Аԥсуа шахматасыҩцәа онлаин-хәмарраҿы Ҭаҭарсҭан акоманда ириааит

7
(ирҿыцуп 17:16 08.10.2020)
Онлаин-турнир аҿы ихәмаруаз Аԥснытәи акоманда иалахәын жәаҩык ашахматасыҩцәа, аԥышәа змоу риеԥш аҿаргьы.

АҞӘА, жьҭаара 8 – Sputnik, Асмаҭ Ҵәыџьԥҳа. Аԥснытәи ашахматасыҩцәа ркоманда Ҭаҭарсҭанаа ркоманда ириааит онлаин-турнир аҿы. Атурнир еиҿкаан Россотрудничество ацхыраарала ҳәа Sputnik иазеиҭеиҳәеит атурнир администратор Алмас Багаҭелиа.

Иара иажәақәа рыла, сынтәа иӡбан ачемпионат онлаин формат ала имҩаԥгазарц.

Онлаин-турнир аҿы ихәмаруаз Аԥснытәи акоманда иалахәын жәаҩык ашахматасыҩцәа, аԥышәа змоу риеԥш аҿаргьы. Акоманда иалахәын Аԥсны ашахмат азы Афедерациа ахада Константин Ҭыжәба, Россотрудничество ахаҭарнак Борис Наҟоԥиа, ашахматасыҩцәа Артиом Табариани Ҭемыр Лакербаиеи, аҿар: Нестор Багаҭелиеи Сарида Лакәатааԥҳаи.

Аиааиҩы далкаан азеиԥш балл ахыԥхьаӡарала. Аԥснытәи акоманда аиааира агеит 14:6 ҳәа.

"Ахәмарыҩцәа ҩба-ҩба партиа ихәмаруан – аиқәаҵәақәеи ашкәакәақәеи рыла. Ҭаҭарсҭан акоманда алахәылацәа акыр аԥышәа рымоуп, иҟоуп аспорт азҟазаразы акандидатцәагьы. Ҳара ҳахәмарыҩцәа уажәшьҭа онлаин-формат иашьцылеит", - ҳәа иҳәеит Багаҭелиа.

Багаҭелиа иажәақәа рыла, иазыԥхьагәаҭоуп онлаин турнир ҿыцқәа рымҩаԥгара Россотрудничествои ареспублика Ашахматтә федерациеи рыцхыраарала.

7

Аҟәатәи "Нарҭ" ашьапылампыл азы Аԥсны иачемпионхеит

68
(ирҿыцуп 19:25 25.10.2020)
Амҽыша, жьҭаара 25 рзы акомандақәа "Нарҭи" (Аҟәа) "Афони" (Афон Ҿыц) реиԥыларала имҩаԥысит ашьапылампыл азы Аԥсны ачемпионат аҵыхәтәантәи ахәмарра.

АҞӘА, жьҭаара 25 - Sputnik, Асмаҭ Ҵәыџьԥҳа. Аҟәатәи "Нарҭ" ашьапылампыл азы Аԥсны иачемпионхеит, ашьапылампылтә клуб "Афон" ианаиааи ашьҭахь ҳәа Sputnik иазеиҭеиҳәеит Аԥсны ашьапылампылазы Афедерациа ахада Витали Федоренко.

Аҟәатәи аклуб Афонҿыцтәи акоманда иаԥнагеит 3:0 ҳәа ашьапылампыл азы Ачемпионат аҵыхәтәантәи атур аҿы.

"Нарҭ" хымԥада аиааира аиур акәын, избанзар еиҭахарыла ма аҵахарыла ихәмарыр актәи аҭыԥ зауаз гәдоуҭатәи "Риҵа" акәхон. Убри азы акоманда аханатә аиааира ахы ақәкны иҟан", - ҳәа азгәеиҭеит Федоренко.

Актәи атаим 1:0 ҳәа "Нарҭ" аиааирала инҵәеит. Ахәмарра ахәбатәи аминуҭ аан ампыл амба иҭаиршәит Ҭемыр Агрба, иара аҽазныкгьы,  60-тәи аминуҭ азы ампыл ҭаиршәит. 71-тәи аминуҭ азы ахԥатәи ампыл амба иҭаиршәит Алан Кәыҵниа.

Аҩбатәи атаим аан аӡбаҩ аҟәатәи акоманда ахәмарыҩ Асҭамыр Џьынџьал далицеит. Абри ашьҭахь "Нарҭ" жәаҩыкны ихәмаруан.

"Ус шакәызгьы акоманда "Афон" иаԥнагеит, ҩ-мпылк амба иҭаршәын", - ҳәа иҳәеит Федоренко.

© Sputnik / Томас Тхайцук
Финал чемпионата Абхазии по футболу

Ачемпионат аихшьаалақәа рыла "араӡны" аиуит гәдоуҭатәи "Риҵа", ахԥатәи аҭыԥ ннакылеит аҟәатәи акоманда "Динамо".

68
Джарназ Бения

Бениа еиҭеиҳәеит Павел Арӡынба игәалашәара иазкны Бзыԥҭа аҽырыҩрақәа шымҩаԥгахо атәы

101
Леон иорден занашьоу Павел Арӡынба игәалашәара иазкны Бзыԥҭа аҽырыҩра мҩаԥгахоит жьҭаара 4 рзы. Аҽыбӷаҟазаратә федерациа аӡбаҩ хада Џьарназ Бениа арадио Sputnik аефир аҟны еиҭеиҳәеит ари аусмҩаԥгатә шаԥшьгаз, аицлабрақәа ирылахәхо, шаҟа ҽырыҩра мҩаԥгахо.

Бзыԥҭа сынтәа ҩынтәуп еиҿыркаауеижьҭеи Леон иорден занашьоу Павел Арӡынба игәалашәара иазку аҽырыҩрақәа.

Бениа еиҭеиҳәеит Павел Арӡынба игәалашәара иазкны Бзыԥҭа аҽырыҩрақәа шымҩаԥгахо атәы

"Павел Харитон-иԥа Арӡынба аҽыбӷаҟазараҟны иџьабаа дууп. Аибашьра ашьҭахь иара аӡәзаҵәык иакәын Аԥснынтәи Урыстәыла аиааирақәа рацәаны изгоз, Германиа, егьырҭ атәылақәа рахь дцон. Бзыԥтәи аипподром еиқәирхеит, иахьагьы уа ҳаҽқәа ҭагылоуп, иааԥсара рацәоуп. Уи адагьы Павел Харитон-иԥа Аԥсны ашәарҭара ианҭгылаз атәылахьчара аминистр ихаҭыԥуаҩс дыҟан. Данҳаԥха иара, убас еиԥш агәаанагара сызцәырҵит игәалашәра иазку аҽырыҩрақәа рымҩаԥгара. Аҷкәынцәа иузеиҿкаауазар ҳудгылоит ҳәа сарҳәеит. Иара жьҭаара 10 рзы диит, аха арахь иааскьаганы изыҟаҳҵо (аҽырыҩра - аред.), ачымазара ҿкы азы иҟоу ашәарҭара инамаданы амза 5 рзы аԥкрақәа ахьалагалахо ауп", - ҳәа азгәеиҭеит Бениа.

Иара убасгьы еиҭеиҳәеит аҽқәа хәынтә ишдырыҩуа еиуеиԥшым абжьаӡарақәа рҟны. Урҭ рҟны хә-ҽык иреиҵамкәа иҩуеит.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

101

Уахыки-ҽнаки рыла 106-ҩык акоронавирус шрылаз аадырԥшит Аԥсны

14
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

АҞӘА, жьҭаара 28 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 458 ҟаҵан, урҭ рахьтә акоронавирус аарԥшын 106 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 40-ҩык, илҩаауп 15-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 51-ҩык апациентцәа. 47-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп. Амобилтә госпиталь аҟынтәи илҩаауп быжьҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау