Дмитрий Гвазава

Дмитри Ӷәазаа авиртуалтә автоеиԥхныҩлара далахәхоит

10
(ирҿыцуп 10:27 14.04.2020)
Онлаин арежим ала авиртуалтә автоеиԥхныҩлара еиҿыркааит аилахәырақәа "Лада", "Роснефть". Иара мҩаԥысраны иҟоуп ахаша, мшаԥы 15 рзы.

АҞӘА, мшаԥы 14– Sputnik, Бадри Есиава. Аԥсуа спортсмен Дмитри Ӷәазаа далахәхоит авиртуалтә автоеиԥхныҩлара "LADA Sport ROSNEFT eRace". Абри атәы Sputnik акорреспондент изеиҭеиҳәеит аспортсмен ихаҭа.

"Ҳәарада аиԥхныҩлараҵәҟьа иузадкылом, аха ас еиҳа еиӷьуп зынӡа акгьы ҟаумҵар аасҭа. Ҽазыҟаҵара дууп. Уи азоуп асеиԥш иҟоу авиртуалтә еиԥхныҩлара зымҩаԥырго", - иҳәеит иара.

Ӷәазаа иҳәеит уажәы иара акарантин дшықәныҟәо, аамҭагьы рацәаны ишимоу аицлабрақәа рылахәхаразы аҽазыҟаҵараз.

Аицлабрақәа ирылахәхоит 33-ҩы пилот. Дара ықәгылоит акласс "Туринг" иатәу автомашьынақәа рыла. Атрассазы иалхуп малаизиатәи Сепанг.

"Иалахәу зегьы профессионалтә пилотцәоуп. Аиааиразы аԥхьахә ҳәа кыр ҟало иҟамло сыздырам", - иҳәеит аспортсмен.

Аспортсмен Москва дыҟоуп. Аамҭа анимоу астимулиатор ала аҽазыҟаҵарақәа мҩаԥигоит.

Иара убас шәаԥхьар ҟалоит: 

10

Хәыҷгьы-дугьы рныҳәа: Аҟәа имҩаԥысит аиндаҭлара "Swim Sukhum"

9
(ирҿыцуп 10:52 09.08.2020)
Cынтәатәи аиндаҭлараҿ иаларгалеит 2700 метра инаӡо адистанциа ҿыц "Аҟәатәи ашыцәа", ари аӡсара рхы аладырхәыр рылшон аԥышәа змоу аӡсаҩцәа.

АҞӘА, нанҳәа 8 – Sputnik, Сария Кәарцхьиаԥҳа. Аиндаҭлара "Swim Sukhum" мҩаԥысит Аԥсны аҳҭнықалақь аҟны асабша, нанҳәа 8 рзы.

Хәыҷи-дуи 400-ҩык инарзынаԥшуа аиндаҭлара иалахәын.

Аицлабра аиҿкааҩцәа ируаӡәку Асҭанда Агрԥҳа лажәақәа рыла, асаит аҟны азыҳәақәа аанзыжьыз шамахамзар зегьы аиндаҭлара рхы аладырхәит.

"Иҟалап, аӡәы-ҩыџьа зымааизар. Егьырҭ зегь ыҟан, иааидкыланы 400-ҩык раҟа хәыҷгьы-дугьы алахәцәа ҳаман", – ҳәа еиҭалҳәеит Агрԥҳа.

Аицлабраҿы адистанциақәа ԥыҭк ыҟан, аха ихадароу 2700 метра инаӡоз адистанциа "Аҟәатәи ашыцәа" раԥхьаӡа акәны "Swim Sukhum" аҳәаақәа ирҭагӡаны имҩаԥысит сынтәа.

Ари адистанциа зҽалазырхәыз аӡсаҩцәа аресторан "Аԥра" асқьала аҟынтә аплиаж "Мокко" аҟынӡа инаӡар акәын. Ари адистанциахь аҽҭаҩра рылшон аԥышәа змоу аӡсаҩцәа мацара.

2700 метра аӡсараҿы ахацәа рахьтә актәи аҭыԥ ааникылеит Олег Недогаров, аҩбатәи – Андреи Степанов, ахԥатәи – Заур Ҭарба.

Аҳәса рахьтә актәи аҭыԥ аанылкылеит Елена Вардимиади, аҩбатәи – Маргарита Ториа, ахԥатәи – Наталиа Воинскаиа.

1000 метра адистанциаҿы ахацәа рахьтә актәи аҭыԥ игеит Егор Журавлиов, аҩбатәи – Артур Василиев, ахԥатәи – Сергеи Ворона.

Аҳәса рахьтә актәи аҭыԥ нылкылеит Полина Слесаренко, аҩбатәи – Наталиа Воинскаиа, ахԥатәи – Иулиа Вардимиади.

Аицлабрақәа рҿы ахәыҷтәы дистанциақәагьы ыҟан. 50 метра рҟны аҷкәынцәа рахьтә актәи аҭыԥ игеит Арсени Теньков, аҩбатәи – Дмитри Раханиан, ахԥатәи – Александр Кравец.

Аӡӷабцәа рахьтә зегь раԥхьа дааит Даниела Нубариан, аҩбатәины – Камилла Квернаӡе, ахԥатәины – Ангелина Рушьак.

  • Swim Sukhum" прошел в столице Абхазии
    © Sputnik / Константин Грецов
  • Swim Sukhum" прошел в столице Абхазии
    © Sputnik / Константин Грецов
  • Swim Sukhum" прошел в столице Абхазии
    © Sputnik / Константин Грецов
  • Соревнования по "Swim Sukhum" в Сухуме
    © Sputnik / Рубен Мигранян
1 / 4
© Sputnik / Константин Грецов
Swim Sukhum" прошел в столице Абхазии

200 метра инаӡоз ахәыҷтәы дистанциаҿы аҷкәынцәа рыбжьара актәи аҭыԥ игеит Ҭемыр Диаченко, аҩбатәи –Давид Нубариан, ахԥатәи – Светогор Евдокимов.

Аӡӷабцәа рахьтә аҭыԥқәа абас еихшахеит: актәи –  Александра Диаченко, аҩбатәи  – Роксана Гилиазелидинова, ахԥатәи – Сария Василиева.

"Ҳара есышықәса арҭ аицлабрақәа мҩаԥаҳгоит, ахәыҷқәа гәахәарала ирылахәуп. Убри аҟнытә дара рзы ныҳәак аҳасабала аиҿкаара ҳҽазаҳшәоит. Зегьы ргәы алаҟаны иҟоуп, еиҳаракгьы ахәыҷқәа", – ҳәа ацылҵеит Асҭанда Агрԥҳа.

Аӡсареи аҩреи зҵазкуаз адуатлон аҟны аиааира игеит Егор Журавлиов, Московатәи аобласт аҟынтә иааз.

Аицлабра иалахәыз руаӡәк – Андреи, рыҩаӡара ҳаракын ҳәа рыхә ишьеит.

"Даара ибзианы еиҿкаауп аицлабра, амедалқәагьы ԥшӡоуп. Сара салахәын 2700 метра инаӡоз адистанциа, иуадаҩӡамызт, исгәаԥхеит. Иманшәаланы сахысит. Раԥхьаӡа акәны ари аицлабра салахәуп ", – иҳәеит Андреи.  

Есышықәсатәи ари аспорттә еицлабра еиҿнакаауеит  – Аԥсны атриатлон афедерациа.

© Sputnik / Константин Грецов
Swim Sukhum" прошел в столице Абхазии

 

9

Аицлабра "Swim Sukhum" мҩаԥысраны иҟоуп нанҳәа 8 рзы

10
(ирҿыцуп 13:55 05.08.2020)
Аицлабра "Swim Sukhum" Аԥсны хышықәсоуп имҩаԥысуеижьҭеи, иара еиднакылоит ҩ-спортхкык: аҩреи аӡсареи.

АҞӘА, нанҳәа 5 – Sputnik. Аицлабра "Swim Sukhum" Аҟәа имҩаԥысраны иҟоуп асабша, нанҳәа 8 рзы ҳәа арадио Sputnik иазеиҭеиҳәеит Аԥсны атриатлон афедерациа аиҳабы Борис Барцыц.

Иара иажәақәа рыла, сынтәа иалагалоуп адистанциа ҿыц – 2700 метра, хьӡыс иарҭеит "Аҟәатәи ашыцәа". Аӡсаҩцәа аресторан "Аԥра" абаӷәазаҟынтәи Мокко-плиаж аҟынӡа инаӡароуп. Барцыц ишиҳәаз ала, ари адистанциа рықәҿиар ҽааны еиҳагьы ихароу адистанциа аларгалар ҟалоит.

"50 - 1000 метра иҟоу адистанциа изҭаху зегь алахәхар ауазар, ари адистанциахь инаҳашьҭуа аԥышәа змоу роуп", - ҳәа иҳәоит Барцыц.

Ашәарҭадара аиқәыршәаразы аиҿкааҩцәа ацхыраара иаҳәеит Аԥсны АҶА, аҟәатәи ашхәа-клуб, асерф-еилазаара рҟазауаа рҟны.

"Изҭаху аҭел иаҳзасыр ҟалоит. Ҳара ишәеилҳаркаауеит аӡсаҩцәа ацхыраара рыҭара шалшо. Заҟаҩ адгылаҩцәа ҟало аҟара имариахоит ауснагӡатә амҩаԥгарагьы", - ҳәа иҳәеит Барцыц.

"Swim Sukhum" аҳәаақәа ирҭагӡаны 2019 шықәса аԥхынразы имҩаԥысит аӡсареи амшынтә дуатлони рзы аиндаҭлара. Сынтәа аиҿкааҩцәа ирыӡбеит ахәыҷқәа рзы аиндаҭларахк ҿыц ҟарҵарц.

Ари аиндаҭлараҿы рҽеиҭнырыԥсахлоит аспорттә дисциплинақәа ҩба – аӡсареи аиԥхныҩлареи. Ахәыҷтәы дистанциа аӡсараҿы 50 метра инаӡоит, аҩраҿы - 100 метрак. Ахәыҷқәа рышьҭахь еицлабуеит адуцәа. Урҭ рыӡсаратә дистанциа – 100 метрак иҟоуп, рыҩратә – 200 метра.

Иара убас шәаԥхьар ҟалоит:

10
Семен Пегов

Минск иаанкылаз урыстәылатәи ажурналист Семион Пегов доушьҭуп

4
(ирҿыцуп 21:50 10.08.2020)
Ажурналист Семион Пегов Минск, нанҳәа 9 рзтәи аилаҩеиласрақәа раан дшаанкылаз атәы рылаирҵәеит "Комсомольская правда" акорреспондент Александр Коц.

АҞӘА, нанҳәа 10 - Sputnik. Минск иаанкылаз урыстәылатәи ажурналист Семион Пегов азинеилагаҩцәа ахьҭаркуа Ацентр аҟынтә доушьҭуп, абри атәы аанацҳауеит Sputnik Беларусь Telegram-канал.

Белоруссиа иҟоу Урыстәыла ацҳаражәҳәаҩ адырра ҟаиҵахьан, Семион Пегов аҩаша аҩныҟа дхынҳәырц шилшо.

Белоруссиа алхрақәа мҩаԥысит нанҳәа 9 рзы. Алхырҭатә ҭыԥқәа шадыркызҵәҟьа, Минск зиншьаҭада аҿагыларатә акциақәа ирылагеит Белоруссиа ақалақьқәак рҿы.

Ажурналист Семион Пегов Минск дааныркылеит нанҳәа 9 ауха. "Комсомольская правда" арратә корреспондент Александр Коц иӡыригеит
Пегов дшааныркылоз акадырқәа.

Белоруссиатәи амчрақәа рахь ааԥхьара ҟалҵеит RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Аԥсны ажурналистцәа Реидгыла Белоруссиа амчрақәа рахь ааԥхьара ҟанаҵеит Минск имҩаԥысуаз аҿагыларатә акциақәа раан иаанкыло ажурналистцәа рхы рақәиҭтәразы.

Семион Пегов – апоет, урыстәылатәи афедералтә телеканалқәа рырратә корреспондент, апроект WarGonzo аиҿкааҩ. Диит 1985 шықәса рзы. Иҩымҭақәа кьыԥхьын альманахқәа "Под часами", "Персона", "Современники". Пушкин ихьӡ зху афестиваль "С веком наравне-2008" алауреат, ашәҟәыҩҩцәа ҿарацәа р-Форум "Липки-2011"алахәыла. Семион Пегов 2008 - 2013 шықәсқәа рзы Аҟәа, ателекеилахәыра "Абаза-ТВ" аҟны аус иуан, "Нужная газета", "Чегемская правда", "Новый день" иҩымҭақәа ркьыԥхьуан.

Иара убас шәаԥхьар ҟалоит:

 

4