Хәыҷгьы-дугьы рныҳәа: Аҟәа имҩаԥысит аиндаҭлара "Swim Sukhum"

10
(ирҿыцуп 10:52 09.08.2020)
Cынтәатәи аиндаҭлараҿ иаларгалеит 2700 метра инаӡо адистанциа ҿыц "Аҟәатәи ашыцәа", ари аӡсара рхы аладырхәыр рылшон аԥышәа змоу аӡсаҩцәа.

АҞӘА, нанҳәа 8 – Sputnik, Сария Кәарцхьиаԥҳа. Аиндаҭлара "Swim Sukhum" мҩаԥысит Аԥсны аҳҭнықалақь аҟны асабша, нанҳәа 8 рзы.

Хәыҷи-дуи 400-ҩык инарзынаԥшуа аиндаҭлара иалахәын.

Аицлабра аиҿкааҩцәа ируаӡәку Асҭанда Агрԥҳа лажәақәа рыла, асаит аҟны азыҳәақәа аанзыжьыз шамахамзар зегьы аиндаҭлара рхы аладырхәит.

"Иҟалап, аӡәы-ҩыџьа зымааизар. Егьырҭ зегь ыҟан, иааидкыланы 400-ҩык раҟа хәыҷгьы-дугьы алахәцәа ҳаман", – ҳәа еиҭалҳәеит Агрԥҳа.

Аицлабраҿы адистанциақәа ԥыҭк ыҟан, аха ихадароу 2700 метра инаӡоз адистанциа "Аҟәатәи ашыцәа" раԥхьаӡа акәны "Swim Sukhum" аҳәаақәа ирҭагӡаны имҩаԥысит сынтәа.

Ари адистанциа зҽалазырхәыз аӡсаҩцәа аресторан "Аԥра" асқьала аҟынтә аплиаж "Мокко" аҟынӡа инаӡар акәын. Ари адистанциахь аҽҭаҩра рылшон аԥышәа змоу аӡсаҩцәа мацара.

2700 метра аӡсараҿы ахацәа рахьтә актәи аҭыԥ ааникылеит Олег Недогаров, аҩбатәи – Андреи Степанов, ахԥатәи – Заур Ҭарба.

Аҳәса рахьтә актәи аҭыԥ аанылкылеит Елена Вардимиади, аҩбатәи – Маргарита Ториа, ахԥатәи – Наталиа Воинскаиа.

1000 метра адистанциаҿы ахацәа рахьтә актәи аҭыԥ игеит Егор Журавлиов, аҩбатәи – Артур Василиев, ахԥатәи – Сергеи Ворона.

Аҳәса рахьтә актәи аҭыԥ нылкылеит Полина Слесаренко, аҩбатәи – Наталиа Воинскаиа, ахԥатәи – Иулиа Вардимиади.

Аицлабрақәа рҿы ахәыҷтәы дистанциақәагьы ыҟан. 50 метра рҟны аҷкәынцәа рахьтә актәи аҭыԥ игеит Арсени Теньков, аҩбатәи – Дмитри Раханиан, ахԥатәи – Александр Кравец.

Аӡӷабцәа рахьтә зегь раԥхьа дааит Даниела Нубариан, аҩбатәины – Камилла Квернаӡе, ахԥатәины – Ангелина Рушьак.

  • Swim Sukhum" прошел в столице Абхазии
    © Sputnik / Константин Грецов
  • Swim Sukhum" прошел в столице Абхазии
    © Sputnik / Константин Грецов
  • Swim Sukhum" прошел в столице Абхазии
    © Sputnik / Константин Грецов
  • Соревнования по "Swim Sukhum" в Сухуме
    © Sputnik / Рубен Мигранян
1 / 4
© Sputnik / Константин Грецов
Swim Sukhum" прошел в столице Абхазии

200 метра инаӡоз ахәыҷтәы дистанциаҿы аҷкәынцәа рыбжьара актәи аҭыԥ игеит Ҭемыр Диаченко, аҩбатәи –Давид Нубариан, ахԥатәи – Светогор Евдокимов.

Аӡӷабцәа рахьтә аҭыԥқәа абас еихшахеит: актәи –  Александра Диаченко, аҩбатәи  – Роксана Гилиазелидинова, ахԥатәи – Сария Василиева.

"Ҳара есышықәса арҭ аицлабрақәа мҩаԥаҳгоит, ахәыҷқәа гәахәарала ирылахәуп. Убри аҟнытә дара рзы ныҳәак аҳасабала аиҿкаара ҳҽазаҳшәоит. Зегьы ргәы алаҟаны иҟоуп, еиҳаракгьы ахәыҷқәа", – ҳәа ацылҵеит Асҭанда Агрԥҳа.

Аӡсареи аҩреи зҵазкуаз адуатлон аҟны аиааира игеит Егор Журавлиов, Московатәи аобласт аҟынтә иааз.

Аицлабра иалахәыз руаӡәк – Андреи, рыҩаӡара ҳаракын ҳәа рыхә ишьеит.

"Даара ибзианы еиҿкаауп аицлабра, амедалқәагьы ԥшӡоуп. Сара салахәын 2700 метра инаӡоз адистанциа, иуадаҩӡамызт, исгәаԥхеит. Иманшәаланы сахысит. Раԥхьаӡа акәны ари аицлабра салахәуп ", – иҳәеит Андреи.  

Есышықәсатәи ари аспорттә еицлабра еиҿнакаауеит  – Аԥсны атриатлон афедерациа.

© Sputnik / Константин Грецов
Swim Sukhum" прошел в столице Абхазии

 

10

Аҟәатәи "Нарҭ" ашьапылампыл азы Аԥсны иачемпионхеит

45
(ирҿыцуп 19:25 25.10.2020)
Амҽыша, жьҭаара 25 рзы акомандақәа "Нарҭи" (Аҟәа) "Афони" (Афон Ҿыц) реиԥыларала имҩаԥысит ашьапылампыл азы Аԥсны ачемпионат аҵыхәтәантәи ахәмарра.

АҞӘА, жьҭаара 25 - Sputnik, Асмаҭ Ҵәыџьԥҳа. Аҟәатәи "Нарҭ" ашьапылампыл азы Аԥсны иачемпионхеит, ашьапылампылтә клуб "Афон" ианаиааи ашьҭахь ҳәа Sputnik иазеиҭеиҳәеит Аԥсны ашьапылампылазы Афедерациа ахада Витали Федоренко.

Аҟәатәи аклуб Афонҿыцтәи акоманда иаԥнагеит 3:0 ҳәа ашьапылампыл азы Ачемпионат аҵыхәтәантәи атур аҿы.

"Нарҭ" хымԥада аиааира аиур акәын, избанзар еиҭахарыла ма аҵахарыла ихәмарыр актәи аҭыԥ зауаз гәдоуҭатәи "Риҵа" акәхон. Убри азы акоманда аханатә аиааира ахы ақәкны иҟан", - ҳәа азгәеиҭеит Федоренко.

Актәи атаим 1:0 ҳәа "Нарҭ" аиааирала инҵәеит. Ахәмарра ахәбатәи аминуҭ аан ампыл амба иҭаиршәит Ҭемыр Агрба, иара аҽазныкгьы,  60-тәи аминуҭ азы ампыл ҭаиршәит. 71-тәи аминуҭ азы ахԥатәи ампыл амба иҭаиршәит Алан Кәыҵниа.

Аҩбатәи атаим аан аӡбаҩ аҟәатәи акоманда ахәмарыҩ Асҭамыр Џьынџьал далицеит. Абри ашьҭахь "Нарҭ" жәаҩыкны ихәмаруан.

"Ус шакәызгьы акоманда "Афон" иаԥнагеит, ҩ-мпылк амба иҭаршәын", - ҳәа иҳәеит Федоренко.

© Sputnik / Томас Тхайцук
Финал чемпионата Абхазии по футболу

Ачемпионат аихшьаалақәа рыла "араӡны" аиуит гәдоуҭатәи "Риҵа", ахԥатәи аҭыԥ ннакылеит аҟәатәи акоманда "Динамо".

45

Аԥсуа шахматасыҩцәа онлаин-хәмарраҿы Ҭаҭарсҭан акоманда ириааит

6
(ирҿыцуп 17:16 08.10.2020)
Онлаин-турнир аҿы ихәмаруаз Аԥснытәи акоманда иалахәын жәаҩык ашахматасыҩцәа, аԥышәа змоу риеԥш аҿаргьы.

АҞӘА, жьҭаара 8 – Sputnik, Асмаҭ Ҵәыџьԥҳа. Аԥснытәи ашахматасыҩцәа ркоманда Ҭаҭарсҭанаа ркоманда ириааит онлаин-турнир аҿы. Атурнир еиҿкаан Россотрудничество ацхыраарала ҳәа Sputnik иазеиҭеиҳәеит атурнир администратор Алмас Багаҭелиа.

Иара иажәақәа рыла, сынтәа иӡбан ачемпионат онлаин формат ала имҩаԥгазарц.

Онлаин-турнир аҿы ихәмаруаз Аԥснытәи акоманда иалахәын жәаҩык ашахматасыҩцәа, аԥышәа змоу риеԥш аҿаргьы. Акоманда иалахәын Аԥсны ашахмат азы Афедерациа ахада Константин Ҭыжәба, Россотрудничество ахаҭарнак Борис Наҟоԥиа, ашахматасыҩцәа Артиом Табариани Ҭемыр Лакербаиеи, аҿар: Нестор Багаҭелиеи Сарида Лакәатааԥҳаи.

Аиааиҩы далкаан азеиԥш балл ахыԥхьаӡарала. Аԥснытәи акоманда аиааира агеит 14:6 ҳәа.

"Ахәмарыҩцәа ҩба-ҩба партиа ихәмаруан – аиқәаҵәақәеи ашкәакәақәеи рыла. Ҭаҭарсҭан акоманда алахәылацәа акыр аԥышәа рымоуп, иҟоуп аспорт азҟазаразы акандидатцәагьы. Ҳара ҳахәмарыҩцәа уажәшьҭа онлаин-формат иашьцылеит", - ҳәа иҳәеит Багаҭелиа.

Багаҭелиа иажәақәа рыла, иазыԥхьагәаҭоуп онлаин турнир ҿыцқәа рымҩаԥгара Россотрудничествои ареспублика Ашахматтә федерациеи рыцхыраарала.

6

Кирвалԥҳа Очамчыра арентген аппарат аҟамзааразы: даҽа аамҭанык еиԥшымкәа иаҭахуп

0
(ирҿыцуп 10:34 26.10.2020)
Адырраҭара "Шьыжьбзиа Аԥсынтәыла" амҩаԥгаҩ Камила Кирвалԥҳа арадио Sputnik аефир аҿы еиҭалҳәеит COVID-19 ахәышәтәраан Очамчыра араион аҿы ауааԥсыра ирԥыло ауадаҩрақәа ртәы.
Кирвалԥҳа Очамчыра арентген аппарат аҟамзааразы: даҽа аамҭанык еиԥшымкәа иаҭахуп

Очамчыра араион аҿы иҟам арентген аппарат, уи аус ауӡом, ачымазара змоу ррыԥҳақәа рҭагылазаашьа гәарҭацаз араион анҭыҵ ицароуп ҳәа еиҭалҳәеит Кирвалԥҳа арадио аефир аҿы.

"Очамчыра араион дууп, 27 қыҭа ахьыҟоу ауаагьы рхыԥхьаӡара рацәоуп. Раԥхьа ачымазаҩ дахьнеиуа араионтә хәышәтәырҭахь ауп. Аҳақьым данысзыӡырҩ ашьҭахь арентген ҟаҵатәуп ҳәа салҳәеит, ахәышәтәырҭаҿы аппарат ахьыҟамыз азы Аҟәаҟа сцар акәхеит. Актәи амш азы санца, уа агәаран сықәгылан сааҭки бжаки инарзынаԥшуа ашоура шсымаз. Усҟан срыԥҳақәа цқьоуп ҳәа сарҳәеит. Мышқәак анабжьыс аҩынтә раангьы сцар акәхеит. Агәаран сшықәгылаз алашара дырцәеит, амш аҩбатәи азыбжанӡа Аҟәа ҳаҟан, ҳазыԥшын алашара аныҟало ҳәа. Алашарагьы ҟамлеит, саргьы сгәы ҽеимшәа анызба аҩны сааргеит. Сыԥсы анеиҭаск аҳақьым исабжьалгеит Галтәи ахәышәтәырҭахь ацара. Аҵыхәтәаны ахәылбыҽха убра аҳақьым сидикылан, арентген ҟасҵеит. Амш зегьы аҩныҵҟа абри аус ҳашьҭан, ари хымԥада, араион ауааԥсыра рзы ауадаҩрақәа цәырнагоит, егьырҭ аамҭақәа иреиԥшымкәа арентген аппарат ахәышәтәырҭаҿы иаҭахуп", - ҳәа азгәалҭеит Кирвалԥҳа.

Иара уи адагьы, ачымазара зхызгаз лажәақәа рыла, араион аҿы иҟарҵаӡом ПЦР- анализ. Иааидкыланы ачымазара ахәышәтәра имаҷымкәа аԥара шаго, излымшо ауаа рзы ари еидара ӷәӷәоуп, ҳәа азгәалҭеит лара.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

0