Отдых туристов в Абхазии

Пицунда афотоконкурс аԥшьыргеит

14
Апансионатқәа реидгыла "Курорт Пицунда" ԥхынгәы 27 инаркны абҵара 30 рҟынӡа ирыланаҳәеит афотоконкурс "Иреиӷьу аҭаацәаратә ԥсшьара".

АҞӘА, нанҳәа 1– Sputnik, Асмаҭ Ҵәыџьԥҳа. Анаплакы "Курорт Пицунда" аԥсшьаҩцәа ирыднагалоит акурорт иахьаҵанакуа рфотосахьақәа ҭыхны, Instagram иҭаргалархештег #КУРОРТПИЦУНДА ацҵаны.

Афотоконкурс иатема хадахоит Пицунда иахьаҵанакуа аҭаацәаратә ԥсшьара амҩаԥысшьа.

Аконкурс алахәылацәа иҭырхлароуп рыԥсшьара иреиӷьу ахҭысқәа.

Аконкурс аҟны аиааира зго, афото аҿы ргәалашәарақәа аахьырзаанхо адагьы, алшара роуеит даҽазнык Пицундаҟа ахынҳәра. Усҟан дара хәыда-ԥсада рыԥсы ршьоит.

Аԥхьахә хада – хҩык ауаа рзы жәамштәи аԥсшьара акәхоит.

Арзаҳалқәа рыдкылара хыркәшахоит абҵара 20, 2018 шықәса, 23:00 сааҭ рзы.

14