Аԥснытәи аспортсменка абокс азы Урыстәыла аицлабрахь апутиовка лоуит

© Foto / Давид АвидзбаДевушка-боксер из Абхазии победила в первенстве в России
Девушка-боксер из Абхазии победила в первенстве в России - Sputnik Аҧсны, 1920, 24.03.2021
Анапаҵаҩра
Азанааҭеидгылақәа рыбаҩрҵәыра-спорттә еилазаара "Россия" ахеилак хада аицлабрақәа мҩаԥысуан ақыҭа Голубицкаиа Краснодартәи атәылаҿацә аҿы.

АҞӘА, хәажәкыра 24 – Sputnik, Бадраҟ Аҩӡба. Аҟәа ақалақь ахадара Аҿари аспорти русқәа рзы адепартамент абокс асекциа ааӡамҭа Диана Мелкониан актәи аҭыԥ аанылкылеит Азанааҭеидгылақәа рыбаҩрҵәыра-спорттә еилазаара "Россия" ахеилак хада аицлабрақәа рҿы 15-16 шықәса зхыҵуа, зыкапантә категориа 48 кьыла иҟоу рыбжьара. Абри атәы Sputnik иазеиҭеиҳәеит аспортсменка лазыҟаҵаҩ Давид Аҩӡба.

Иара иҳәеит аспортсменка Урыстәыла аицлабрақәа рҿы ақәгылара азин шлоуз.

"Ари атурнир Урыстәыла зегьы аицлабрақәа рыламҭалаз имҩаԥырго роуп. Диана актәи ақәгылараан Астрахантәи аобласт аҟынтәи аԥышәа змаз аспортсменка длындаҭлон. Рықәгылара аинтерес аҵаны имҩаԥысит. Диана илылшеит аиааира агара. Уажәы лара Урыстәыла аицлабрақәа рылахәхара лылшоит", - ҳәа иҳәеит иара.

Диана Мелкониан ҩышықәсоуп абокс лнапы алакуижьҭеи. Абри аамҭа иалагӡаны еиуеиԥшым атурнирқәа рҿы хә-қәгыларак мҩаԥылгахьеит, ԥшьынтә аиааира лгеит.

© Foto / Давид АвидзбаАԥснытәи аспортсменка абокс азы Урыстәыла аицлабрахь апутиовка лоуит
Аԥснытәи аспортсменка абокс азы Урыстәыла аицлабрахь апутиовка лоуит - Sputnik Аҧсны, 1920, 24.03.2021
Аԥснытәи аспортсменка абокс азы Урыстәыла аицлабрахь апутиовка лоуит

"Ԥышәа дук лымам, аха аԥеиԥш лымоуп. Аринг аҿы лықәгыларақәа ирылукаауа иҟоуп ашықәсҿыцазтәи Шәачатәи атурнир аҿы лықәгылара. Диана Краснодартәи атәылаҿацә аҿы лықәгылараан даҵахеит. Дзындаҭлоз лара лаасҭа акыр дыӷәӷәан, аԥышәагь лыман", - ҳәа иҳәоит Давид Аҩӡба.

Иара убасгьы иҳәеит Диана Мелкониан дызлахәхо Урыстәыла ақәгыларақәа анымҩаԥысуа макьана ишеилкаам.

Иара убас шәаԥхьар ҟалоит:

Ажәабжьқәа зегьы
0