Аицлабра "Swim Sukhum" мҩаԥысраны иҟоуп нанҳәа 8 рзы

11
(ирҿыцуп 13:55 05.08.2020)
Аицлабра "Swim Sukhum" Аԥсны хышықәсоуп имҩаԥысуеижьҭеи, иара еиднакылоит ҩ-спортхкык: аҩреи аӡсареи.

АҞӘА, нанҳәа 5 – Sputnik. Аицлабра "Swim Sukhum" Аҟәа имҩаԥысраны иҟоуп асабша, нанҳәа 8 рзы ҳәа арадио Sputnik иазеиҭеиҳәеит Аԥсны атриатлон афедерациа аиҳабы Борис Барцыц.

Иара иажәақәа рыла, сынтәа иалагалоуп адистанциа ҿыц – 2700 метра, хьӡыс иарҭеит "Аҟәатәи ашыцәа". Аӡсаҩцәа аресторан "Аԥра" абаӷәазаҟынтәи Мокко-плиаж аҟынӡа инаӡароуп. Барцыц ишиҳәаз ала, ари адистанциа рықәҿиар ҽааны еиҳагьы ихароу адистанциа аларгалар ҟалоит.

"50 - 1000 метра иҟоу адистанциа изҭаху зегь алахәхар ауазар, ари адистанциахь инаҳашьҭуа аԥышәа змоу роуп", - ҳәа иҳәоит Барцыц.

Ашәарҭадара аиқәыршәаразы аиҿкааҩцәа ацхыраара иаҳәеит Аԥсны АҶА, аҟәатәи ашхәа-клуб, асерф-еилазаара рҟазауаа рҟны.

"Изҭаху аҭел иаҳзасыр ҟалоит. Ҳара ишәеилҳаркаауеит аӡсаҩцәа ацхыраара рыҭара шалшо. Заҟаҩ адгылаҩцәа ҟало аҟара имариахоит ауснагӡатә амҩаԥгарагьы", - ҳәа иҳәеит Барцыц.

"Swim Sukhum" аҳәаақәа ирҭагӡаны 2019 шықәса аԥхынразы имҩаԥысит аӡсареи амшынтә дуатлони рзы аиндаҭлара. Сынтәа аиҿкааҩцәа ирыӡбеит ахәыҷқәа рзы аиндаҭларахк ҿыц ҟарҵарц.

Ари аиндаҭлараҿы рҽеиҭнырыԥсахлоит аспорттә дисциплинақәа ҩба – аӡсареи аиԥхныҩлареи. Ахәыҷтәы дистанциа аӡсараҿы 50 метра инаӡоит, аҩраҿы - 100 метрак. Ахәыҷқәа рышьҭахь еицлабуеит адуцәа. Урҭ рыӡсаратә дистанциа – 100 метрак иҟоуп, рыҩратә – 200 метра.

Иара убас шәаԥхьар ҟалоит:

11

Гагра имҩаԥысит аԥкьаҭасразы атурнир "Ахылԥа ду"

5
(ирҿыцуп 17:21 28.09.2020)
XIX Жәларбжьаратәи аԥкьаҭасразы атурнир "Аԥсуа хылԥа ду" мҩаԥысит Гагра, цәыббра 26 - 27 рзы. Атурнир аԥхьахәқәа: "Ахьтәы", "Араӡынтәы", "Аџьаз уарбақәа" рзы еиндаҭлон 24-ҩык аԥкьаҭасыҩцәа.

АҞӘА, цәыббра 28 – Sputnik. Гагра, цәыббра 26 - 27 рзы имҩаԥысит XIX Жәларбжьаратәи аԥкьаҭасразы атурнир "Аԥсуа хылԥа ду - 2020" .

Атурнир аԥхьахәқәа: "Ахьтәы", "Араӡынтәы", "Аџьаз уарбақәа" рзы еиндаҭлон 24-ҩык аԥкьаҭасыҩцәа.

"Актәи аҭыԥ ааныркылеит: Сергеи Залиотини (Урыстәыла Афырхаҵа, аԥырҩы-акосмонавт – Москва) Николаи Калиниченкои (Мордовиа аԥкьаҭасразы Афедерациа ахада – Саранск). Араӡны уарбақәа ранашьахеит: Владимир Барашкови (азинхьчаратә маҵзурақәа р-Ассоциациа – Москва) Игор Колосови (2-тәи аранг акаԥдан – Севастополь). Ахԥатәи аҭыԥ ааныркылеит: Владислав Литвиненкои (амедицинатә ҭҵаарадыррақәа ркандидат, аҳақьым) Станислав Синиавскии (анаплакҩы)",  - ҳәа аанацҳаит Затулини ИАР атәылақәа ринститути рыпресс-маҵзура.

Атурнир еиҿыркааит: аԥкьаҭасразы Урыстәыла Афедерациа анапхгара алахәыла, Аҳәынҭқарратә Дума адепутат Константин Затулини ИАР атәылақәа ринститути, Шәача аҩызцәа рыклуби, аԥкьаҭасразы Аклуб "Ахылԥа дуи", Гагарин ихьӡ зху аԥрыҩцәа-акосмонавтцәа аԥкьаҭасразы рыклуби. Адгылара аиҭеит Аԥсны ахада Аслан Бжьаниа, урыстәылатәи аҳәынҭеилакы "Ростех", ОАО "Рособоронэкспорт", Урыстәыла ахада ихаҭыԥуаҩ Игор Левитин, асенатор Арсен Каноков.

Константин Затулин ишазгәеиҭаз ала, атурнир ҩаӡара ҳаракыла имҩаԥгахеит.

"Аԥсуа хылԥа ду - 2020" хыркәшахеит. Нагӡара рымазааит "Аԥсуа хылԥа ду - 2021". Иҭабуп идуӡӡаны: амра, аҳауа, аӡы, Аԥсны, аԥсуа жәлар!".

Аԥкьаҭ асразы атурнир мҩаԥысуеит 2001 шықәса раахыс. Атурнир мҩаԥгамызт 2004 шықәса рзы Беслантәи арыцҳара инамаданы.

Атурнир амҩаԥгара аԥшьган аԥкьаҭ абзиабаҩцәа рҭахрала. Еиҿкааз аклуб "Ахылԥа ду" напхгара аиҭоит Константин Затулин.

5
Стадион Динамо

Аҟәа ахадара абаланс ахь иагоит астадион "Динамо"

9
(ирҿыцуп 12:39 27.09.2020)
Астадион "Динамо" аргылара хыркәшан 2014 шықәсазы. Иахьатәи аамҭазы ари ахыбра амчратә усбарҭак анапаҵаҟа иҟам.

АҞӘА, цәыббра 27 - Sputnik. Аҟәа ақалақь ахадара ахатә баланс ахь астадион "Динамо" агара иазыхиоуп, уи аныҟәгара иадҳәалоу ахарџьқәагьы зегьы надкыланы ҳәа аҳәамҭа ҟаиҵеит аҳҭнықалақь ахада Беслан Ешба. Абри атәы аанацҳауеит ақалақь ахадара асаит.

Ешба иажәақәа рыла, астадион азҵаара иахәаԥшуеит Аминистрцәа Реилазаара иааиуа аилатәараҿы.

Ахәаша, цәыббра 25 рзы астадион аҿы имҩаԥысуан Аԥсни Донецк жәлар рреспубликеи ркомандақәа рыхәмарра. Аматч аанкылатәхеит, избан акәзар аҩбатәи азбжа алагамҭазы астадион аҟны алашара ыцәеит.

2018 шықәсазы Аԥсны аԥыза-министр Геннади Гагәылиа инапы аҵаиҩит аусдҵа Аинвестпрограммала иргылаз, ма еиҭашьақәыргылаз аспорттә обиектқәа анагӡаратә мчра аусбарҭақәа рбаланс ахь радкыларазы ҳәа, абри астадионгьы уахь иналаҵаны. Уи аусдҵа инақәыршәаны, астадион "Динамо" Аҟәа ақалақь ахадара абаланс ахь иаднакылар акәын. 

Астадион "Динамо" аргылара иалагеит 2012 шықәсазы, ихыркәшан 2014 шықәсазы. Аргылара иақәхарџьын 658 миллион мааҭ. Астадион ҿыц "Динамо" аҟны раԥхьатәи аофициалтә хәмарра мҩаԥысит 2015 шықәса, нанҳәа 27 рзы. Аҟәатәи астадион "Динамо" 4300-ҩык ауаа рҭыԥ амоуп. 

 

 

9

Раионк аԥсҭазаараҟынтә: Гамгьиа авирус змоу Гал рыхәышәтәразы

0
(ирҿыцуп 20:03 28.09.2020)
Гал араион ахәышәтәырҭа хада аҳақьым хада Асҭамыр Гамгьиа арадио Sputnik аефир аҿы еиҭеиҳәеит акоронавирус змоу рзы Галтәи ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Гамгиа авирус змоу Гал рыхәшәтәразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Амза 15 рҟынӡа еиқәыршәатәуп аҟәша. Иҳаԥшааит аҭыԥ. Усҟан ацхыраара лас астанциа ахьыҟаз аҭыԥ аҿы 10 каруаҭк алаҳхырц азы. Асмета ҟаҳҵеит, иаҭаху азы ашәҟәқәа ҳҩит, иааиуа амшқәа рзы иҳашьҭуеит. Иаарласны ашоура змоу зегьы убри аҟәшахьы инаганы, акоронавирус азы анализқәа ҟарҵаанӡа уа иҟалоит. Аҳақьымцәа уаҟа аус зуло алҳаԥшаахьеит, амедиаҳәшьцәа ракәзар, урҭгьы ҟалоит. Иааиуа амзазы Гәдоуҭатәи ахәышәтәарҭахь иҳашьҭраны иҟоуп бригадак, урҭ еиқәҳаршәахьеит. Сгәы ианаагоит аҳақьымцәа уаарыдтәалан ишрыхәҭоу аинформациа дара рҟынӡа инаугар, аҿкы ахәышәтәра ҳҭахым ҳәа зҳәо даара имаҷхоит. Аибашьраан доусы иара иус идыруан, уажәы аҭынч ԥсҭазаараҿгьы џьара гәаҟрак ҟалар, аҳақьымцәа ирдыруазароуп дара рыда ажәлар ԥсыхәа шрымам", - ҳәа еиҭеиҳәеит Гамгьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

0