Амина Аншԥҳа аԥкьаҭмпыласразы амастер-класс мҩаԥылгеит Аҟәа

18
(ирҿыцуп 17:36 12.08.2020)
Амина Аншԥҳа имҩаԥылгаз амастер-класс иалахәын 30-ҩык аспортсменцәа ҿарацәа. Лара идлырбон ииашаны ампыл анашьҭышьа, аҭакҟаҵашьа.

АҞӘА, нанҳәа 12 – Sputnik, Сариа Кәарцхьиаԥҳа. Аԥсуа ԥкьаҭмпыласыҩ Амина Аншԥҳа нанҳәа 11 рзы, Аҟәа аԥкьаҭасразы амастер-класс мҩаԥылгеит.

Амастер-класс алагара акыр шагыз аспорттә клуб "Аҟәа" аспортсменцәа қәыԥшцәеи рҭаацәеи, разыҟаҵаҩцәеи еизеит.

Урҭ рыбжьара иҟан раԥхьаӡа акәны еицырдыруа аԥсуа ԥкьаҭасыҩ дызбоз, зсахьа лыцҭызхырц зҭахыз.

Амина Аншԥҳа лажәақәа рыла лара акырҵуан илыгәҭакызижьҭеи аԥсуа хәыҷқәа амастер-класс амҩаԥгара. Усеиԥш ажәадгала анлырҭа деигәырӷьаны илыдылкылеит.

"Сара Аԥсны агәыҳалалра ацҳаражәҳәаҩцәа сыруаӡәкуп. Сколлегацәа аидеиа сырҭеит ареспубликаҿы амастер-класс еиҿыскаарц. Уи сара исгәаԥхеит. Сара схаҭагьы абасеиԥш акы аиҿкаара сҭахызижьҭеи акрааҵуан", - ҳәа еиҭалҳәоит Амина.

Амастер-класс иалахәын 30-ҩык аԥкьаҭмпыласыҩцәа.  Урҭ рҟынтә ирацәаҩын азыҟаҵаҩ Елизабет Акәыциаԥҳа лааӡамҭацәа.

"Ҳхәыҷқәа лассы-лассы аҳәаанырцә ицартә еиԥш алшара рымам. Ҳара ҳзы ари аԥышәа акрызҵазкуа хҭысуп", - ҳәа лҳәеит Акәыциаԥҳа.

Амина Аншԥҳа амастер-класс далагеит аразминка ала. Абри ашьҭахь аспортсменка идлырбеит ахәмарра амаӡақәа.

Аспортсменка Софиа Агәмааԥҳа Амина Аншԥҳа данлыцыхәмар ашьҭахь илҳәеит лгәаҳәара шынаӡаз.

"Сара Амина Аншԥҳа лыхәмаррақәа срышьклаԥшуеит. Ҳзыҟаҵаҩ амастер-классқәа шымҩаԥылго анысзеиҭалҳәа даара сгәырӷьеит", - ҳәа лҳәоит лара.

  • Мастер-класс теннисистки Амины Аншба
    © Sputnik / Марианна Кубрава
  • Мастер-класс теннисистки Амины Аншба
    © Sputnik / Марианна Кубрава
  • Мастер-класс теннисистки Амины Аншба
    © Sputnik / Марианна Кубрава
1 / 3
© Sputnik / Марианна Кубрава
Мастер-класс теннисистки Амины Аншба

Амина Аншԥҳа илҳәеит Аԥсны еиҳа лассы-лассы амастер-классқәа мҩаԥылгалар шылҭаху, аха уи лыхәмаррақәа рыграфик ишахьыԥшу.

Амина Аншԥҳа 2013 шықәса рзы 14 шықәса рҟынӡа зхыҵуа рыбжьара Европа дачемпионхеит, дыриааихьеит акыр жәларбжьаратәи турнирқәа Бельгиа, Германиа, Швеицариа, Узбекистан, Ҭырқәтәыла, Урыстәыла уҳәа имҩаԥысуаз. 2016 шықәса рзы 18 шықәса рҟынӡа зхыҵуа аспортсменцәа рыбжьара Европа дачемпионхеит.

Иара убасгьы дрылахәын атурнирқәа: "Большои Шлем": US Open (ЕАА), Roland Garros (Франциа), Wimbledon (Британиа Ду).

Иахьазы Амина Аншԥҳа дыхәмаруеит аҭыԥҳацәа еиҳабацәа ртурнирқәа рҟны. Жәларбжьаратәи ареитинг WTA инақәыршәаны, Аншԥҳа адунеитә таблицаҿы 187-тәи аҭыԥ нылкылоит.

18

"Аиааира Ахраҿаз": самбо азы XVII Жәларбжьаратәи атурнир Афон ҿыц имҩаԥгахоит

11
(ирҿыцуп 09:34 24.09.2020)
Аицлабрақәа ирылахәхоит 2004-2009 шықәсқәа рзы ииз арԥарцәеи 2006-2008 шықәсқәа рзы ииз аҭыԥҳацәеи.

АҞӘА, цәыббра 24 – Sputnik, Бадраҟ Аҩӡба. Самбо азы XVII Жәларбжьаратәи атурнир "Аиааира Ахраҿа", аибашьцәа-аинтернационалистцәа ргәалашәара иазку, цәыббра 27-29 рзы Афон ҿыц имҩаԥысраны иҟоуп ҳәа иҳәеит Самбои дзиудои рзы ареспублика афедерациа ахантәаҩы Михаил Пиканин Sputnik аҿы имҩаԥысыз апресс-конференциаҿ.

"Есшықәса атурнир агеографиа аҽарҭбаауеит. Иаҳа-иаҳа иаҳҭаауа аспортсменцәа рхыԥхьаӡара иацлоит. Ҳара ҳзы акраҵанакуеит атурнир зҽалазырхәуа рыҩаӡара есааира иахьеизҳауа.  Аԥхьанатә атурнир иалахәыз аспортсменцәа ҿыц аҽазыҟаҵара иалагаз ракәзар, уажәы – аспорт азҟазарахь акандидатцәеи аспорт азҟазацәеи роуп", - ҳәа иҳәеит иара.

Самбои дзиудои рзы ареспублика афедерациа ахантәаҩы ихаҭыԥуаҩ Роберт Новоиан иҳәеит иахьазы аицлабра аҽалархәра шырҭаху аԥснытәии урыстәылатәии акомандақәа 22.

"Традициак аҳасабала Лада Урыстәыла, Нхыҵ Кавказ, Урыстәыла агәы, Москва, Санкт-Петербург рҟынтәи ауп асасцәа шаҳзаауа. Сынтәа атурнир алахәхаразы агәаҳәара аадырԥшит Мрагылара Хара - Алада-Сахалинск, Благовешьченск, Иакутиа, Амуртәи аобласт, Камчаткатәи атәылаҿацә", - иҳәеит Новоиан.

Иара иажәақәа рыла, атурнир иалахәхар рылшоит 400-ҩык аспортсменцәа.

"Аиҳарак атурнир Аҟәа акәын иахьымҩаԥысуаз. Уажәы раԥхьаӡа акәны Афон ҿыц имҩаԥгахоит. Аратәи азал ауснагӡатә амҩаԥгара еиҳа ианаалоит. Аҟәа иҟоу азалқәа ҩба роуп – Курченко лпарк аҿи "Спартаки". "Спартак" азал маҷуп, Курченко лпарк аҿы азал дууп, аха атрибунақәа маҷуп", - ҳәа иҳәоит Роберт Новоиан.

Аицлабрақәа раан ашәарҭадара азҵаара далацәажәо Самбои дзиудои рзы ареспублика афедерациа ахантәаҩы ихаҭыԥуаҩ Андреи Погосов иҳәеит акомандақәа ргәырҽанҵан аспортсменцәа ргәабзиаразы аршаҳаҭгақәа рымазарц ҳәа.

"Агәабзиарахьчара аминистрра адырра раҳҭеит атурнир шымҩаԥааго азы. Ҳгәыӷуеит ацхыраара ҟарҵап ҳәа", - иҳәеит иара.

Погосов еиҭеиҳәеит  атурнир "Аиааира Ахраҿа" ишалахәхо Аԥсны арегионқәа зегьы. Ареспублика ахьӡала иқәгылоит 82-ҩык аспортсменцәа.

"Атурнир ахь иаауа акомандақәа акыр иӷәӷәоуп. Еснагь акоманда ӷәӷәақәа ааргоит Адыгеиантә, иара убас Ингушетиатәи акоманда, Краснодартәи атәылаҿацә акоманда, Москвеи Санкт-Петербурги ркомандақәа аԥыжәара змоу командақәоуп", - ҳәа азгәеиҭеит Погосов.

Самбои дзиудои рзы ареспублика афедерациа ахантәаҩы Михаил Чалмаз аспонсорцәа дрылацәажәеит.

"17 шықәса раахыс сынтәа раԥхьаӡа акәны атурнир Аҳәынҭеилакы аламырхәыкәа имҩаԥаагоит. Ҳҩызцәа ари аспортхк аларҵәара иҳацхраауеит. Уажәгьы ацхыраара ҳарҭеит аилахәырақәа "Премиум", "Аԥсны аҩқәеи аӡқәеи", "Фара", "Кәыдры", Афонҿыцтәи аҳаԥы. Атурнир зегьы ҳзы иныҳәоуп. "Аиааира Ахраҿа" – самбо азы иналукааша турнируп", - ҳәа иҳәеит Чалмаз.

Атурнир аиҿкааҩцәа – Самбо азы Аԥсны афедерациа, Аҟәа ақалақь ахадара аҿари аспорти рзы Адепартаменти Афон ҿыц ахадареи алархәны.

11

Sputnik аҿы иалацәажәоит самбо азы Афон ҿыц имҩаԥысуа XVII Жәларбжьаратәи атурнир

8
(ирҿыцуп 11:39 23.09.2020)
Цәыббра 23 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Афон ҿыц имҩаԥысран иҟоу XVII-тәи Жәларбжьаратәи атурнир иазку апресс-конференциа.

Апресс-конференциа иалахәхоит:

  • Михаил Чалмаз - дзиудои самбои рзы Аԥсны Афедерациа ахада
  • Михаил Пиканин - дзиудои самбои рзы Аԥсны Афедерациа ахантәаҩы
  • Андреи Погосов - дзиудои самбои рзы Аԥсны Афедерациа ахада ихаҭыԥуаҩ
  • Роберт Новоиан - дзиудои самбои рзы Аԥсны Афедерациа ахада ихаҭыԥуаҩ

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

8

Џьапуа COVID-19 иахҟьаз аԥкрақәа рзы: аҽынкыларазы иҟаҳҵаз алаҳәара анхацәа адгылеит

0
(ирҿыцуп 12:41 26.09.2020)
Отаԥ ақыҭа ахада Шьалодиа Џьапуа арадио Sputnik аефир аҿы еиҭеиҳәеит жьҭаара 5 инаркны атәылаҿы иалагалахо аԥкрақәа рзы ажәабжь анхацәа ишрыдыркылаз атәы.
Џьопуа COVID-19 иахҟьаны аԥкрақәа ралагаларазы: аҽынкылараз ҳаҳәара анхаҩцәа адгылеит

Аԥсны ахада Ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уи инақәыршәаны 2020 шықәса жьҭаара 5 инаркны Аԥсны аҵакыраҿы: массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара алмыршахароуп, иара убасгьы ачарақәеи егьырҭ аныҳәатә уснагӡатәқәеи аанкылатәхоит. Аԥсыжрақәа рҿы акәзар, ауаа рхыԥхьаӡара армаҷра азԥхьагәаҭатәуп.

"Инарҭбааны ачароуразы, инарҭбааны ацәашьхәыҟаҵаразы аҽынкылара шаҭаху зегьы адырра рымоуп, ауаа уаанӡеиԥш еинианы аԥшьгарақәа ҟарымҵарцаз ирацәаны аицәажәарақәа мҩаԥаагахьеит, абыргцәа адгаланы. Уи ззеилымкаауа ҳәа нхаҩы дыҟаӡам, аҽынкыларазы иҟаҳҵаз алаҳәара зегьы ақәшаҳаҭуп. Ачымазара ҳқыҭаҟынтә макьана аӡәгьы имыхьыцт, иара ари аамҭа иалагӡаны агәаҟра ӷәӷәагьы ҟамлацт", - ҳәа азгәеиҭеит Џьапуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

0