы 37 градус рҟынӡа ихалоит ҳәа аанацҳауеит ақалақь ахадара асаит.

Краснодартәи атәылаҿацә АҶА иазԥхьагәанаҭоит аҭагылазаашьа ҷыдақәа: аиланхарҭақәа, аекономикатә обиектқәа, абнарақәа рҟны амцакра ҟалар алшоит ҳәа.

АҶА иазгәанаҭоит амцакра ашәарҭадара аԥҟарақәа ирықәныҟәалазарц.

Иара убас шәаԥхьар ҟалоит:

10

Ажьиԥҳа еиҭалҳәеит Гагра араион аҿы зҭагылазаашьа уадаҩу ашколқәа ртәы

0
(ирҿыцуп 20:25 13.08.2020)
Гагра араион аҵара аҟәша аиҳабы Мадина Ажьиԥҳа арадио Sputnik аефир аҿы еиҭалҳәеит Аԥсны аҵареи абызшәатә политикеи рминистр Инал Габлиа араион аҟны иныҟәараан излацәажәаз азҵаарақәа ртәы.
Раионк аԥсҭазаараҟынтә: Ажьиԥҳа Гагра араион ашколқәеи ахәыҷбаҳчақәеи рҭагылазаашьа атәы

"Ҿыц иргылоу Гагратәи актәи ашкол ҳаҭаан игәаҳҭеит, уи ашәқәа раартразы иагу ыҟоуп, аха ари аамҭа иалагӡаны аусқәа хыркәшахоит. Иара убас иаҭаан ахәыҷбаҳча, иара акапиталтә ремонт азун, аха ашҭаҿы иагу ыҟоуп, уи анагӡаразы адгылара шауа атәы ҳәан. Иааиуа амчыбжь азы ахәыҷқәа рыдкылара ҳалагоит, иахьа уажәраанӡа араион аҿы ахәыҷбаҳчақәа еиуеиԥышм амзызқәа ирхырҟьаны аус руӡом. Арыцхә 20 рзы ахәыҷбаҳчақәа раартразы аҭагылазаашьа ҳауп ҳәа ҳгәыӷуеит. Хшыҩзышьҭра ааҭан иаԥсыуам ашколқәа рҿы аԥсуа бызшәа дырҵаразы аметодика", - ҳәа еиҭалҳәеит Ажьиԥҳа.

Гагра араион аҵара аҟәша аиҳабы еиҭалҳәеит араион аҿы зҭагылазаашьа уадаҩу ашколқәагьы шыҟоу.

"Урҭ руак - Цандрыԥшьтәи аҩбатәи абжьаратә школ ауп, уаҟа 350 инареиҳаны аҵаҩцәа аҵара рҵоит. Аӡымҩангагақәа зынӡагьы инагаӡам, уажәы аҿкы аан ишьақәыргылоу аԥҟарақәа рықәныҟәара даара иуадаҩуп, араион ахадара ҳақәдыргәыӷит ари азҵаара аӡбара адгылара шаиуа ҳәа. Ашкол аартразы иахьӡом, аха мызкы-ҩымз иалагӡаны аусурақәа нагӡахап ҳәа агәыӷра ҳамоуп. Иара убас аҭагылазаашьа уадаҩуп Пицундатәи аурыс школ аҿы, уаҟа аҵара рҵоит 400-ҩык, ашкол ҩ-сменак рыла аус ауан. Аҿкы аҽацәахьчаразы аԥҟарақәа инарықәыршәаны ҩ-сменак зынӡа иаҟәыхтәуп, ари азҵаарагьы ӡбашьак аиуп ҳәа ҳгәы иаанагоит", - ҳәа еиҭалҳәеит Ажьиԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

0