Аԥсны - аԥсшьаразы иреиӷьу аҭыԥқәа жәаба рсиа иалоуп

© Sputnik / Илона Хварцкия / Амедиаҵәахырҭахь аиасраОсень в Абхазии
Осень в Абхазии - Sputnik Аҧсны
Анапаҵаҩра
Аԥсшьаразы анхарҭа ҭыԥ аҿаҵара иазку урыстәылатәи амаҵзура Tvil.ru ишьақәнаргылеит аурыс ԥсшьаҩцәа абри аԥхынразы зегьы иреиӷьыршьо ахырхарҭақәа рсиа.

АҞӘА, мшаԥы 9 - Sputnik. Гагра араион аԥсшьаразы иреиӷьу аҭыԥқәа жәаба ирхыԥхьаӡалахеит уахыки-ҽнаки рыла ҩ-нызқь мааҭ иреиҳамкәа аныхра иазыхиоу аурыс ԥсшьаҩцәа рыбжьара. Абри атәы аҳәеит апортал Tvil.ru.

погода  - Sputnik Аҧсны
Урыстәылауаа акоронавирус иацәыбналар рҭахуп Ҟрым, ма Аԥсныҟа раарала

Актәи аҭыԥқәа хԥа ааныркылеит Ҟрым, Краснодартәи атәылаҿацә, Санкт-Петербург.

Асиа шьақәыргылоуп ҳазҭоу ашықәс рашәара 1 инаркны нанҳәа 31 рҟынӡа аԥсшьаҩцәа зыхә ахыршәаахьоу асасааирҭақәеи, ауаҭахқәеи, аҩнқәеи ирызку адыррақәа инарықәыршәаны.

Иааидкыланы, асиа аԥшра абас иҟоуп:

  •  Евпаториа, Ҟрым — 2434,7 мааҭ/13,5 ҵхы
  • Шәача, Краснодартәи атәылаҿацә — 2270,4 маҭ/11,4 ҵхы
  • Санкт-Петербург, Ленинградтәи аобласт — 2165,5 мааҭ/6 ҵхык
  • Кисловодск, Ставропольтәи атәылаҿацә— 1589,4 маҭ/4,7 ҵхы
  • Казань, Ҭаҭарсҭан — 2088,7 мааҭ/4,5 ҵхы
  • Цандрыԥшь, Гагра араион, Аԥсны — 1800 мааҭ/12 ҵхы
  •  Осташков, Твертәи аобласт — 2748 мааҭ/5 ҵхы
  • Таганрог, Ростовтәи аобласт — 1775 мааҭ/6 ҵхык
  •  Банное, Башкириа — 3590,9 мааҭ/11 ҵхы
  • Соль-Илецк, Оренбургтәи аобласт — 2500 мааҭ/4 ҵхык

* Иаагоуп ибжьаратәу ахыԥхьаӡарақәа

Мшаԥымза 20 рҟынӡа Аԥсны аҭагылазаашьа ҷыда алагалоуп акоронавирус аламырҵәара хықәкыс иҟаҵаны. Аԥсшьаҩцәа рыдкылара абри аамҭазы иаанкылоуп. Иахьатәи аамҭазы атәылаҿы ачымазара ҿкы ҩыџьа ирыдбалоуп, аҩыџьагьы Гәдоуҭатәи ахәышәтәырҭаҿы ишьҭоуп.

Иара убас шәаԥхьар ҟалоит:

Ажәабжьқәа зегьы
0