Аԥснытәи аспортсменка абокс азы Урыстәыла аицлабрахь апутиовка лоуит

11
Азанааҭеидгылақәа рыбаҩрҵәыра-спорттә еилазаара "Россия" ахеилак хада аицлабрақәа мҩаԥысуан ақыҭа Голубицкаиа Краснодартәи атәылаҿацә аҿы.

АҞӘА, хәажәкыра 24 – Sputnik, Бадраҟ Аҩӡба. Аҟәа ақалақь ахадара Аҿари аспорти русқәа рзы адепартамент абокс асекциа ааӡамҭа Диана Мелкониан актәи аҭыԥ аанылкылеит Азанааҭеидгылақәа рыбаҩрҵәыра-спорттә еилазаара "Россия" ахеилак хада аицлабрақәа рҿы 15-16 шықәса зхыҵуа, зыкапантә категориа 48 кьыла иҟоу рыбжьара. Абри атәы Sputnik иазеиҭеиҳәеит аспортсменка лазыҟаҵаҩ Давид Аҩӡба.

Иара иҳәеит аспортсменка Урыстәыла аицлабрақәа рҿы ақәгылара азин шлоуз.

"Ари атурнир Урыстәыла зегьы аицлабрақәа рыламҭалаз имҩаԥырго роуп. Диана актәи ақәгылараан Астрахантәи аобласт аҟынтәи аԥышәа змаз аспортсменка длындаҭлон. Рықәгылара аинтерес аҵаны имҩаԥысит. Диана илылшеит аиааира агара. Уажәы лара Урыстәыла аицлабрақәа рылахәхара лылшоит", - ҳәа иҳәеит иара.

Диана Мелкониан ҩышықәсоуп абокс лнапы алакуижьҭеи. Абри аамҭа иалагӡаны еиуеиԥшым атурнирқәа рҿы хә-қәгыларак мҩаԥылгахьеит, ԥшьынтә аиааира лгеит.

© Foto / Давид Авидзба
Аԥснытәи аспортсменка абокс азы Урыстәыла аицлабрахь апутиовка лоуит

"Ԥышәа дук лымам, аха аԥеиԥш лымоуп. Аринг аҿы лықәгыларақәа ирылукаауа иҟоуп ашықәсҿыцазтәи Шәачатәи атурнир аҿы лықәгылара. Диана Краснодартәи атәылаҿацә аҿы лықәгылараан даҵахеит. Дзындаҭлоз лара лаасҭа акыр дыӷәӷәан, аԥышәагь лыман", - ҳәа иҳәоит Давид Аҩӡба.

Иара убасгьы иҳәеит Диана Мелкониан дызлахәхо Урыстәыла ақәгыларақәа анымҩаԥысуа макьана ишеилкаам.

Иара убас шәаԥхьар ҟалоит:

11

Амина Аншԥҳаи Панна Удвардии аҽа турнирк аҿы аиааира ргеит

2
(ирҿыцуп 14:57 12.04.2021)
Амина Аншԥҳаи илыцықәгыло Панна Удвардии уаанӡагьы аԥқьаҭасразы атурнирқәа рсериа ITF W25 аҟны аиааира ргахьан.

АҞӘА, мшаԥы 12 - Sputnik. Аԥсуа ԥқьаҭасыҩ Амина Аншԥҳаи венгриатәи аԥқьаҭасыҩ Панна Удвардии аргентинатәи Кордобе имҩаԥысуаз атурнир ITF W25 аҿы аиааира еиҭаргеит.

Афиналтә хәмарраан аспортсменкацәа Барбара Гатикеи – Чили, Ребека Переируи – Бразилиа ириааит 6:3, 6:3 ҳәа.

Амина Аншԥҳаи илыцықәгыло Панна Удвардии уаанӡагьы аԥқьаҭасразы атурнирқәа рсериа ITF W25 аҟны аиааира ргахьан.

"Амина илылшон арҭ аицлабрақәа рҟны аԥхьатә ҭыԥ аанкылара аха афиналбжаҿы Панне Удварди длыҵахеит", - аҳәоит Аԥсны аспорт азы Аҳәынҭеилакы адырраҭараҿы.

Уаанӡа атурнир ITF актәи аикәшараҟны Аргентина Амина Аншԥҳа аԥқьаҭасратә ҭоурых аҿы зыноурылара хԥатәиу ахәмарра мҩаԥылгеит.

2
Элкан Гвазава (слева) занял второе место в соревнованиях по тяжелой атлетике в Казани

Елҟан Ӷәазаа Казань аицлабрақәа рҿы аҩбатәи аҭыԥ ааникылеит

7
Калдахәаратәи ашкол-интернат ааӡамҭа Елҟан Ӷәазаа Аолимпиатә резерв иатәу Казантәи аҵараиурҭаҿы аҵара иҵоит, Марат Мадиаров инапхгарала иҽазыҟаиҵоит.

АҞӘА, мшаԥы 12 - Sputnik. Аԥснытәи аспортсмен Елҟан Ӷәазаа Ареспублика Ҭаҭарсҭан имҩаԥысуаз атлетика хьанҭазы аиндаҭлараҿы аҩбатәи аҭыԥ игеит ҳәа аанацҳауеит Аԥсны аспорт азы Аҳәынҭеилакы.

Аицлабрақәа мҩаԥысуан мшаԥы 11 рзы. Ирылахәын шәҩык рҟынӡа Ҭаҭарсҭан иреиӷьӡақәаз аспортсменцәа.

Елҟан Ӷәазаа 67 кьыла рҟынӡа зыкапан наӡо дрыцықәгылон. Иеихшьалатә рбага – зныҭрысла ашьҭыхраҿы 120 кг, дагәҭасны ашьҭыхраҿы - 135 кг.

Калдахәаратәи ашкол-интернат ааӡамҭа Елҟан Ӷәазаа Аолимпиатә резерв иатәу Казантәи аҵараиурҭаҿы аҵара иҵоит, Марат Мадиаров инапхгарала иҽазыҟаиҵоит.

Уаанӡа аспортсмен Калдахәаратәи ашкол-интернат атлетика хьанҭа асекциаҿы иҽазыҟаиҵон СССР аспорт азҟаза Иасон Кьахьба инапхгарала.

Иара убас шәаԥхьар ҟалоит:

7

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

0
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

0