Аԥснытәи акаратист ахьтәы медал ианашьахеит Тарко-Сале имҩаԥысуаз аицлабраҿы

CC0 / / Каратэ
Каратэ - Sputnik Аҧсны
Анапаҵаҩра
Урыстәыла аспорт азҟаза Олег Лавышик игәалашәара иазкыз косики карате азы атурнир мҩаԥысуан ԥхынҷкәын 8 - 9 рзы, Иамалj-Ненецктәи автономтә округ аҿы.

АҞӘА, ԥхынҷкәын 14 – Sputnik, Бадри Есиава. Жә-шықәса зхыҵуа аԥснытәи акаратист Адлеиба Дмитри ахьтәы медал ианашьахеит Урыстәыла аспорт азҟаза Олег Лавышик игәалашәара иазкыз косики карате атурнир аҿы. Атурнир мҩаԥысуан ԥхынҷкәын 8 — 9 рзы, Иамало-Ненецктәи автономтә округ аҿы ҳәа Sputnik иазеиҭеиҳәеит косики карате азы Аԥсны Афедерациа ахада Абхазии Демис Адлеиба.

"Ҳкоманда арҭ аицлабрақәа ирылахәын ҩыџьа аспортсменцәа рыла: Дмитри Адлеибеи Анри Адлеибеи. Дмитри иқәреи икапани ирыҵаркуаз акатегориаҿы актәи аҭыԥ никылеит, Анри иқәымҿиеит, аԥыжәаратә ԥхьахә изымгеит", — ҳәа еиҭеиҳәоит Афедерациа ахада.

Аԥснытәи акаратистцәа раԥхьаӡа акәны арҭ аицлабрақәа ирылахәын. Уаанӡагьы ааԥхьара шроухьазгьы, 2018 шықәса рзы афинанстә ҭагылазаашьа анроу рҽаладырхәит. Ацхыраара ҟанаҵеит абаҩрҵәыреи аспорти рзы Аилак.

Ажәабжьқәа зегьы
0