Аҟәатәи "Нарҭ" ашьапылампыл азы Аԥсны иачемпионхеит

71
(ирҿыцуп 19:25 25.10.2020)
Амҽыша, жьҭаара 25 рзы акомандақәа "Нарҭи" (Аҟәа) "Афони" (Афон Ҿыц) реиԥыларала имҩаԥысит ашьапылампыл азы Аԥсны ачемпионат аҵыхәтәантәи ахәмарра.

АҞӘА, жьҭаара 25 - Sputnik, Асмаҭ Ҵәыџьԥҳа. Аҟәатәи "Нарҭ" ашьапылампыл азы Аԥсны иачемпионхеит, ашьапылампылтә клуб "Афон" ианаиааи ашьҭахь ҳәа Sputnik иазеиҭеиҳәеит Аԥсны ашьапылампылазы Афедерациа ахада Витали Федоренко.

Аҟәатәи аклуб Афонҿыцтәи акоманда иаԥнагеит 3:0 ҳәа ашьапылампыл азы Ачемпионат аҵыхәтәантәи атур аҿы.

"Нарҭ" хымԥада аиааира аиур акәын, избанзар еиҭахарыла ма аҵахарыла ихәмарыр актәи аҭыԥ зауаз гәдоуҭатәи "Риҵа" акәхон. Убри азы акоманда аханатә аиааира ахы ақәкны иҟан", - ҳәа азгәеиҭеит Федоренко.

Актәи атаим 1:0 ҳәа "Нарҭ" аиааирала инҵәеит. Ахәмарра ахәбатәи аминуҭ аан ампыл амба иҭаиршәит Ҭемыр Агрба, иара аҽазныкгьы,  60-тәи аминуҭ азы ампыл ҭаиршәит. 71-тәи аминуҭ азы ахԥатәи ампыл амба иҭаиршәит Алан Кәыҵниа.

Аҩбатәи атаим аан аӡбаҩ аҟәатәи акоманда ахәмарыҩ Асҭамыр Џьынџьал далицеит. Абри ашьҭахь "Нарҭ" жәаҩыкны ихәмаруан.

"Ус шакәызгьы акоманда "Афон" иаԥнагеит, ҩ-мпылк амба иҭаршәын", - ҳәа иҳәеит Федоренко.

© Sputnik / Томас Тхайцук
Финал чемпионата Абхазии по футболу

Ачемпионат аихшьаалақәа рыла "араӡны" аиуит гәдоуҭатәи "Риҵа", ахԥатәи аҭыԥ ннакылеит аҟәатәи акоманда "Динамо".

71

Аԥсны ашьапылампыл азы ачемпионат аҟны зҽалызкааз аҳамҭақәа ранаршьеит

12
(ирҿыцуп 17:43 26.11.2020)
Аԥсны ашьапылампыл азы XXVII ачемпионат аҟны актәи аҭыԥ агеит аҟәатәи акоманда "Нарҭ", аҩбатәи –гәдоуҭатәи "Риҵа", ахԥатәи – аҟәатәи "Динамо".

АҞӘА, абҵара 26 – Sputnik, Бадраҟ Аҩӡба. Аԥсны ашьапылампыл азы XXVII ачемпионат аҟны зҽалызкааз астадион "Динамо"аҿы аҳамҭақәа рырҭеит абҵара 26 рзы.

© Sputnik / Леон Адлейба
Аԥсны ашьапылампыл азы ачемпионат аҟны зҽалызкааз аҳамҭақәа ранаршьеит

Аԥсны аҿари аспорти русқәа рзы Аҳәынҭеилакы ахантәаҩы Џьамал Гәбаз ачемпионат алахәылацәа дрыдныҳәалеит.

"Ҭабуп ҳәа иасҳәар сҭахуп ҳтәыла ахада Аслан Гьаргь-иԥа Бжьаниа, ачемпионат амҩаԥгаразы иҟаиҵаз афинанстә цхырааразы. Ишәзеиӷьасшьоит жәларбжьаратәи ақәҿиарақәа, ахьӡ-аԥша", - иҳәеит иара.

Аԥснытәи ашьапылампылтә лига адиректор Витали Федоренко ашьапылампыласыҩцәа дрыдныҳәалеит, ҭабуп ҳәа реиҳәеит аӡбаҩцәеи аклубқәа рнапхгаҩцәеи атурнир амҩаԥгаразы.

© Sputnik / Леон Адлейба
Аԥсны ашьапылампыл азы ачемпионат аҟны зҽалызкааз аҳамҭақәа ранаршьеит

Аиндаҭлара аихшьаалақәа рыла ачемпионат аҿы иреиӷьу амбахьчаҩ ҳәа далкаан Инал Кацуба (акоманда "Нарҭ"), иреиӷьу ахьчаҩ – Асҭан Мықәба (гәдоуҭатәи "Риҵа"), иреиӷьу ахьчаҩбжа – Наур Ҵнариа (аҟәатәи "Нарҭ"), иреиӷьу ажәылаҩ – Леон Ҭаниа (аклуб "Гагра").

Иреиӷьу алегионер ҳәа ихьӡ ҳәан Џьембиле Вилле (аҟәатәи "Динамо"),  асезон иреиӷьу ажәылаҩцәа: "Нарҭ" ахәмарыҩцәа Алан Кәыҵниеи Тимур Агрбеи.

Иреиӷьу ахәмарыҩ ҳәа далхын Марат Агрба (аклуб "Риҵа"), ашықәс иреиӷьу ахәмарыҩ –"Динамо" ахәмарыҩ Георги Анџьапариӡе, азыҟаҵаҩцәа рыбжьара далкаан Ҭимур Ахба ("Динамо").

© Sputnik / Леон Адлейба
Аԥсны ашьапылампыл азы ачемпионат аҟны зҽалызкааз аҳамҭақәа ранаршьеит

Хаҭалатәи аԥхьахәқәа анырша ашьҭахь амедалқәа ранашьан: "Нарҭ" –ахьы, "Риҵа" – аразны, "Динамо" – аџьаз.

Ацеремониа алахәылацәа минуҭктәи аҿымҭрала дыргәаладыршәеит абҵара 25 рзы зыԥсҭазаара иалҵыз Диего Марадона.

12
Футбол. Чемпионат мира - 2014. Матч Аргентина - Босния и Герцеговина

Ашьапылампылтә клуб "Зенит" афилиалқәа аадыртуеит Аԥсны ақалақьқәа ҩба рҿы

5
2020 шықәса цәыббрамзазы 27-ҩык азыҟаҵаҩцәа ашьапылампылтә клуб "Зенит" Академиа иаанартыз акурсқәа ирхысит.

АҞӘА, абҵара 26 – Sputnik. Ашьапылампылтә клуб "Зенит" афилиал аҟәшақәа аадыртуеит Аԥсны ақалақьқәа ҩба–Аҟәеи Афон ҿыци рҿы ҳәа Sputnik иазеиҭеиҳәеит Академиа адиректор ихаҭыԥуаҩ Сергеи Морозов.

"Аус рулоит аԥсуа зыҟаҵаҩцәа, цәыббрамзазы ҳкурсқәа ирхысыз, уи ашьҭахь иахәҭаз азин ҷыда зауз, урыстәылатәи ашьапылампылтә сезон аҿы азыҟаҵаҩцәа ҳәа аквалификациа зауз", - азгәеиҭеит Морозов.

Афон ҿыц аҿы аклуб афилиал ахадараҿы дгылоит "Зенит" академиа аушьҭымҭа, Афон ҿыцтәи аспорттә школ азыҟаҵаҩ Армен Капикиан. Аҟәа аус зураны иҟоу азыҟаҵаҩцәагьы хара имгакәа рыӡбахә ҳәахоит.

Акомандахь ирыдыркылоит 6-13 шықәса зхыҵуа ахәыҷқәа. Ашьапылампыласцәа хәыдаԥсада ироуеит ирыхәҭоу зегьы. "Зенит" акоманда иалахәхартә иԥхьаӡахо Санкт-Петербургҟа ииасыр ауеит. Уа дара академиа апрофессионалтә режим ала рҽазыҟарҵалоит.

2021 шықәса, хәажәкырамзазы аклуб аҟәшақәа аартхоит Гагреи Гәдоуҭеи.

"Ҳақәгәыӷуеит ашьапылампыл аҿиара аиуп ҳәа. Асовет аамҭа аахыс аԥсуа шьапылампыласыҩцәа аадыруеит, асовет спорт ахьӡ ҭыргон. Ҳгәыӷуеит аԥсуа шьапылампыл ԥхьацара аиуп ҳәа. Аԥсны аҟыбаҩ злоу шыҟоу агәрааагоит", - иҳәеит иара.

"Зенит" академиа афилиал Аԥсны аартра ашьапылампыл аларҵәароуп иаанаго ҳәа иҳәеит иара.

Санкт-Петербургтәи ашьапылампылтә клуб "Зенит" шьаҭаркын лаҵара 25 1925 шықәса рзы.

5
Отдых в Абхазии

Аԥсны 2021 шықәса аԥхынразы еиҳа заа иаҿарҵо аҭыԥқәа ирылахәуп

3
Асиа шьақәыргылоуп 2021 шықәса аԥхынра аԥсшьаразы заанаҵтәи аҿаҵарақәа рбаза адыррала.

АҞӘА, абҵара 30 - Sputnik. Аԥсны 2021 шықәса аԥхынразы еиҳа заа иаҿарҵо аҭыԥқәа ирылахәуп ҳәа аанацҳауеит аԥсшьаразы анхарҭақәа рҿаҵаразы амаҵзура Tvil.ru.

Аԥснеиԥш иара убасгьы аԥыжәара рымоуп: Ҟрым, Краснодартәи атәылаҿацә, Санкт-Петербурги Ленинградтәи аобласти, Карелиа.

  • Ҟрым - 35 %
  • Краснодартәи атәылаҿацә- 30%
  • Ленинградтәи аобласти Санкт-Петербурги - 15%
  • Аԥсны - 7%
  • Карелиа - 3%

Tvil.ru адыррақәа рыла 2021 шықәсазтәи аҿаҵарақәа 20 процент икаҳаит 2020 шықәсазтәиқәа ирҿырԥшны.

Атуристцәа хынтәны еиҵаны аҿаҵарақәа ҟарҵеит ҵыԥхтә иаҿырԥшны. Убри аан уахыки-ҽнаки рзы ахәԥса 11 процент ихаланы 3025 мааҭ артәеит хҩык рзы шьыжьхьада. Убри аан аотельқәа рҿы аԥсшьара аҭаххара 7 процентк иазҳаит.

Tvil.ru: ишаҳәо ала атуристцәа макьаназ аҭагылазаашьа зеиԥшрахо иазыԥшуп.

Иара убас шәаԥхьар ҟалоит:

3