Очамчыратәи "Ерцахә" ашьапылампылтә чемпионат актәи ахәмарраҿы аиааира агеит

12
(ирҿыцуп 11:13 05.08.2020)
Ашьапылампыл азы Аԥсны 27-тәи ачемпионат мҩаԥгахоит ҩ-еикәыршаракны, быжьба-быжьба тур рыла.

АҞӘА, нанҳәа 5 – Sputnik. Ашьапылампыл азы Аԥсны 27-тәи ачемпионат актәи ахәмарраҟны очамчыратәи "Ерцахә" аиааира агеит галтәи "Самырзаҟан" аҟны 1:0 ҳәа Sputnik иазеиҭеиҳәеит Аԥсны ашьапылампылтә лига адиректор Витали Федоренко.

"Ахәмарра еиҿкаарала имҩаԥган. Актәи атаим аан очамчыраа хәынтә алшара рыман ампыл амба аҭаршәразы, аха рхы ирзамырхәеит. Галаагьы усеиԥш рыхьит. Аҩбатәи атаим аан акарточка ҩеижь иоуны ахәмарра далган "Самырзаҟан" ахәмарыҩ. Аԥҟаррақәа реилагаразы пенальти рылаҳәан", - иҳәеит иара.

Жәеизаметратәи аҭыԥ аҟынтәи очамчыратәи "Ерцахә" 1:0 ҳәа аԥыжәара роуит. Ампыл ҭаршәын 82-тәи аминуҭ азы.

Ашьапылампыл азы Аԥсны 27-тәи ачемпионат мҩаԥгахоит ҩ-еикәыршаракны, быжьба-быжьба тур рыла. Еикәшарак аҟны 21 хәмарра мҩаԥгахоит.
26-тәи ачемпионат иалахәын ф-командак – "Нарҭ", "Гагра", "Риҵа" "Афон", "Самырзаҟан", "Динамо".

2019 шықәса рзы иҟалараны иҟаз ачемпионат аҟны афинанстә проблемақәа ирыхҟьаны акомандақәа "Афони" "Самырзаҟани" ақәгылара мап ацәыркит, Аԥсны ашьапылампыл азы афедерациаҿы ирыӡбеит ахәмаррақәа 2020 шықәса рахь ииагахарц.

12

Рустам Амԥар Џьек Миуллер дииааит Ниу-Иорк зых иақәиҭу ақәԥаразы атурнир аҿы

14
(ирҿыцуп 13:13 18.09.2020)
Атурнир аҳәаақәа ирҭагӡаны Еиду Америкатәи аштатқәа рҿы имҩаԥган ф-қәгыларак. Дара ирылахәын ахацәа реиԥш аҳәсагьы.

АҞӘА, цәыббра 18 – Sputnik. Рустам Амԥар Џьек Миуллер дииааит цәыббра 17 ауха Ниу-Иорк имҩаԥысуаз зых иақәиҭу ақәԥаразы атурнир "Beat the Streets" аҿы ҳәа аанацҳауеит Аԥсны аспорт азы Аҳәынҭеилакы.

Аԥсуа спортсмен даиааит Еиду Америкатәи аштатқәа еизгоу акомандаҿ иреиӷьқәоу иреиуоу, 10:6 ҳәа.

"Аԥсны аспорт азы Аҳәынҭеилакы ахантәаҩы Џьамал Гәбаз Рустам Амԥар аиааира идиныҳәалеит, изеиӷьеишьеит ԥхьаҟагьы ақәҿиарақәа, аиааира ҿыцқәа", - аҳәоит Аԥсны аспорт азы Аҳәынҭеилакы адырраҭараҿы.

Рустам Амԥар – жәларбжьаратәи акласс иатәу аспорт азҟаза, Урыстәыла ақәыԥшцәа рыбжьара аиндаҭлара аиааиҩы, Европеи адунеии рҟны ақәыԥшцәа рыбжьара аиндаҭлара апризиор, адунеи Ахраҿа занашьоу, Иван Иарыгин ихьӡ зху аиндаҭлараҿы Гран-при занашьоу.

Иара убас шәаԥхьар ҟалоит:

14

Аԥсуа қәԥаҩы Ниу-Иорк зых иақәиҭу ақәԥаразы атурнир далахәхоит

8
Атурнир аҳәаақәа ирҭагӡаны ф-қәгыларак мҩаԥгахоит. Ақәгыларақәа ирылахәхоит ахацәа реиԥш аҳәсагьы.

АҞӘА, цәыббра 15 – Sputnik. Аԥсуа спортсмен Рустам Амԥар цәыббра 17 рзы Ниу-Иорк имҩаԥысраны иҟоу зых иақәиҭу ақәԥаразы атурнир "Beat the Streets" далахәхоит. Абри атәы аанацҳауеит Аԥсны аспорт азы Аҳәынҭеилакы.

Рустам Амԥар диндаҭлоит ЕАА еизгоу акоманда иреиӷьу ақәԥаҩцәа иреиуоу Џьек Миуллер.

"Акоммерциатә турнирқәа рыбжьара - ари зегь реиҳа иаарылукаартә иҟоу иреиуоуп. Атурнир мҩаԥысуеит Ниу-Иорк амҩадуқәа ирхадоу руак аҿы. Аха сынтәа ахәаԥшцәа рыда имҩаԥгахаргьы алшоит, иҟалоит ахыбра аҩныҵҟа акәхаргьы", - азгәеиҭеит Рустам Амԥар.

Атурнир аҳәаақәа ирҭагӡаны ф-қәгыларак мҩаԥгахоит. Ақәгыларақәа ирылахәхоит ахацәа реиԥш аҳәсагьы.

Рустам Амԥар – жәларбжьаратәи акласс иатәу аспорт азҟаза, Урыстәыла ақәыԥшцәа рыбжьара аиндаҭлара аиааиҩы, Европеи адунеии рҟны ақәыԥшцәа рыбжьара аиндаҭлара апризиор, адунеи Ахраҿа занашьоу, Иван Иарыгин ихьӡ зху аиндаҭлараҿы Гран-при занашьоу.

8
Гурам Шоуа

Раионк аԥсҭазаараҟынтә: Шьоууа авирус змоу рзы ахәышәтәырҭақәа рҿы аҭыԥқәа раартразы

0
(ирҿыцуп 19:22 22.09.2020)
Гәылрыԥшьтәи арратә госпиталь аҳақьым хада Гәырам Шьоууа арадио Sputnik аефир аҿы еиҭеиҳәеит акороновирус змоу рзы Агәыӡера ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Шьоуа авирус змоу рзы ахәышәтәырҭақа рҿы аҭыԥқәа раартразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра уҳәа убас. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Ари ачымазара зыхьуа ҳзаанагоит, урҭ ҳрыхәаԥшуеит нас ишахәҭоу аҭыԥ иқәаҳҵоит, шьоукы аҩныҟа, шьоукы – Гәдоуҭаҟа, аха уи анализқәа рҭак анҳаулак ашьҭахь. Ахәышәтәырҭа атерапиа аҟәшаҿы архиара ҳаҿуп 40-ҩык рҭыԥ ари ачымазара зыхьуа рышьҭаҵаразы, аха макьана хаз аҟәша аашәырты ҳәа адҵа ҳмоуӡац. Иахьазы дҵас иҳамоу: ачымазаҩцәа ашоура змоу, Агәыӡера рыдкылара, нас ишахәҭоу аус рыдулароуп. Ахәышәтәырҭаҿы акоронавирус аҟынтә иахьазы анализ аҭак иазыԥшу ҳәа аӡәгьы дыҟам, зегьы аҩны итәоуп. Дара есымша аҭел ҳарзасуеит, рҭагылазаашьа еилаҳкаауеит. Анализ аҭак анааилак нас рыхәшәтәразы даҽа мҩак ылаҳхуеит. Аҩны рҽырхәышәтәуеит 16-ҩык рҟынӡа", - ҳәа еиҭеиҳәеит Шьоууа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

0